TIENWOGIKAL 44:2 - BUKUIT NE TILIIL Sireet ne Dutero Kanon

² Keele, eng' eung'ung' ko ki ioon pororyosyek, ak ki igoochi cheguuk komeny olooto; ki inyaliil inyee piik, ago icheeget cheguuk ko ki ityaach.

Bukuit Ne Tilil

² Keele, eng' eung'ung' ko ki ioon pororyosyek, ak ki igoochi cheguuk komeny olooto; ki inyaliil inyee piik, ago icheeget cheguuk ko ki ityaach.

BUKUIT NE TILIL

² Kole, Kiion bororiosiek eng’ eung’ung’, ak kiigochi komeny oloto; Ak kiinyalil inye bik, ak kiiyeste.

TIENWOGIKAL 44:2 ပူးပေါင်းရင်းမြစ်များ

2 SAMUEL 23:12

Ago ki tonon Shammah eng' kwenutap mbaranooto, koeet mbareet ak ki par Philistiik ak ki yai Kamuktaindet ne Toroor katerteeret ne oo.

2 SAMUEL 7:10

Alewenjini yeto piikyuk Israel ak amiine icheek, si kobiit komeny yetanywa. Ma kiutoi kogeny anan konyaliil icheek `lagogap yaityet kogeny ko uu eng' tai,

TIENWOGIKAL 105:44

Ak ki igoochi icheek emotinwegap pororyosyek, ak ki nam poisyonigap piik kobunji;

TIENWOGIKAL 78:55

Ki oon pororyosyek eng' tainnywa, Ak kipchechi icheek emonooto eng' kiwotosyek koek porotennywa, Ak ki igoochi ortinwegap Israel komeny emaisyekwak.

KOMONG'U 10:2

Si kobiit omwa kogas lagokwak ak mochogorenikwok ole ki aite Misiriik koek che perber, ak kaboorunoikyuk che ki ayai eng' kwenunnywa, si onai ole aa Kamuktaindet ne Toroor.”

KOMONG'U 15:17

Imutu icheek komong' ak inde icheek kominogis eng' tulweetap poroteng'ung', komosta ne ki ichopchigei si imeny, ee Kamuktaindet ne Toroor, Ole-Tiliil, ee Kamuktaindet, ne ki kogimit eung'ung'.

KOMONG'U 15:19

Kingo pa paraisisyek che po Pharaoh nyanjet kobooto kariisyekyik ak piikyik che ketei paraisisyek ko ki iweech Kamuktaindet ne Toroor peegap nyanjet kogeny kotuch icheek; ago kibun piigap Israel emet ne yaamaat eng' kwenutap nyanjet.

KOMONG'U 23:28

Ayooktoi kaaraamyet kondoenen kwo koon Hibik, Kanaanik ak Hitik, koba eng' taing'ung'.

KOMONG'U 34:11

Riip anyun chuuto kang'atiin rani. Keero, aoone komanda eng' taing'ung' Amorik, Kanaanik, Hitik, Perisik, Hibik ak Jebusik.”

ISAIAH 51:9

Ng'eet, ng'eet, ilaach kimnateet, ee, eutap Kamuktaindet ne Toroor; ng'eet, ko uu peetuusyek che po keny, ibinwegap peetuusyek che po keny. Tos ma inyee ne kiitonaton Rahab, ne kiitoor maswetit?

JEREMIA 32:23

ak ki pwa, konam kobunji; ago ma kas iit kuting'ung', ama isup ng'atuutiguk; ma yai kiy age tugul eng' chooto tugul ki ing'atyi icheek koyai: koigoochi anyun yaityoni tugul konyonji icheek.

KAITOSYEK 13:32

Ak ki ipchi piigap Israel ng'aleek che yaacheen agobo emonooto kiga segei. Ki le icheek, “Amei piikyik emonooto ki kibun kesegei. Ak ko kooen miising' piik tugul che ki kigeer eng' olooto.

NG'ATUTIK 32:7

Ibwaat peetuusyek che po keny, ak iruchi kenyiisyegap ibinwegap tai. Teebe kwandang'ung' si koboorun. Teebe poisyeguk si komwaun.

NG'ATUTIK 4:38

Ki oon pororyosyek eng' taing'ung' che eecheen ak ko kiimeen kosiirin si komutun imong'u olito, kogoonin emennywa koek poroteng'ung' ko uu peetuuni.

NG'ATUTIK 7:1

Ye kagoiitin Kamuktaindet ne Toroor Kamuktaindeng'ung' emet ne iwendi iname kobunjiin ak koon pororyosyek che chaang' eng' taing'ung', che chooto ko Hitik, Girgasik, Amorik, Kanaanik, Perisik, Hibik, ak Jebusik, pororyosyek tisap che eecheen ak ko kiimeen kosiirin,

JOSHUA 10:11

Ye ki mwee eng' taitap Israel, ye kichoortaegei Beth-horon, kowiir `Kamuktaindet ne Toroor icheek eng' koik che eecheen che punu kipsengwet kot koit Aseka, ak ki pek icheek; ki chaang' che ki pek eng' koigap ropta kosiir che ki par piigap Israel eng' rotwetap chok.

JOSHUA 10:42

Ki nam `Joshua laitorinichooto tugul ak emotinwekwak eng' peetuusyechooto, amu ki yai Kamuktaindet ne Toroor, Kamuktaindetap Israel lugeet agobo Israel.

JOSHUA 11:23

Ki nam anyun Joshua emet komugul, ko uu tugul che ki kamwachi `Kamuktaindet ne Toroor Musa. Ki igoochi `Joshua emonooto Israel koek porotennywa ko uu pcheutigap pororyosyekwak. Ki imuuny anyun emet eng' pooryeet.

JOSHUA 21:43

Ki igoochi anyun `Kamuktaindet ne Toroor Israel emet tugul ne ki iyasyechi kwanisyekwak kole tuun igoochin ak ki nam kobunji ak komeny,

JOSHUA 24:12

Ki ayookte kaaraamyet kondoenak eng' taing'wong' ne ki oon laitorinichooto aeng' po Amorik; ma eng' rotweng'ung' po chok anan kwangeng'ung'.

JOSHUA 3:10

Ki testai Joshua kole, “Onae eng' ni ole mi kwenung'wong' Kamuktaindet ne sabei, ak oonei ineendet eng' taing'wong' ne matiny Kanaanik, Hitik, Hibik, Perisik, Girgasik, Amorik ak Jebusik.

KIRUOGIK 6:13

Ak ki leenji `Gideon ineendet, “Ee, Kiptaiyandennyu, ngot komi Kamuktaindet ne Toroor kobootech, ko amu nee si kobwanjech tuguuchu tugul? Mi ano poisyonikyik tugul che po kwong'eet che kimwaiwech kwanisyekyok, koleenjech, ‘Tos ki ma imutwech Kamuktaindet ne Toroor ketogosu eng' Misiri?’ Ago ki kobagaktech Kamuktaindet ne Toroor ak kondaech eunegap Midianik.”