TIENWOGIKAL 31:11 - BUKUIT NE TILIIL Sireet ne Dutero Kanon

¹¹ Kaegu ne iteweerat amu puunikyuk tugul, ne siirei ko piigap kokwennyu. Ki aegu kiit ne kiywei agot eng' piik che kogingengei; kimweena che kigeera eng' ooreet.

Bukuit Ne Tilil

¹¹ Kaegu ne iteweerat amu puunikyuk tugul, ne siirei ko piigap kokwennyu. Ki aegu kiit ne kiywei agot eng' piik che kogingengei; kimweena che kigeera eng' ooreet.

BUKUIT NE TILIL

¹¹ Kaegu ne itewerat amu bunikyuk tugul, Ee, ne siirei ko bikab kokwennyu, ak kiaegu kit ne kiywei agot eng’ bik che kogingengei: Kimweena che kigeera eng’ sang’.

TIENWOGIKAL 31:11 ပူးပေါင်းရင်းမြစ်များ

TIENWOGIKAL 22:6

Ago anee ko aa kutyet, ma aa chii; anee ne kirosyin eng' piik, ak ne sasaat eng' piik.

TIENWOGIKAL 38:11

Tonondos eng' ole loo che chama ak choronokyuk si ma riikyi nyalildanyu; ak tonondos eng' ole loo tilyonutikyuk ak icheek.

TIENWOGIKAL 64:8

Amu ng'aleegap ng'elyebwekwak komaasi icheek; ak tugul che keerei icheek kolelechi metowek.

TIENWOGIKAL 88:18

Ki istoena chamaneet ak chorweet, Ak miitei mesundeito icheek che ingeno.

TIENWOGIKAL 88:8

Kaistoena che kingenge kolooegitu; kaiyaa aek ne wegot eng' icheek. Kigegera ak ma amuuchi among' saang'.

ISAIAH 49:7

Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

JEREMIA 12:6

Ki koyaun kaberberisyet tupchosyeguk ak kootap kwandang'ung'. Ki koriirchin miising'. Ameyan icheek, agot nda mwaun ng'aleek che korooron.

MIKAH 7:6

Amu iteweeri weeriit kwanda, porye chepto kamet, porye osotyotap weeriit korgennyi ne po yugoi; puunigap chiito piikyik.

MATAYO 26:56

Ago kabwa chu tugul, si kobiit kosulda siruutik che po maotik.” Ki pagaakta ineendet anyun kasubik tugul ak komwei.

MATAYO 26:74

Ki toi anyun kochubis ak koyasyo kole, “Mangen chiichooto!” Ak koma tyanit koote kipsoiywet.

MARIKO 14:50

Ak ki pagaakta icheek tugul ineendet ak komwei.

ROMANIK 15:3

Amu ki ma ibaibaigei Kristo ineegei; ago ko uu ye ki kisir keele, kogoityo agane churisyetap icheeget che kichurin.

2 TIMOTEO 4:16

Ma piit chii ne kitoreta eng' waluunennyu ne po tai; ki pagaakta tugul: amat kiityi icheek ng'olyoondoniito.

HEBRANIK 11:36

ak ki kityem alak eng' chombilet, ak eng' pirisyosyegap kipcharitisyek, ee, ak kogeny eng' ratisyosyek ak toorchinetap korgoreet:

HEBRANIK 13:13

Ongebe anyun ole mi ineendet eng' saang'utap ormariich, keibe teweernateet ne kiteweeri ineendet.

1 PETERO 4:14

Ngechurok eng' kainetap Kristo, ko oboiboi; amu tebenok Kabuusetap liilindo ne Kabuusetap Kamuktaindet.