TIENWOGIKAL 71:22 - BUKUIT NE TILIIL Sireet ne Dutero Kanon

²² Alasun agane eng' kibugandet, agobo imandang'ung', ee Kamuktaindennyu; atyenun kalasunoik eng' ketubet, ee Inyee ne Tiliil ne po Israel.

Bukuit Ne Tilil

²² Alasun agane eng' kibugandet, agobo imandang'ung', ee Kamuktaindennyu; atyenun kalasunoik eng' ketubet, ee Inyee ne Tiliil ne po Israel.

BUKUIT NE TILIL

²² Alosun agane eng’ kibugandet, Agot imandang’ung’, ee Kamuktaindennyu: Atienun kalosunoik eng’ ketubet, Ee Inye ne Tilil ne bo Israel.

TIENWOGIKAL 71:22 ပူးပေါင်းရင်းမြစ်များ

2 LAITORINIK 19:22

Ng'oo ne ki ichot ak ichup? Ng'oo ne ki ibolji? Ak ng'oo ne injururi? Nooto ko Ineendet ne Tiliil ne po Israel!

TIENWOGIKAL 138:2

Agutunyi atokyinige hekalung'ung' ne tiliil, ak agoochini kaineng'ung' kongoi amu chamyeng'ung' ne tala amu imandang'ung'; amu ki ieet ng'olyoondeng'ung' kosiir kaineng'ung' komugul.

TIENWOGIKAL 144:9

Atyenun tyendo ne leel, ee Kamuktaindet, atyenun kalasunoik eng' kibugandet ne po inoik taman.

TIENWOGIKAL 25:10

Chamyet ne tala ortinwek tugul che po Kamuktaindet ne Toroor ak ko po imanit, eng' icheek che riibei kayomisennyi ak paornatosyekyik.

TIENWOGIKAL 33:2

Oweekyi Kamuktaindet ne Toroor kongoi eng' ketubet; otyenji kalasunoik eng' kibugandet ne tinyei inoik taman.

TIENWOGIKAL 43:4

Awendi anyun kaptisisyetap Kamuktaindet, ole mi Kamuktaindet ne poiboiyennyu ne siirtoot. Alasun eng' ketubet, ee Kamuktaindet, Kamuktaindennyu.

TIENWOGIKAL 56:4

Eng' Kamuktaindet, ne alasu ng'olyoondennyi; Kamuktaindet ne amang'u, ma yweisyei. Imuuchi ko itaa nee chii?

TIENWOGIKAL 78:41

Ak ki week kogeny kotyem Kamuktaindet, Ak kitach Ineendet ne Tiliil ne po Israel.

TIENWOGIKAL 89:1

Atyeni agobo rireenetapkei ne po Kamuktaindet ne Toroor agoi koigeny: Aboortoi eng' kutinnyu imandang'ung' eng' ibinwek tugul.

TIENWOGIKAL 89:18

Amu po Kamuktaindet ne Toroor long'ennyo; Ak po Ineendet ne Tiliil ne po Israel laitoryandennyo.

TIENWOGIKAL 98:3

Kigobwaat rireenennyi ak imandanyi eng' kootap Israel: Ki kogeer tabanwek tugul che po ng'wony yetunetap Kamuktaindennyo.

TIENWOGIKAL 98:4

Otyenji Kamuktaindet ne Toroor eng' kutitap poiboiyet, ng'wony komugul: Oong'et tyendo, ak otyen eng' poiboiyet, ee, otyen kalasunoik.

TIENWOGIKAL 98:5

Otyenji Kamuktaindet ne Toroor kalasunoik eng' ketubet; Eng' ketubet, ak eng' kutitap kalasunet.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 43:3

Amu aa Kamuktaindet ne Toroor Kamuktaindeng'ung', Ineendet ne Tiliil ne po Israel, Yetindeng'ung'; kaagoite Misiri koek ne kityagenen, kobooto Kush ak Seba.

ISAIAH 5:16

Ago itoroorot Kamuktaindet ne Toroor ne po lugoosyek eng' kirwoogetap imanda, ak Kamuktaindet ne Tiliil koboortoigei kole itabaanat eng' imanda.

ISAIAH 5:19

che mwaei kole, “Ingochaakta ineendet, kochokyi poisyennyi, si kobiit kegeer. Ingorik konyo kirwoogetap Ineendet ne Tiliil ne po Israel, si kobiit kenai!”

ISAIAH 5:24

Nooto anyun, ko uu ye peelei liplibenetap maat mobeek, ak ko uu ye igeesu liplibenetap maat susweek che yamyotiin, ko uu nooto kergeitu tigitikwak ak nunateet, ak kotogosta taaptokwak ko uu temburyek; amu ki koeesyo ng'atuutigap Kamuktaindet ne Toroor ne po lugoosyek, ak kosas ng'olyootap Ineendet ne Tiliil ne po Israel.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 60:9

Igeno iman ngeguusyek, ak sip kogeno melisyek che po Tarsis, si kobiit komut weeriiguk eng' ole loo, koibu fedhaisyekwak ak thahabusyekwak, agobo kainetap Kamuktaindet ne Toroor Kamuktaindeng'ung', ak agobo Ineendet ne Tiliil ne po Israel, amu ki kotoroorin.

MIKAH 7:20

Iyachini Jakobo imanit, ak iyachi Abraham rireenet, che kigeyosyechi kwanisyekyok eng' peetuusyek che po keny.

ROMANIK 15:8

Amu amwae anyun ale ki keyai Kristo koek kiboityotap kamuratanet agobo imanitap Kamuktaindet, si kobiit kogimit arorutik che ki kigoochi kwanisyek,