TIENWOGIKAL 68:18 - BUKUIT NE TILIIL Sireet ne Dutero Kanon

¹⁸ Ki itogoste parak, ki imut luulenik che ki iluul; Ki itaach piik koek kagoochinoik, Ee, agot ngelelik ak icheek, si kobiit komeng'iis Kamuktaindet ne Toroor.

Bukuit Ne Tilil

¹⁸ Ki itogoste parak, ki imut luulenik che ki iluul; Ki itaach piik koek kagoochinoik, Ee, agot ngelelik ak icheek, si kobiit komeng'iis Kamuktaindet ne Toroor.

BUKUIT NE TILIL

¹⁸ Kiitogoste barak, kiimut luulenik che kiiluul; Kiitaach bik koek kagochinoik, Ee, agot ngelelik agichek, si kobiit komeng’is Jehovah.

TIENWOGIKAL 68:18 ပူးပေါင်းရင်းမြစ်များ

2 ATEPTAP PEETUUSYEK 6:18

Ago tos menyei Kamuktaindet ak piik iman eng' ng'wony? Keero, ma yamin kipsengwet itebee, anan kipsengwet ne po parak miising', ko ming'in ne tya anyun kooi koateech!

TIENWOGIKAL 110:1

Kaleenji `Kamuktaindet ne Toroor kiptaiyandennyu, “Tebee eunnyu ne po tai, agoi ayai puuniguk koek ng'echereetap keelyeguk.”

TIENWOGIKAL 24:3

Ng'oo ne togostoi tulweetap Kamuktaindet ne Toroor? Ak ng'oo ne tononi eng' oldanyi ne tiliil?

TIENWOGIKAL 47:5

Ki togosta Kamuktaindet eng' tuleet, ki togosta Kamuktaindet ne Toroor ak cheetap iryageet.

TIENWOGIKAL 7:7

Ingoyiemin tuiyetap pororyosyek, ak iweege parak ibou icheek.

TIENWOGIKAL 78:60

Ak kimeto anyun Hekaluut ne ki mi Shiloh, Emait ne ki inde kwenutap piik;

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

EZEKIEL 48:35

Egu tegat eliphuusyek taman ak sisiit komoswek tugul: ak keguure kainetap nganasanooto kobooch peetuunooto, Mi Kamuktaindet ne Toroor olooto.

JOEL 2:11

Ak kotwek Kamuktaindet ne Toroor eng' taitap lugeennyi; amu oo kabuureitanyi; amu kiim ineendet ne yaei ng'olyoondennyi kosulda; amu oo peetuutap Kamuktaindet ne Toroor ak komuisei miising'; ng'oo ne imuuchi komuita?

MATAYO 9:13

Ago oba okweek, si oneetkei ole teptoi ng'olyoondoni, ‘Amache rireenetapkei, ma mache tiseiywo.’ Ki ma anyo aguur che po imanda, ago kiptengeginik.”

MARIKO 16:9

Ak kingo ng'eet Jeso anyun karon miising' eng' peetuutap tai ne po wigiit, kochunji korook Maria Magdalene, ineendet ne kiga kocherunee Jeso oik tisap.

LUKA 24:47

ak keamdaat eng' pororyosyek tugul siguunet ak nyoetap kaat ne po tengekwogik eng' kainennyi, ki taune Jerusalem.

LUKA 24:49

Ak ogeero, ayoogu kayomisetap Abba kotebi eng' okweek: ago otebi okweek eng' nganaseet, agoi kilaakwok kimnateet ne punu parak.

LUKA 24:51

Ak kingo ta koberuuri icheek, kobesyegei anyun, ak ki kimut kwo kipsengwet.

JOHANA 14:23

Kowolji Jeso koleenji, “Ngo chama chii, koriip ng'olyoondennyu: ak kocham Abba ineendet ak kebwonji ineendet, ak kemeny kobooto ineendet.

JOHANA 16:7

Ago amwaiwok ne po iman: myee eng' okweek ngawe: amu ngo mawe, ko manyonjinok Kagaigaindet; ago ngot awe, ayookwok ineendet.

POISYONIGAP CHE KIYOKTOI 2:23

Ineendet ne ki igoito Kamuktaindet eng' pegechinetap ng'olyoondennyi ak naet ne kiga kechop eng' tai, ki ogartaat okweek ineendet ak obar eng' eunegap piik che pistoe ng'atuutik.

POISYONIGAP CHE KIYOKTOI 2:4

Ki nyi icheek tugul Kabuuset ne Tiliil ak ki toi kong'alaale kutusweek alak, ko uu ye ki igoochi Kabuuset ne Tiliil icheek kamuget kong'alaal.

POISYONIGAP CHE KIYOKTOI 9:17

Ki wo anyun Anania, ak ki wo agoi ko, yeityo kogonoor eunekyik Saulo ak koleenji, “Tupchennyu Saulo, kagiyokwo Kiptaiyat, ineendet Jeso, ne kichunjin eng' ooreet ne ki ibunu, kole igeerte, ak kinyiitun Kabuuset ne Tiliil.”

ROMANIK 5:8

Ago iboorwech acheek Kamuktaindet chamyennyi, amu ye kita ko ki kiptengeginik, kome Kristo agobo acheek.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

NG'ATUTIK 33:2

Ki toi komwa kole, “Ki nyo Kamuktaindet ne Toroor eng' Sinai, king'eet eng' Seir amu icheek. Ki iluu eng' tulweetap Paran, Ki nyo eng' tamanusyegap eliphusyegap che tiliileen: ki mi eunnyi ne po tai ng'atuutyet ne uu maat eng' icheek.

KOLOSAIK 2:3

ki kiuny eng' ineendet konoraik tugul che po utaatyet ak naet.

KOLOSAIK 2:9

amu menyei eng' ineendet eng' poorto nyiyet tugul ne po Kamuktaindet,

HEBRANIK 1:3

ineendet ko kakweng'eetap liilindanyi, ak itoondo ne po indennyi, ak kotononi tuguuk tugul eng' ng'olyootap kamuktaennyi, kingo kagoyai kaundoetap tengekwogik, kwo kotebee eutap tai ne po etunateet eng' parak;

HEBRANIK 4:14

Amu ki tinyei tisiindet ne oo ne kigochut kipsengwet, Jeso Weeriitap Kamuktaindet, ongenam miising' ng'ang'ennyo.

HEBRANIK 6:20

ole kichut Jeso agobo acheek, koek kandoindet, ko kagoek tisiindet ne oo koigeny, ko uu kiit ne ki uu Melkisedek.

HEBRANIK 8:1

Nguno anyun, eng' tuguuk che kimwae, kiit ne oo ko ni: ki tinyei tisiindet ne oo ne uu ni, ne kitebee komostap euut ne po tai ne po ng'echereetap Laitornatet ne po Etunateet eng' kipsengwet,

1 PETERO 3:22

ne kikwa kipsengwet ak komi eutap tai ne po Kamuktaindet; ak ki kiyai malaikaisyek ak pounatosyek ak kimnatosyek kogas iit ineendet.

NG'ANG'UTYET 1:20

Ung'ootyetap kecheik tisap che kegeer eng' eunnyu ne po tai, ak keelyek tisap che po taisyek che po thahabu ko uu ni: kecheichooto tisap ko malaikaisyegap kanisosyek tisap: ak kelyechooto tisap po taisyek ko kanisosyek tisap.

NG'ANG'UTYET 21:3

Ak ki agas kutit ne oo komang'une ng'echereetap laitornatet kole, “Ogeero, mi emaitap Kamuktaindet ak piik, ak kotebyei kobooto icheek, ak koek icheek piikyik, ak kotebyei Kamuktaindet ineendet ak icheek, ak koek Kamuktaindet nenywa;

KIRUOGIK 5:12

Ng'eet, ng'eet, Debora! Ng'eet, ng'eet, tyen! Ng'eet, ee Barak, imut luuleniguk che ki iluul, inyee weeriitap Abinoam.