TIENWOGIKAL 30:11 - BUKUIT NE TILIIL Sireet ne Dutero Kanon

¹¹ Ki iwal kateennyu koek ureryet; ki ireegunena kuniet, ak ilaakwa poiboiyet.

Bukuit Ne Tilil

¹¹ Ki iwal kateennyu koek ureryet; ki ireegunena kuniet, ak ilaakwa poiboiyet.

BUKUIT NE TILIL

¹¹ Kiiwal kateennyu koek ureriet; Kiireegunena kuniet, ak ilaakwa boiboiyet:

TIENWOGIKAL 30:11 ပူးပေါင်းရင်းမြစ်များ

TAUNET 37:35

Ki ng'eetyo weeriikyik tugul ak tiibiikyik tugul kole kogaigai ineendet, ago kiesyo ineendet kigaigai, ak ki le, “Eng' nooto anyun, ariirchini weeriinnyu agoi ait ye mi che ki kobek.” Ki riirchi anyun kwandanyi ineendet.

TAUNET 45:28

Ak ki le Israel, “Yamei ko uu nooto! Ta kosabei weeriinnyu Joseph. Awendi anyun ageere ineendet kotom amei.”

2 SAMUEL 6:14

Kogagermenegei `Daudi ephod ne po katanit, koureren eng' taitap Kamuktaindet ne Toroor eng' kimnateennyi tugul.

2 ATEPTAP PEETUUSYEK 20:12

Ee Kamuktaindennyo, merwookyini? Amu ma ki tinyei kamuget kebarge ak tuiyoni oo kagobokyech. Ma kingen kiit ne kiyaei, ago inyalin konyekyok.”

2 ATEPTAP PEETUUSYEK 20:3

Ki iyweis anyun Jehoshaphat, ak ko ki ilgei kocheeng' Kamuktaindet ne Toroor, ak komwaita karugutetapkei eng' Judah tugul.

2 ATEPTAP PEETUUSYEK 20:9

‘Ngot konyonjech yaityet, rotwetap chok, kirwooget, anan koroito anan rubeet, ketononie eng' taitap kooi, ak eng' taing'ung', amu mi kaineng'ung' kooi, ak keriirchin eng' nyalilwogikyok, ak igaseech ak isarwech.’

NEEMIA 8:10

Koleenji icheek `Nehemiah, “Oba, oam che akwaen ak oee che anyiny ak oyookyi kebeberwek ineendet ne ma kichopchi kiy, amu tiliil peetuuni eng' Kiptaiyandennyo. Amoaragense, amu kimnateeng'wong' poiboiyetap Kamuktaindet ne Toroor.”

TIENWOGIKAL 149:3

Ingolas kainennyi ye urerendos, ingotyenji ineendet kalasunoik eng' sugutit ne ming'in ak ketubet.

TIENWOGIKAL 150:4

Olasu ineendet eng' sugutit ne ming'in ak ureryet; olasu ineendet eng' kibugandinik che po inoik ak ndurerusyek.

TIENWOGIKAL 27:7

Kasa, ee Kamuktaindet ne Toroor, ye ariire, rireena ak iwolwoo.

TIENWOGIKAL 30:5

Tebyei nereegekyik ne matya; ichuldos chametap Kamuktaindet ne Toroor eng' sabeetap chii. Mi riirek kemout, ago piitu poiboiyet karon.

TIENWOGIKAL 4:7

Ki inde muguleldanyu kaagaasetapkei, kosiir ne tinyei icheek ye katesak peekwak ak divaikwak.

AMDOINDET 3:4

peetuut ne ki riirtos ak peetuut ne kiroritos; peetuut ne kiteitos ak peetuut ne kiurereni;

ISAIAH 25:3

Konyitin anyun piik che kiimeen, iywein nganaseet ne po pororyosyek che imuisei.

ISAIAH 25:8

Ki kolugui ineendet meet koigeny. Tuun ibuchi Kiptaiyat Kamuktaindet ne Toroor peegap kong' eng' togoochik tugul; ak koisto teweernatetap piikyik eng' ng'wony komugul. Amu kagomwa Kamuktaindet ne Toroor niito.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 61:3

si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

JEREMIA 31:4

Ateechin kogeny ak iteegoksei, ee pergeiyatap Israel! Kilelesonin kogeny ak kobooto sugutisyeguk che mengeechen, ak iwe iurerenote kobooto icheek che igasegei.

JEREMIA 52:33

Ak ki wal ngoroikyik che po korgoreet, ak ki amis eng' tainnyi kotugul eng' peetuusyek tugul che po sabeennyi.

LUKA 15:22

Ago ki leenji kwanda otwogikyik, Oibu ochogune ngoryeet ne karaaran ne siirei tugul, ak olaakyi; ak ondechi peteiyot mornennyi, ak olaakyi kweonik:

JOHANA 16:20

Amwaiwok, iman, iman, ale orirtosi ak oteitosi, ago paibai ng'wony: oaragendosi, ago kiweechi arageneng'wong' koek poiboiyet.

NG'ANG'UTYET 21:4

ak kous ineendet peegap kong' alak tugul eng' konyekwak. Amaa komi meet kogeny; ama komi kateiyet kogeny, anan riirek, anan ng'wanindo; kogosiirto tuguuk che po tai.”