TIENWOGIKAL 46:6 - BUKUIT NE TILIIL Sireet ne Dutero Kanon

⁶ Kibolyo pororyosyek, ak kiwaskei laitornatosyek; kitwek ineendet ak kichoot ng'wony.

Bukuit Ne Tilil

⁶ Kibolyo pororyosyek, ak kiwaskei laitornatosyek; kitwek ineendet ak kichoot ng'wony.

BUKUIT NE TILIL

⁶ Kibolyo bororiosiek, ak kiwasgei bounatosiek: Kitwek inendet ak kichoot ng’ony.

TIENWOGIKAL 46:6 ပူးပေါင်းရင်းမြစ်များ

2 LAITORINIK 19:34

‘Amu ariibe nganasani, asaru, agobo anee ak agobo Daudi otwogindennyu.’ ”

2 ATEPTAP PEETUUSYEK 20:1

Kingo pata niito, kobwa kobargei ak Jehoshaphat piigap Moab ak piigap Ammon, ak alak eng' Amonik.

TIENWOGIKAL 125:1

Uu icheek che imang'u Kamuktaindet ne Toroor Tulweetap Zion, ne ma kimuuchi keisto, ago tebyei koigeny.

TIENWOGIKAL 18:13

Kitul Kamuktaindet ne Toroor eng' kipsengwet, ak kitwek Ineendet Ne Toroor Miising', kobiit koigap ropta ak ng'etetyot.

TIENWOGIKAL 68:33

Ineendet ne laanyei kipsengwetisyegap kipsengwet, chooto po keny; Ogeero, twegu eng' kutinnyi, kutit ne kiim.

TIENWOGIKAL 68:8

Kobotan ng'wony, Ak kororok kipsengwet eng' taitap Kamuktaindet: Kobotan Sinai nooto eng' taitap Kamuktaindet, Kamuktaindetap Israel.

TIENWOGIKAL 97:5

Kichootyo tuloonook eng' taitap Kamuktaindet ne Toroor ko uu temeniet, Eng' taitap Kamuktaindet ne po ng'wony komugul.

ISAIAH 31:5

Ko uu ye tirirendos toriitik, ko uu nooto riibei Kamuktaindet ne Toroor ne po lugoosyek Jerusalem; riibei ak kosaru, siirtoi kowendi koriibei.

ISAIAH 33:20

Keer Zion, nganaseetap igoorwekyok che ki king'at! Tuun keerei konyeguk Jerusalem, meng'ootetap kamuung'et, emait ne ma kiutoi, ne ma kitutu tigongenikyik agoi, ama ng'etos poroonikyik.

JEREMIA 25:30

Maotenji anyun eng' ng'aleechu tugul, ileenji, Pooriseni Kamuktaindet ne Toroor eng' parak, ak kotwegu eng' meng'ootennyi ne tiliil; porisenjin miising' akweennyi; waachei ko uu che tyechei sabibuk, kowaakyi piik tugul che menyei ng'wony.

EZEKIEL 48:35

Egu tegat eliphuusyek taman ak sisiit komoswek tugul: ak keguure kainetap nganasanooto kobooch peetuunooto, Mi Kamuktaindet ne Toroor olooto.

JOEL 2:11

Ak kotwek Kamuktaindet ne Toroor eng' taitap lugeennyi; amu oo kabuureitanyi; amu kiim ineendet ne yaei ng'olyoondennyi kosulda; amu oo peetuutap Kamuktaindet ne Toroor ak komuisei miising'; ng'oo ne imuuchi komuita?

AMOS 1:2

Ki mwa kole, Pooriseni Kamuktaindet ne Toroor eng' Zion, ak kotwegu eng' Jerusalem; ak koriiryo ole iyagisye mestoweek, ak koyaam walitap Karmel.

AMOS 9:13

Ogeero, pwoonei peetuusyek, mwaei Kamuktaindet ne Toroor, che nyo kosiirtoe chiito ne ibatisyei kesiindet, ak kosiir chiito ne tyechei sabibuk kolindet; ak kosaune tuloonook divaik che anyiny, ak kochootyo tuloonook tugul che mengeechen.

AMOS 9:5

Amu Kiptaiyat Kamuktaindet ne Toroor ne po lugoosyek, ko ineendet ne twaei emet si kochoot, ak koriiryo tugul che menyei olooto; ak ng'eetei emet komugul ko uu aineet; ak koteeny kogeny ko uu aineet ne po Misiri.

MIKAH 1:4

Ak kochootyo tuloonook eng' keelyekyik, ak kobetogis atebwosyek, ko uu ye chotei temeniet ko kauchi maat, ko uu peek che kirandoi eng' ole keigei.

NAHUM 1:5

Potandos tuloonook eng' tainnyi, ak kochootyo tuloonook che mengeechen; potani ng'wony eng' tainnyi, ee ng'wony ak tugul che menyei olooto.

NG'ATUTIK 7:21

Among' komuok, amu Kamuktaindet ne Toroor Kamuktaindeng'wong' ne mi kobootok, ko Kamuktaindet ne oo ak ko po kwong'eet.

JOSHUA 2:11

Ye ki ngegas agobo nooto, kogimeiyo mugulelwekyok ak ki mata komi nyiganateet eng' chii age tugul amu okweek. Kamuktaindet ne Toroor Kamuktaindeng'wong' ko iman Kamuktaindet eng' parak kipsengwet ak eng' ng'wony.

JOSHUA 2:24

Ak ki leenji `pichooto Joshua, “Iman ki konde Kamuktaindet ne Toroor emet tugul eunekyok, ak ko ne siirei nooto, kobegu kowoi piigap emonooto eng' tainnyo.”

JOSHUA 2:9

ak koleenji, “Angen ale ki koonok Kamuktaindet ne Toroor emoni, ak ki koityech arageneet agobo okweek, ak komeyo mugulelwegap meng'iigap emoni tugul eng' taing'wong'.

NG'ANG'UTYET 20:11

Ki ageer ng'echereet ne oo ak ko leel ne po laitornatet, ak ineendet ne kitebee, ne kimwee togeennyi ng'wony ak kipsengwet; ama ki sikyi ole tebee.