TIENWOGIKAL 51:11 - BUKUIT NE TILIIL Sireet ne Dutero Kanon

¹¹ Ametortaa eng' ole imi; ameistoena Kabuuseng'ung' ne Tiliil.

Bukuit Ne Tilil

¹¹ Ametortaa eng' ole imi; ameistoena Kabuuseng'ung' ne Tiliil.

BUKUIT NE TILIL

¹¹ Ametorta eng’ ole imi; Ameistoena Tamirmirieng’ung’ ne Tilil.

TIENWOGIKAL 51:11 ပူးပေါင်းရင်းမြစ်များ

TAUNET 4:14

Keer anyuno, keona ra eng' ng'wony komugul ak ma atogu eng' taing'ung'. Aegu ne mweoti ak koombenoti eng' ng'wony ak chii age tugul ne kanyoorwo ko paro.”

TAUNET 6:3

Ki mwa Kamuktaindet ne Toroor kole, “Ma tebee `Kabuusennyu chii agoi amu ineendet ko poorto. Ko uu nooto anyun, ko egu peetuusyekyik kenyiisyek pogol ak tiptem.”

2 SAMUEL 7:15

Ago ma istoegei ineendet rireenennyu ko uu ye ki arebee Saulo, ineendet ne ki aiste eng' taing'ung'.

2 LAITORINIK 13:23

Ago ki iboorchi Kamuktaindet ne Toroor myeeindonyi icheek, koriiree ak kogonyit icheek, amu kayomisennyi ne ki iyomiskei ak Abraham, Isak ak Jakobo. Ma cham kobar anan koon icheek eng' tainnyi agoi rani.

2 LAITORINIK 23:27

Ki le Kamuktaindet ne Toroor, “Aistoi Judah agine eng' tainnyu, ko uu ye ki aiste Israel, ak amete nganasani ki alewen, Jerusalem, kobooto koot ne ki ale, ‘Tebee kainennyu yooto.’ ”

2 LAITORINIK 24:20

Ki piit tuguuchooto amu nereegegap Kamuktaindet ne Toroor eng' Jerusalem ak Judah, kot kotimda icheek koba eng' tainnyi. Ki ingelelji Zedekiah laitoryatap Babilon.

TIENWOGIKAL 43:2

Ii Kamuktaindet nooto ne amwechini; amu nee anyun si ibagaakta? Amu nee si awo ariiroti amu kanyaliiletap puunyoot?

TIENWOGIKAL 71:18

Ee, ye tuun kaaositu, asich kalwalek, ko mebagaakta, ee Kamuktaindet; agoi amwachi kimnateng'ung' ibinda ne nyoonei, amwachi kamuktaeng'ung' age tugul ne piitu.

TIENWOGIKAL 71:9

Amewiirta ye tuun kaaositu; amebagaaktaa ye kagobet kimnateennyu.

JEREMIA 7:15

Atimdak eng' tainnyu, ko uu ye ki atimde tupchosyekwok tugul, iyoteet komugul ne po Ephraim.

LUKA 11:13

Ngo ngen okweek che oo yaach ogoochi lagokwok tuguuk che myach, siirei anyun ne tya kagoitoet ne igoochin Kwandang'wong' ne mi kipsengwet Kabuuset ne Tiliil icheek che soomei ineendet!”

JOHANA 14:26

Ago ineetook tuguuk tugul Kagaigaindet, Kabuuset ne Tiliil, ne iyoogu Kwanda eng' kainennyu, ak kobwaatwok tugul che kaamwaiwok.

ROMANIK 1:4

ne ki kimwaita keele Weeriitap Kamuktaindet eng' kimnateet, ko uu Kabuuset ne po tiliilindo, eng' ng'eetyeetap che ki pek; Jeso Kristo Kiptaiyandennyo,

ROMANIK 8:9

Ago ma omi eng' poorto ago eng' Kabuuset ne Tiliil, ngo menyok Kabuusetap Kamuktaindet. Ago ngo ma tinyei chii Kabuusetap Kristo koma nenyi.

EPESOEK 4:30

Ak amogoochi arageneet Kabuuset ne Tiliil ne po Kamuktaindet ne ki kindaenak ng'ookset agoi peetuutap katyaget.

2 THESSALONIKEK 1:9

che tuun nyooru pireet, nooto ng'emisyet ne po koigeny ko kageisto eng' taitap Kiptaiyat ak eng' toroornatetap kimnateennyi,

KIRUOGIK 13:25

Ki toi Kabuusetap Kamuktaindet ne Toroor kobois eng' ineendet eng' Maane-dan, kwenutap Sora ak Estaol.

KIRUOGIK 15:14

Kingo it Lei, kowaakyo Philistiik ko katuiyo ak ineendet. Ki nyoonji ineendet `Kabuusetap Kamuktaindet ne Toroor eng' kimnateet ak ki igei rogoosyek che ki mi eunekyik, katanit ne kabeel maat, ak ki ibutyo eng' eunekyik tuguuk che kiga kirate.

KIRUOGIK 16:20

Ki le Delila, “Kabwonjin Philistiik, Samson!” Kisiir eng' rwondanyi ak kole, “Amandoi ko uu ye cham ayae kotugul, awo aleileigei.” Ago ki ma nai kole kagometo `Kamuktaindet ne Toroor ineendet.

1 SAMUEL 10:10

Kingo it tulweet, kotuiye ineendet maotik che kigaiyumgei, ak ki nyoonji ineendet Kabuusetap Kamuktaindet eng' kimnateet, ak ki maoten eng' kwenunnywa.

1 SAMUEL 16:14

Kiga kwo Kabuusetap Kamuktaindet ne Toroor eng' Saulo, ak ki inyaliil ineendet tamirmiryet ne ya ne ki punu Kamuktaindet ne Toroor.