TIENWOGIKAL 7:9 - BUKUIT NE TILIIL Sireet ne Dutero Kanon

⁹ Ingowong'kei tengektap kiptengeginik, ago igimit ne po imanda. Ee Kamuktaindet ne po imanda, inyee ne isyachi kabwaatutik ak mugulelwek.

Bukuit Ne Tilil

⁹ Ingowong'kei tengektap kiptengeginik, ago igimit ne po imanda. Ee Kamuktaindet ne po imanda, inyee ne isyachi kabwaatutik ak mugulelwek.

BUKUIT NE TILIL

⁹ Ingowong’gei tengektab kiptengeginik, ago igimit ne bo imanda: Amu tiemei Kamuktaindet ne bo imanda mugulelwek ak soromok.

TIENWOGIKAL 7:9 ပူးပေါင်းရင်းမြစ်များ

TAUNET 20:5

Tos ma leenjo ineendet, ‘Sarah ko tupchennyu?’ Ak ma mwa agine kwonyooto kole, ‘Ineendet ko tupchennyu?’ Ki ayai ko uu ni eng' muguleldo ne po iman ak eng' eunek che tiliileen.”

1 LAITORINIK 8:32

igas anyun eng' kipsengwet, ak iyai, irwooksechi otwogiguk, igikyi ineendet ne kalel, si inde kotebee metinnyi ortinwekyik. Iityi imanda ineendet ne po iman, igoochi ineendet ko uu imandanyi.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

TIENWOGIKAL 10:15

Irii eutap kiptengekyot; cheeng' tengektap ne ya kot koma komi.

TIENWOGIKAL 10:18

Ibesyechini ne ma tinyei sigiik ak ne kisastae, si mata komuiso kogeny chii ne po ng'wony.

TIENWOGIKAL 11:5

Tyemei Kamuktaindet ne Toroor chiitap imanda; ak wechei saboondanyi kiptengekyot ak ineendet ne chamei koroomnateet.

TIENWOGIKAL 139:1

Ee Kamuktaindet ne Toroor, ki isyacha ak ki inaa.

TIENWOGIKAL 17:3

Ki ityem muguleldanyu; ki inyoonjo kemoi, ki isyacha, ama inyoorcha kiy; ki abekyi ale ma mwaei kutinnyu pistoet.

TIENWOGIKAL 18:21

Amu ki ariip ortinwegap Kamuktaindet ne Toroor, ak ma abagaakte Kamuktaindennyu eng' oor ne ya.

TIENWOGIKAL 26:2

Isyacha, ee Kamuktaindet ne Toroor, ak ityema; tyem kabwaatutikyuk ak muguleldanyu.

TIENWOGIKAL 35:23

Ng'eet, keer si irwooksewa, agobo ng'aleekyuk, inyee Kamuktaindennyu ak ko Kiptaiyandennyu.

TIENWOGIKAL 37:23

Chobei Kamuktaindet ne Toroor ole punooti chii, ak paibaitu eng' atebeennyi.

TIENWOGIKAL 40:2

Ki kanabwa kora amang'une keriinget ne kiywei, eng' ng'atatyat ne meneet. Ki nama atonon eng' rwandet, ak ki igimit ole abunoti.

TIENWOGIKAL 43:1

Ibesyeiwo ng'aleekyuk, ee Kamuktaindet, ak itononwo eng' pororyet ne ma po iman; sarwo eng' chiito ne ng'aalsei ak ne ma po iman.

TIENWOGIKAL 44:21

ko tos ma cheeng'ei konai Kamuktaindet niito? Amu ingen inee ung'ootigap muguleldo.

TIENWOGIKAL 58:6

Ee Kamuktaindet, iri kelekwak, icheru, ee Kamuktaindet ne Toroor, kelek che eecheen che po ng'etuunyik che neran!

TIENWOGIKAL 9:9

Egu `Kamuktaindet ne Toroor irimeetap ne kiusei, irimeet eng' peetuusyegap nyalilda.

TIENWOGIKAL 96:10

Omwa eng' pororyosyek ole, Laitorani Kamuktaindet ne Toroor: Ki kigimit ng'wony si ma ng'eigei: Irwookyin piik eng' imanda.

TIENWOGIKAL 96:13

Eng' taitap Kamuktaindet ne Toroor, amu nyoonei: Amu nyoonei korwookyin ng'wony, Irwookyin ng'wony eng' imanda, Ak korwookyin piik eng' imandanyi.

TIENWOGIKAL 98:9

Eng' taitap Kamuktaindet ne Toroor, amu nyoonei korwookyin ng'wony: Tuun irwookyin ng'wony eng' imanda, Ak korwookyi piik eng' iman.

JEREMIA 11:20

Ago, koono ageer yaaktaeng'ung' po mugetuut eng' icheek, ee Kamuktaindet ne Toroor ne po lugoosyek, ne irwoochi eng' imanda, ne ityeme kabwaatutik ak muguleldo, amu kaang'ang'un ng'olyoondennyu.

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

JEREMIA 20:12

Ago, ee Kamuktaindet ne Toroor ne po lugoosyek, ne ityeme chii ne po iman, ne igeere kabwaatutik ak muguleldo, koono ageer ye iyaakyini mugetuut icheek; amu ki ang'ang'un ng'olyoondennyu.

POISYONIGAP CHE KIYOKTOI 12:23

Eng' sainooto anyun kobir ineendet `malaikaiyatap Kiptaiyat, amu ma konyit Kamuktaindet. Ara ki am ineendet kuutik ak kime.

ROMANIK 16:25

Nguno eng' ineendet ne imuuchi kogimitok ko uu logoiywekyuk che myach ak amdaetap Jeso Kristo, ko uu ng'ang'utyet ne po ung'oot ne ki kagiuny kosiis kobooch peetuusyek che po koigeny,

1 THESSALONIKEK 3:13

si kobiit kogimit mugulelwekwok ko motinye kiy ne kimuuchi kirwoogunenok eng' tiliilindo eng' taitap Kamuktaindet nenyo ak ko Kwandanyo, eng' nyonunetap Kiptaiyandennyo Jeso kobooto chechiik che tiliileen tugul.

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

JUDA 1:1

Judah, otwogindetap Jeso Kristo, ak ko tupchetap Jakobo, asirchini che ki keguur, che chamaatiin eng' Kamuktaindet Kwanda, ak ko riibootin agobo Jeso Kristo:

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”

1 SAMUEL 2:9

Riibei keelyegap piik che iywei ineendet, ago yaei kiptengeginik kolusyo eng' imenindo. Amu ma eng' kimnon si kobelis chii.