TIENWOGIKAL 69:13 - BUKUIT NE TILIIL Sireet ne Dutero Kanon

¹³ Ago anee, asaain, ee Kamuktaindet ne Toroor, eng' peetuut ne chamaksei: Ee Kamuktaindet, eng' chaang'indap rireeneng'ung', Wolwo eng' imandap yetuneng'ung'.

Bukuit Ne Tilil

¹³ Ago anee, asaain, ee Kamuktaindet ne Toroor, eng' peetuut ne chamaksei: Ee Kamuktaindet, eng' chaang'indap rireeneng'ung', Wolwo eng' imandap yetuneng'ung'.

BUKUIT NE TILIL

¹³ Ago ane, asain, ee Jehovah, eng’ betut ne chamaksei: Ee Kamuktaindet, eng’ chang’indab rireneng’ung’, Wolwa eng’ imandab yetuneng’ung’.

TIENWOGIKAL 69:13 ပူးပေါင်းရင်းမြစ်များ

TAUNET 24:27

kole, “Iberuurot Kamuktaindet ne Toroor, Kamuktaindetap kiptaiyandennyu Abraham, ne ma etee kiptaiyandennyu rireenennyi po kei ak imaninnyi; Kamuktaindet ne Toroor ne ki imutwaa eng' ooreet agoi aitu kootap tupchosyegap kiptaiyandennyu.”

TIENWOGIKAL 32:6

Ara anyun, ingosain chii age tugul ne tiliil ye ta komuuchi konyoorun. Iman ye kagong'irtagei peek che po kirwooget, koma itei ole mi ineendet.

TIENWOGIKAL 51:1

Rirenage, ee Kamuktaindet, ko uu chamyeng'ung' ne tala; tindiny pistoennyu ko uu chaang'indap rireenosyeguk.

TIENWOGIKAL 91:15

Kuura, ak aitenji; kitebyei tuwai eng' nyalilda, asaru ineendet ak agoonyit.

TIENWOGIKAL 98:3

Kigobwaat rireenennyi ak imandanyi eng' kootap Israel: Ki kogeer tabanwek tugul che po ng'wony yetunetap Kamuktaindennyo.

ISAIAH 49:8

Mwaei Kamuktaindet ne Toroor kole, ki awolun eng' peetuut ne chamaksei, ak ki atoretiin eng' peetuutap yetunet: ak ariibin, ak agoonin iegu arorutyetap piik, si ilang'u emet, si igoochi kobore porotosyek che ki mi puch;

ISAIAH 55:6

Ocheeng' Kamuktaindet ne Toroor kota kimuuchi kenyoor, oguur kota ko neegit:

RIREKAB JEREMIA 3:63

Ye tebyei ng'wony icheek ak ko ng'eetos, aa tyendanywa.

MIKAH 7:20

Iyachini Jakobo imanit, ak iyachi Abraham rireenet, che kigeyosyechi kwanisyekyok eng' peetuusyek che po keny.

LUKA 1:72

Si koriiree kwanisyekyok, ak kobwaat kayomisennyi ne tiliil;

LUKA 22:44

Ak ye ki mi ineendet nyalilda ne ng'waan, kotes kosa miising': ak ki kergeitu kaotikyik ak korotiik che sachin ng'wony.

2 KORINTOEK 6:2

(amu mwaei keele, Ki agasin eng' peetuut ne po chamjinet, Ak ki atoretiin eng' peetuut ne po saruunet: Ogeero, nguno ko peetuut ne po chamjinet; ogeero, nguno ko peetuut ne po yetunet):

HEBRANIK 5:7

Ne ki eng' peetuusyek che kimi eng' poorto, ko kagogoito saautik ak soomutik eng' riirek che eecheen ak peegap kong', koriirchin ineendet ne ki imuuchi kosar eng' meet, ak kingo kagegasyi amu kaiyweisyennyi ne kiywei Kamuktaindet.

1 PETERO 2:23

ne ye ki ngeng'emji kuut, koma ng'em kuut; ye kingo nyalil, koma imuiso; ago ki igoochigei ineendet ne irwoochi eng' imanda:

1 SAMUEL 25:8

Teebe murenjotoguget si komwaun. Ingonyoor anyun chameet murechuchuk eng' taing'ung', amu kagibwa eng' peetuut ne myee. Asoomin anyun ale, igoochi otwogiguk ak weeriing'ung' Daudi kiy age tugul ne itinye.’ ”