TIENWOGIKAL 3:3 - BUKUIT NE TILIIL Sireet ne Dutero Kanon

³ Ago inyee, ee Kamuktaindet ne Toroor, ko ii long'eet ne mi komoswek tugul eng' anee; ii teegistanyu ak ii tiindetap metinnyu.

Bukuit Ne Tilil

³ Ago inyee, ee Kamuktaindet ne Toroor, ko ii long'eet ne mi komoswek tugul eng' anee; ii teegistanyu ak ii tiindetap metinnyu.

BUKUIT NE TILIL

³ Ago inye, Jehovah, ko i long’et ne mi komoswek tugul eng’ ane; I teegistanyu, ak i tiindetab metinnyu.

TIENWOGIKAL 3:3 ပူးပေါင်းရင်းမြစ်များ

TAUNET 15:1

Ye kingo pata tuguuchu anyun koityi Abram `ng'olyootap Kamuktaindet ne Toroor eng' ng'ang'utyet koleenji, “Abram, ameiywei! Aa long'eng'ung' ak oo melektang'ung' miising'.”

TAUNET 40:13

kotomo kobata peetuusyek somogu koeetin Pharaoh, ak koweekyin poisyeng'ung', ak iwe inde eutap Pharaoh kigombennyi, ko uu ye ki cham iyae yu kita ko ii riibindennyi ne po tuguuk che kieei.

2 LAITORINIK 18:30

Among' kogoonok Hezekiah omang'u Kamuktaindet ne Toroor kole, Sarwech Kamuktaindet ne Toroor iman, ak ma kigoochin nganasanio laitoryatap Assyria.

2 LAITORINIK 18:32

agoi anyo amutak obe emet ne kergei ak emeng'wong', emetap peek ak divaik, emetap amitwogik ak mbareenigap sabibuk, emetap mwanigap mseituni ak kumyat, si kobiit osapche, amobegu. Amogas Hezekiah, ye igoigook, kole, ‘Sarwech Kamuktaindet ne Toroor.’

2 LAITORINIK 25:27

Eng' kenyiitap sosom ak tisap ne po luuleetap Jehoiakin laitoryatap Judah, ye ki tau kolaitorane Ebil-merodak laitoryatap Babilon, ko ki ityaach ineendet Jehoiakin laitoryatap Judah komong' eng' korgoreet eng' arawetap taman ak aeng', eng' peetuutap tiptem ak tisap.

TIENWOGIKAL 110:7

Eei ineendet peegap aineet eng' ooreet; yotei met anyun amu nooto.

TIENWOGIKAL 119:114

Ii ole aung'egei ak ko ii long'ennyu: amang'u ng'olyoondeng'ung'.

TIENWOGIKAL 18:2

Kamuktaindet ne Toroor ko rwandennyu, irimennyu ak saruunindennyu; Kamuktaindennyu, rwandennyu ne kiim, amang'u ineendet; long'ennyu, kuinetap yetunennyu ak teeksennyu ne kooi.

TIENWOGIKAL 27:6

Ak koeeta nguno agee puunikyuk che yiema. Agoitoi koroseek che po kagasetapkei eng' emainnyi; atyeni ak alasu Kamuktaindet ne Toroor.

TIENWOGIKAL 28:7

Kamuktaindet ne Toroor ko kimnateennyu ak long'ennyu; imang'u muguleldanyu ineendet. Kigetoreta ak igasegei muguleldanyu miising'; alasu ineendet eng' tyendanyu.

TIENWOGIKAL 4:3

Ago onai ni ole ki kotabaanjigei Kamuktaindet ne Toroor chiito ne po iman; kasei Kamuktaindet ne Toroor ye aguure ineendet.

TIENWOGIKAL 62:7

Tinyei Kamuktaindet yetunennyu ak toroornatennyu; rwandetap kimnateennyu ak ole amwechini ko Kamuktaindet.

TIENWOGIKAL 84:11

Amu Kamuktaindet ne po Toroornatet ko uu asiista ak long'eet: Koonu Kamuktaindet ne Toroor myeeindo ak teegisto: Maete icheek che pendoti eng' imanda kiy age tugul ne myee.

ISAIAH 45:25

Ki ityin imanda iyoteet tugul ne po Israel eng' Kamuktaindet ne Toroor, ak kolasunegei.

ISAIAH 60:19

Ma koegu asiista lapkeiyeng'ung' peet: ama kogoonin lapkeiyet kaluunetap arawet: ago egu Kamuktaindet ne Toroor lapkeiyeng'ung' ne po koigeny; ak koek Kamuktaindeng'ung' toroornateng'ung'.

LUKA 2:32

lapkeiyet ne po ng'ang'utyet ne king'aang'jin Pororyosyek, ak toroornatetap piiguk Israel.”

NG'ATUTIK 33:29

Ee Israel, igasigei: Ogergei ak ng'oo, pororyet ne ki sar Kamuktaindet ne Toroor? Ineendet ne long'eet ne toretin, ak ko rotweng'ung' po chok, ne po telunateng'ung'! Yaigei puuniguk koigei che kase iit, si ityech oldinwekwak che sutotin.”

NG'ANG'UTYET 21:11

kotinyei liilindap Kamuktaindet: ne kergei lapkeiyennyi ak koita ne po kamanuutyet ne oo, ko uu koita ne po jasipi, ne tiliil ko uu krustalo.

NG'ANG'UTYET 21:23

Ak ma machei nganaseet asiista, anan arawet, koluuchi: amu iluuchin liilindap Kamuktaindet, ak tainnyi ko Aarwet.