TIENWOGIKAL 56:4 - BUKUIT NE TILIIL Sireet ne Dutero Kanon

⁴ Eng' Kamuktaindet, ne alasu ng'olyoondennyi; Kamuktaindet ne amang'u, ma yweisyei. Imuuchi ko itaa nee chii?

Bukuit Ne Tilil

⁴ Eng' Kamuktaindet, ne alasu ng'olyoondennyi; Kamuktaindet ne amang'u, ma yweisyei. Imuuchi ko itaa nee chii?

BUKUIT NE TILIL

⁴ Eng’ Kamuktaindet alosu ng’olyondennyi: Kamuktaindet ne amang’u, maiyweisiei: Imuchi koita nee chi?

TIENWOGIKAL 56:4 ပူးပေါင်းရင်းမြစ်များ

2 ATEPTAP PEETUUSYEK 20:3

Ki iyweis anyun Jehoshaphat, ak ko ki ilgei kocheeng' Kamuktaindet ne Toroor, ak komwaita karugutetapkei eng' Judah tugul.

2 ATEPTAP PEETUUSYEK 20:4

Ki iyumgei Judah tugul kocheeng' toreteet eng' Kamuktaindet ne Toroor; ki pwa eng' nganasook tugul che po Judah kocheeng' Kamuktaindet ne Toroor.

TIENWOGIKAL 118:6

Mi Kamuktaindet ne Toroor komostanyu; ma yweisyei. Imuuchi koyaiywo nee chii?

TIENWOGIKAL 119:160

Po iman ng'aleeguk tugul ko kagiyomo; ak tebyei koigeny kirwoogeng'ung' age tugul ne po iman.

TIENWOGIKAL 12:6

Tiliileen ng'aleegap Kamuktaindet ne Toroor; ko uu fedha ne kityemei eng' maat ne oo, ne kitiliili konyil tisap.

TIENWOGIKAL 138:2

Agutunyi atokyinige hekalung'ung' ne tiliil, ak agoochini kaineng'ung' kongoi amu chamyeng'ung' ne tala amu imandang'ung'; amu ki ieet ng'olyoondeng'ung' kosiir kaineng'ung' komugul.

TIENWOGIKAL 27:1

Kamuktaindet ne Toroor ko lapkeiyennyu ak yetunennyu; tos aiywei ng'oo? Kamuktaindet ne Toroor ko kimnateetap saboondanyu; aiywei ng'oo?

ISAIAH 31:3

Ago piik Misiriik, ak ma Kamuktaindet; ak panyeek paraisisyekwak, ama kiy. Ye chuul Kamuktaindet ne Toroor eunnyi, keriichei ineendet ne toretisyei, ak ibuti ne ketoreti, ak kobutos tuwai.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

JOHANA 10:35

Ngo kigoguure ineendet icheek ‘kamuktaik’, icheeget che ki nyoonji ng'olyootap Kamuktaindet (ama imugaksei kebut siruutyet),

HEBRANIK 13:6

Nooto anyun kimwae eng' nyiganateet ne myee keele, Toretindennyu Kiptaiyat; maiyweisyei: Yaiywo nee chii?

1 SAMUEL 30:6

Ki iimgei miising' `Daudi, amu ki mwa piik kole kilache ineendet eng' koik, amu ki aragenso saboonwegap piik tugul ak ki aragen chii age tugul agobo weeriikyik ak tiibiikyik, ago ki igimitkei Daudi eng' Kamuktaindet ne Toroor Kamuktaindennyi.