TIENWOGIKAL 6:9 - BUKUIT NE TILIIL Sireet ne Dutero Kanon

⁹ Kagogas Kamuktaindet ne Toroor soomsennyu; taachei Kamuktaindet ne Toroor saaennyu.

Bukuit Ne Tilil

⁹ Kagogas Kamuktaindet ne Toroor soomsennyu; taachei Kamuktaindet ne Toroor saaennyu.

BUKUIT NE TILIL

⁹ Kagogas Jehovah somsennyu: Taachei Jehovah saennyu.

TIENWOGIKAL 6:9 ပူးပေါင်းရင်းမြစ်များ

2 ATEPTAP PEETUUSYEK 34:27

amu kitangus muguleldang'ung', ak ki iming'ingei eng' taitap Kamuktaindet, ye kegas ng'aleekyik che nereekyin yuto, ak piik che menyei olito, ak iming'inigei eng' tainnyu, ak igereer ngoroiguk, ak iriir eng' tainnyu; ko kaagasun agane, mwaei Kamuktaindet ne Toroor.

TIENWOGIKAL 118:5

Ki aguur Kamuktaindet ne Toroor eng' pichiindanyu; ki wolwo Kamuktaindet ne Toroor ak kondea ole paraa.

TIENWOGIKAL 120:1

Ki ariirchi Kamuktaindet ne Toroor eng' pichiindanyu, ak ki wolwo.

TIENWOGIKAL 138:3

Ki iwolwoo eng' peetuut ne ki aguurin, ki igimita eng' kimnateet eng' saboondanyu.

TIENWOGIKAL 3:4

Ariirchini Kamuktaindet ne Toroor eng' kutinnyu, ak ki wolwo eng' tulweennyi ne tiliil.

TIENWOGIKAL 31:22

Ago ki amwa eng' sartaet ale, “Kigeistaa eng' taing'ung'.” Ago ki igas soomutikyuk, ye ki ariirchin.

ISAIAH 38:5

“Ui mwachi Hezekiah ileenji, mwaei Kamuktaindet ne Toroor, Kamuktaindetap Daudi kwandang'ung' kole, kaagas saaeng'ung', kaageer peeguk po kong': keero, atesyini peetuusyeguk kenyiisyek taman ak muut.

RIREKAB JEREMIA 3:56

Ki igas kutinnyu: “Ametiim itiiguk ye ariirchin agobo toreteet, ago koono kagaigaet!”

JONAH 2:2

Ak ki le, “Eng' nyalildanyu ko ki aguur Kamuktaindet ne Toroor, ak ki wolwo; ami ye mi che ki kobek ko ki aguurse, ak ki igas kutinnyu.

JONAH 2:7

Ye ki tanui saboondanyu, abwaat anyun Kamuktaindet ne Toroor; ak ki it ole imi saaennyu, agoi hekalung'ung' ne tiliil.