TIENWOGIKAL 72:12 - BUKUIT NE TILIIL Sireet ne Dutero Kanon

¹² Amu saru ne nyalili ye kariir; Ak kibananiat, ne ma tinyei toretin.

Bukuit Ne Tilil

¹² Amu saru ne nyalili ye kariir; Ak kibananiat, ne ma tinyei toretin.

BUKUIT NE TILIL

¹² Amu soru ne nyalili ye karir; Ak kibananiat, ne matinyei toretin.

TIENWOGIKAL 72:12 ပူးပေါင်းရင်းမြစ်များ

2 SAMUEL 14:16

Amu kasei laitoryat ak kosarwo anee otwogindennyi eng' eutap chiito ne machei kobara ak weeriinnyu koistoenech poroteetap Kamuktaindet.

Kitabuutap JOB 29:12

Amu ki asaru kibananiat ne kirirei, ak ne ki ma kotinyei kwanda agine, ne ki ma kotinyei chii ne toreti.

Kitabuutap JOB 36:15

Ago saru che kinyaliili eng' nyalildanywa, ak koyaat itiikwak eng' usiisyennywa.

TIENWOGIKAL 10:17

Ki igas inyee, Kamuktaindet ne Toroor, mageetap che talaen; ichobe mugulelwekwak ak igoochini itiiguk kogas.

TIENWOGIKAL 102:17

Kagogas saaetap kibananiat, ama sas saaennywa.

TIENWOGIKAL 102:20

si kogas tigenetap kimonjororyot; si kotyach icheek che kigechopchi meet;

TIENWOGIKAL 55:17

Atigeni ak ariire, koskoleny, ak karon, ak peet kween, si kogas ineendet kutinnyu.

TIENWOGIKAL 72:4

Irwooksechin kibananogap piik, Ak kosaru lagogap che nyalildos, Ak kotonaton usiindet.

KALEWANAIK 29:7

Ibwaati chiito ne po iman ng'aleegap kibananook; ma tinyei kaguiyet kiptengekyot konai nooto.

AMDOINDET 4:1

Ki aweege anyun ak ageer usiisyosyek tugul che kiyaei eng' kurereetap asiista. Mi riiregap che ki kius, ama tinyei kagaigaindet, ak ki tinyei kimnateet usiikwak, ago ki ma kotinyei kagaigaindet.

ISAIAH 41:17

Cheeng'ei peek piik che ponoon ak che ma tinyei kiy, ago ma mi, ak koyaamei ng'elyepta amu melelda; awoljini, anee Kamuktaindet ne Toroor, ma metoi anee Kamuktaindetap Israel.

LUKA 4:18

Mi Kabuusetap Kiptaiyat kobooto, Ami ki ila si kobiit aamji kibananook logoiywek che myach: Ki iyookwo si kobiit aamji luulenik katyaget, Asi kobiit kogeerto kipkoratinik, Ak atyach che ki kiguoten.

LUKA 7:22

Kowolji koleenji, “Oba omwachi Johana tuguuk che kaogeer ak che kaogas; kigoochin kipkoratinik kogeerto, ak pendoti che koing'waldos, kitiliili che tinyei mogondosaik, ak kastoi che ming'otin, king'eeti che ki kobek, ki amjin kibananook logoiywek che myach.

2 KORINTOEK 8:9

Amu ongen myeeindap Kiptaiyandennyo Jeso Kristo ole, agot nganda ki mogoryo, ko ki ek kibanania agobo okweek, si kobiit oegu mogoreek eng' panandanyi.

HEBRANIK 7:25

Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

1 SAMUEL 22:2

Ki iyumjigei ineendet chii age tugul ne kinyalili, age tugul ne ki tinyei pesen ak age tugul ne ki tinyei ng'wanindo eng' muguleldanyi, ak ki ek ineendet kiptaiyannywa. Ki mi ak ineendet murenik olo po pogol ang'wan.