TIENWOGIKAL 34:12 - BUKUIT NE TILIIL Sireet ne Dutero Kanon

¹² Ng'oo chii ne machei kosap keny, ak kochamei peetuusyek che chaang' si kogeer ne myee?

Bukuit Ne Tilil

¹² Ng'oo chii ne machei kosap keny, ak kochamei peetuusyek che chaang' si kogeer ne myee?

BUKUIT NE TILIL

¹² Ng’o chi ne machei kosob keny, Ak kochamei betusiek che chang’ si kogeer ne mie?

TIENWOGIKAL 34:12 ပူးပေါင်းရင်းမြစ်များ

TAUNET 49:2

Oyumgei anyun si ogas, okweek weeriigap Jakobo; Ogas Israel kwandang'wong'.

Kitabuutap JOB 33:33

Ngo ma uu nooto, igaswa; siis, si aneetiin utaatyet.”

Kitabuutap JOB 7:7

Ee, ibwaat ile sabeennyu ko usoonet; ma keerei kogeny che myach konyekyuk.

TIENWOGIKAL 21:4

Kisoomin saboondo, ak ki igoochi; agot chaang'indap peetuusyek che pendi koigeny ak koigeny.

TIENWOGIKAL 4:6

Mwaei che chaang' kole, “Ng'oo ne iboorwech kiy ne myee? Ee Kamuktaindet ne Toroor, tokyech lapkeiyetap togeng'ung'!”

TIENWOGIKAL 91:16

Agoochini ineendet kosap kenyiisyek che chaang', Ak aboorchini yetunennyu.

KALEWANAIK 4:20

Weeriinnyu, kas ng'aleekyuk; epchi iit ng'aleek che amwae.

KALEWANAIK 7:24

Ara anyun, werchu, ogasa, ak oepchi iit ng'aleek che amwae.

KALEWANAIK 9:10

Kaiyweisyet ne kiywei Kamuktaindet ne Toroor ko taunetap utaatyet; ak naet ne kinae Ineendet ne Tiliil ko kaguiyet.

AMDOINDET 12:13

Ara nguno ko kagogasak tugul, ni anyun ko kagesunetap tuguuchu: Iywei Kamuktaindet ak iriip ng'atuutikyik, amu nyoljin chiito poisyoniito tugul.

AMDOINDET 2:3

Ki asyaach eng' muguleldanyu ole aboiboititoi poortanyu eng' divaik, kondoiywa muguleldanyu eng' utaatyet, ak ole anamdoi perberyo, kot amuuch ageer kiit ne nyoljin weeriigap piik koyai eng' kurereetap kipsengwet eng' peetuusyekwak tugul.

AMDOINDET 3:13

Ak kogeny konunetap Kamuktaindet konyaaljin chii age tugul koamis, koeeiso ak kobaibait eng' tuguuk che myach eng' pirtoennyi pogei tugul.

NG'ATUTIK 30:20

Cham Kamuktaindet ne Toroor Kamuktaindeng'ung', kas iit kutinnyi ak onamgei ak ineendet. Amu ineendet saboondang'ung' ak kooindap peetuusyeguk, si kobiit imeny emet ne ki iyasyechi `Kamuktaindet ne Toroor kwanisyeguk Abraham, Isak, ak Jakobo kogoochi.”

NG'ATUTIK 6:2

si kobiit igonyit Kamuktaindet ne Toroor Kamuktaindeng'ung', inyee ak weeriing'ung' ak mochogoreng'ung' eng' peetuusyeguk tugul kotee isabe. Ak iriip kaneetisyosyekyik tugul ak ng'atuutikyik che ang'atiin, si kochang'a peetuusyeguk.

1 SAMUEL 12:23

Eng' anee, ko ingolooit ayachi tengek Kamuktaindet ne Toroor, ak abagaakte asaiywok; atesetai aneetook eng' ooreet ne myee ak ne nyolu.