TIENWOGIKAL 53:2 - BUKUIT NE TILIIL Sireet ne Dutero Kanon

² Ing'ururi Kamuktaindet eng' kipsengwet weeriigap piik, kole kogeer ngo mi ne utaat, ne cheeng'ei Kamuktaindet.

Bukuit Ne Tilil

² Ing'ururi Kamuktaindet eng' kipsengwet weeriigap piik, kole kogeer ngo mi ne utaat, ne cheeng'ei Kamuktaindet.

BUKUIT NE TILIL

² Kiing’urur Kamuktaindet eng’ kipsengwet werikab bik, Kole kogeer ngo mi ne ng’om, Ne cheng’ei Kamuktaindet.

TIENWOGIKAL 53:2 ပူးပေါင်းရင်းမြစ်များ

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 19:3

Nganda uu nooto ko ki kigeerchin tuguuk che myachen, amu ki iste Aserot eng' emet ak ki igiil muguleldang'ung' icheeng' Kamuktaindet.”

Kitabuutap JOB 28:28

Ak ki mwachi chiito, koleenji, ‘Ogeero, ngiywei Kiptaiyat, ko utaatyet nooto; Ak ngeistoegei yaityet, ko kaguiyet nooto.’ ”

TIENWOGIKAL 10:4

Leen kiptengekyot eng' menatennyi, “Ma mage kiy Kamuktaindet;” leen eng' kabwaatutikyik tugul, “Ma mi Kamuktaindet.”

TIENWOGIKAL 102:19

Ki kogeer ineendet olito po ng'wony eng' toroorindap oldanyi ne tiliil; ki keer Kamuktaindet ne Toroor ng'wony eng' kipsengwet,

TIENWOGIKAL 11:4

Miitei Kamuktaindet ne Toroor hekalunnyi ne tiliil, miitei kipsengwet ng'echereetap laitornatet ne po Kamuktaindet ne Toroor. Toobeni konyekyik, keerei konyekyik weeriigap piik.

TIENWOGIKAL 111:10

Kaiyweisyet ne kiywei Kamuktaindet ne Toroor ko taunetap utaatyet; tinyei kaguiyet ne myee icheek tugul che yaei chooto. Tebyei koigeny kalasunennyi.

TIENWOGIKAL 27:8

Ye ki le muguleldanyu, “Ocheeng' togeennyu!” Acheeng'e togeng'ung', ee Kamuktaindet ne Toroor.

ISAIAH 55:6

Ocheeng' Kamuktaindet ne Toroor kota kimuuchi kenyoor, oguur kota ko neegit:

JEREMIA 16:17

Amu ageere emotinwekwak tugul: ma ung'ootiin eng' tainnyu, ama ung'aat tengektonywa si ma keer.

JEREMIA 23:24

Tos imuuchi chii kounygei eng' komoswek che ung'ootiin, kot koma keer ineendet? Mwaei Kamuktaindet ne Toroor. Tos ma anyii kipsengwet ak ng'wony? Mwaei Kamuktaindet ne Toroor.

NG'ATUTIK 4:6

Oriip anyun ak oyai, amu ng'omnateng'wong' niito ak naeng'wong' eng' taitap pororyosyek che tuun kasei ng'atuutichu tugul ak kole, “Tinyei utaatyet iman pororyoni oo ak kotinyei naet ne nin!”