TIENWOGIKAL 33:3 - BUKUIT NE TILIIL Sireet ne Dutero Kanon

³ Otyenji tyendo ne leel; obut komyee si kogasak tyendo.

Bukuit Ne Tilil

³ Otyenji tyendo ne leel; obut komyee si kogasak tyendo.

BUKUIT NE TILIL

³ Otienji tiendo ne leel; Obut komie si kogasak tiendo.

TIENWOGIKAL 33:3 ပူးပေါင်းရင်းမြစ်များ

1 ATEPTAP PEETUUSYEK 13:8

Ki ureren Daudi kobooto Israel tugul eng' taitap Kamuktaindet eng' kimnateennywa tugul, eng' tyenwogik, ketubosyek, kibugandinik, sugutisyek che mengeechen, sanisyek che po sugunonik che kibirei ak iryagook.

1 ATEPTAP PEETUUSYEK 15:22

Ki pou Kenania, ne oo eng' Lawiik, tyenwogik; ki ineeti piik tyendo, amu ki utaat ineendet.

1 ATEPTAP PEETUUSYEK 25:7

Ki ek koitetap chooto kobooto tupchosyekwak che ki kineet eng' tyenwogik kotyenji Kamuktaindet ne Toroor, pogol aeng' tamanwogik sisiit ak sisiit.

2 ATEPTAP PEETUUSYEK 34:12

Ak ki yai pichooto poisyet koek piik che kiyani: ak kandoigap pichooto ko ki Jahat ak Obadiah, Lawiik eng' weeriigap Merari; ak Zekariah ak Mesulam eng' weeriigap Kohat, che ki ichirchiri poisyet: ak Lawiik alak, che ki utaatiin eng' putetap kibugandinik.

TIENWOGIKAL 144:9

Atyenun tyendo ne leel, ee Kamuktaindet, atyenun kalasunoik eng' kibugandet ne po inoik taman.

TIENWOGIKAL 149:1

Olasu Kamuktaindet ne Toroor! Otyenji Kamuktaindet ne Toroor tyendo ne leel, ak kalasunennyi eng' tuiyetap che tiliileen.

TIENWOGIKAL 40:3

Kagonde kutinnyu tyendo ne leel, nooto kalasunet eng' Kamuktaindennyo. Keerei che chaang' ak koywei, ak komang' Kamuktaindet ne Toroor.

TIENWOGIKAL 40:4

Paibai miising' chiito ne imang'u Kamuktaindet ne Toroor, ne ma tiytiy menotik, ama weekyingei lembechek.

TIENWOGIKAL 96:1

Otyenji Kamuktaindet ne Toroor tyendo ne leel: Otyenji Kamuktaindet ne Toroor, ng'wony komugul.

TIENWOGIKAL 98:1

Ee, otyenji Kamuktaindet ne Toroor tyendo ne leel; Amu ki koyai tuguuk che kikwong'ee: Ki yachi yetunet ineendet eunnyi ne po tai, eunnyi ne tiliil.

ISAIAH 42:10

Otyenji Kamuktaindet ne Toroor tyendo ne leel, otyen kalasunennyi kobooch tabandap ng'wony; okweek che ochoortoige nyanjet ak tugul che mi oriit, ngeguusyek ak piik che menyei olooto.

EPESOEK 5:19

ong'alaaljinigei eng' tyenwogigap kalasunet ak tyenwogik che ki kisir ak tyenwogigap saboon, otyeni tyendo ne rurei eng' mugulelwekwok eng' Kiptaiyat;

KOLOSAIK 3:16

Ingomenyok ng'olyootap Kristo eng' mogornateet, eng' utaatyet tugul oneetige ak oteechinigei eng' tyenwogigap kalasunet ak tyenwogik che ki kisir ak tyenwogigap saboon otyenjini Kamuktaindet eng' myeeindo eng' mugulelwekwok.

NG'ANG'UTYET 14:3

ak kotyeni tyendo ne leel eng' taitap ng'echereetap laitornatet, ak eng' taitap tyong'ik ang'wan che saptos ak poisyek. Ma mi chii ne imuuchi koneetkei tyenooto kobatee pichooto eliphuusyek pogol ak artam ak ang'wan, icheeget che ki kial eng' ng'wony.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.