TIENWOGIKAL 51:6 - BUKUIT NE TILIIL Sireet ne Dutero Kanon

⁶ Keero, imache imanit eng' kebeberwek che po oriit; ko uu nooto ineeta utaatyet eng' ole ung'aat.

Bukuit Ne Tilil

⁶ Keero, imache imanit eng' kebeberwek che po oriit; ko uu nooto ineeta utaatyet eng' ole ung'aat.

BUKUIT NE TILIL

⁶ Keero, imache imanit eng’ kebeberwek che bo orit: Ak ineta ng’omnatet eng’ ole ung’at.

TIENWOGIKAL 51:6 ပူးပေါင်းရင်းမြစ်များ

2 SAMUEL 12:13

Koleenji `Daudi Nathan, “Koayachi Kamuktaindet ne Toroor tengekto.” Kowolji `Nathan Daudi koleenji, “Kagoisto Kamuktaindet ne Toroor agine tengektong'ung'; memee.

2 LAITORINIK 20:3

“Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

1 ATEPTAP PEETUUSYEK 29:17

Angen, ee Kamuktaindennyu ale, ityeme muguleldo, ak ibaibai eng' ne po iman. Ki agoonin tuguuchuuto tugul eng' chamyet ak lititindap muguleldanyu. Ak kaageer nguno eng' poiboiyet piiguk che mi yu kogoonin eng' chamyet.

Kitabuutap JOB 32:8

Ago mi `kabuuset chiito, igoochin kabuusetap `Ineendet Ne po Kamuktaet icheek kaguiyet.

Kitabuutap JOB 38:36

Ng'oo ne ki inde utaatyet kebeberwek che po oriit? Anan ng'oo ne ki igoochi kaguiyet kundit?

TIENWOGIKAL 125:4

Yachi ne myee che myachen, ee Kamuktaindet ne Toroor, ak icheek che lititen mugulelwekwak.

TIENWOGIKAL 15:2

Ineendet ne wendoti eng' lititindo ak koyaei imanda, ak komwaei imanit eng' muguleldanyi;

TIENWOGIKAL 26:2

Isyacha, ee Kamuktaindet ne Toroor, ak ityema; tyem kabwaatutikyuk ak muguleldanyu.

TIENWOGIKAL 32:5

Ki amwaun chalwoktanyu, ak ma aung'enen tengektonyu; ki ale, “Ang'aang'jini Kamuktaindet ne Toroor pistaosyekyuk;” ak ki inyoiywa kaat chalwoktap tengektonyu.

TIENWOGIKAL 41:5

Mwaitaena puunikyuk yaityo koleen, “Meei auyo, ak petei kainennyi au?”

TIENWOGIKAL 5:9

Ma mi lititindo eng' kutusweekwak; tengek kityo mugulelwekwak. Kererit ne yaataat mookwekwak; ak lasei piich eng' ng'elyebwekwak.

KALEWANAIK 2:21

Amu menyei emet `piik che po iman, ak ng'etune olooto che ititaatiin.

KALEWANAIK 2:6

Amu igoitoi `Kamuktaindet ne Toroor utaatyet, mang'une kutinnyi naet ak kaguiyet.

JEREMIA 12:1

Ii po iman, ee Kamuktaindet ne Toroor, ye ariirchinin, nga amache atebeenen agobo ng'olyoondoni: Amu nee anyun si kiberuur ooreetap kiptengeginik? Amu nee si komuunyi icheek tugul che yaei kaberberisyet?

JEREMIA 31:33

Ago ni kayomiset ne kiyomisigei ak kootap Israel ye ibata peetuusyechooto, mwaei Kamuktaindet ne Toroor; andoi ng'atuutyennyu oriitinnywa, ak asirchini mugulelwekwak: ak aegu Kamuktaindennywa, ak koek piikyuk.

JEREMIA 32:40

ak kiyomisigei ak icheek kayomiset ne po koigeny, ale matuktochini patai icheek ago ayachini ne myee; ak ande kaiyweisyennyu mugulelwekwak, si ma istoenagei.

JEREMIA 5:3

Ee Kamuktaindet ne Toroor, tos ma keerei konyeguk imanit? Ki ibir icheek, ago ma aragenso, ki igeesu icheek, ago ki eesyo kotaach katigonet. Ki iuit icheek togoochikwak kosiir rwandet, ki eesyo koweekyingei.

LUKA 11:39

Koleenji `Kiptaiyat, Okweek Pharisaik, ouni parak kigombet ak sanit; ago nyiitaat oriing'wong' rebisyet ak yaityet.

ROMANIK 7:22

Amu abaibai eng' Ng'atuutyetap Kamuktaindet eng' chiito ne po oriit:

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

JAKOBO 4:8

Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.

1 PETERO 3:4

ago ingoek chiito ne ung'aat ne tinyei muguleldo ne po sabeet, ne tinyei lelesta ne ma ng'emaksei, ne tala ak kosiisei, ne eng' taitap Kamuktaindet ko po kamanuutyet ne oo.

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”