TIENWOGIKAL 73:1 - BUKUIT NE TILIIL Sireet ne Dutero Kanon

¹ Iman, myee Kamuktaindet eng' Israel, eng' icheeget che tiliileen mugulelwek.

Bukuit Ne Tilil

¹ Iman, myee Kamuktaindet eng' Israel, eng' icheeget che tiliileen mugulelwek.

BUKUIT NE TILIL

¹ Iman mie Kamuktaindet eng’ Israel, Eng’ icheget che tililen mugulelwek.

TIENWOGIKAL 73:1 ပူးပေါင်းရင်းမြစ်များ

1 ATEPTAP PEETUUSYEK 15:17

Ki lewen anyun `Lawiik Herman weeriitap Joel; ak eng' tupchosyekyik, kolewen Asaph weeriitap Berekiah; ak eng' weeriigap Merari tupchosyekwak, kolewen Ethan weeriitap Kusaia;

1 ATEPTAP PEETUUSYEK 16:37

Ki pagaach anyun Asaph ak tupchosyekyik eng' yooto, eng' taitap moingetap arorutyetap Kamuktaindet ne Toroor, si kobiit kobois eng' yooto peetuusyek tugul ko uu ye yamegei ak poisyetap peetuut age tugul.

1 ATEPTAP PEETUUSYEK 16:7

Ki ng'at ne po tai anyun Daudi eng' peetuunooto Asaph ak tupchosyekyik kole kewekyi Kamuktaindet ne Toroor kongoi.

1 ATEPTAP PEETUUSYEK 6:39

Kobooto ng'eetap kamennyi Asaph, ne kitonone komostap eunnyi ne po tai, ineendet Asaph weeriitap Berekiah, weeriitap Simea,

2 ATEPTAP PEETUUSYEK 29:30

Ki ng'at kogeny `Laitoryat Hezekiah ak `pounik, Lawiik kotyenji Kamuktaindet ne Toroor kalasunoik eng' ng'aleegap Daudi ak che po Asaph keerindet. Ara kityen kalasunoik eng' kagasetapkei, ak ki ing'uruukso ak kolas.

TIENWOGIKAL 2:6

“Kande laitoryandennyu `Zion tulweennyu ne tiliil.”

TIENWOGIKAL 24:4

Ineendet ne tiliileen eunek ak ko tiliil muguleldanyi, ne ma lasyingei saboondanyi tuguugap yaityo, ama iyastos eng' ng'aalseet.

TIENWOGIKAL 42:11

Amu nee si ing'uruuge, ee saboondanyu? Amu nee si iimige eng' anee? Imang'u Kamuktaindet; amu ta alasu ineendet, ineendet toretindennyu ak Kamuktaindennyu.

TIENWOGIKAL 50:1

Katwek Ne po Kamuktaet, inee Kamuktaindet ne po Toroornatet, ak kaguur ng'wony kobooch ko kachor asiis agoi kororokto.

TIENWOGIKAL 51:10

Yaiywo muguleldo ne tiliil, ee Kamuktaindet; ak iyai saboondanyu koleelit ak iywokyi eng' oriit.

TIENWOGIKAL 73:18

Iman igoochini kotebee icheek komoswek che chaboen: Ak iwiirchini icheek ng'wony koba ng'emisyet.

TIENWOGIKAL 83:1

Ee Kamuktaindet, amesiis: amesiis, amemuuny, ee Kamuktaindet.

TIENWOGIKAL 84:11

Amu Kamuktaindet ne po Toroornatet ko uu asiista ak long'eet: Koonu Kamuktaindet ne Toroor myeeindo ak teegisto: Maete icheek che pendoti eng' imanda kiy age tugul ne myee.

JEREMIA 4:14

Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

MATAYO 5:8

Poiboen che tiliileen mugulelwek, amu tuun keerei Kamuktaindet.

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

JOHANA 1:47

Kingo keer `Jeso Nathanael konyonei ole mi ineendet, ak komwa agobo ineendet kole, “Ogeero, Yahudyot iman, ne ma tinyei ng'aalseet!”

ROMANIK 4:16

Punu kayaneet amu niito, si kobiit koek ne po myeeindo; si ma walak arorutyet eng' iyoteet tugul; ma chooto po Ng'atuutyet kityo, ago chooto ak icheek che po kayaneetap Abraham, ne kwandanyo acheek tugul

TITO 3:5

kosarwech, ma eng' poisyonigap imanda che ki kiyai acheeget, ago ko uu ole teptoi rireenennyi pogei, eng' kaunetap sigeet ne leel ak kaleelitetap Kabuuset ne Tiliil,

JAKOBO 4:8

Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.