TIENWOGIKAL 28:7 - BUKUIT NE TILIIL Sireet ne Dutero Kanon

⁷ Kamuktaindet ne Toroor ko kimnateennyu ak long'ennyu; imang'u muguleldanyu ineendet. Kigetoreta ak igasegei muguleldanyu miising'; alasu ineendet eng' tyendanyu.

Bukuit Ne Tilil

⁷ Kamuktaindet ne Toroor ko kimnateennyu ak long'ennyu; imang'u muguleldanyu ineendet. Kigetoreta ak igasegei muguleldanyu miising'; alasu ineendet eng' tyendanyu.

BUKUIT NE TILIL

⁷ Jehovah kimnatennyu ak long’ennyu; Kigomang’ muguleldanyu inendet; ak kigetoreta: Eng’ noto anyun igasegei muguleldanyu mising’; Ak alosu inendet eng’ tiendanyu.

TIENWOGIKAL 28:7 ပူးပေါင်းရင်းမြစ်များ

TAUNET 15:1

Ye kingo pata tuguuchu anyun koityi Abram `ng'olyootap Kamuktaindet ne Toroor eng' ng'ang'utyet koleenji, “Abram, ameiywei! Aa long'eng'ung' ak oo melektang'ung' miising'.”

TIENWOGIKAL 13:5

Ago ki amang'u rireeneng'ung'; igaseegei muguleldanyu yetuneng'ung'.

TIENWOGIKAL 13:6

Atyenjini Kamuktaindet ne Toroor, amu ki yaiywo ne myee eng' aiyebindo.

TIENWOGIKAL 19:14

Ng'aleegap kutinnyu ak kabwaatutigap muguleldanyu, ko ingochamak eng' taing'ung' ee Kamuktaindet ne Toroor, rwandennyu ak ko katyagindennyu.

TIENWOGIKAL 21:1

Poiboitu laitoryat eng' kimnateng'ung', ee Kamuktaindet ne Toroor, poiboitu ne tya eng' yetuneng'ung'!

TIENWOGIKAL 22:4

Ki imang'un kwanisyekyok; ki imang'un ak ki isaru.

TIENWOGIKAL 28:8

Kamuktaindet ne Toroor ko kimnateetap piikyik; ineendet irimeetap yetunetap nenyinet ne ki kiil.

TIENWOGIKAL 3:3

Ago inyee, ee Kamuktaindet ne Toroor, ko ii long'eet ne mi komoswek tugul eng' anee; ii teegistanyu ak ii tiindetap metinnyu.

TIENWOGIKAL 3:4

Ariirchini Kamuktaindet ne Toroor eng' kutinnyu, ak ki wolwo eng' tulweennyi ne tiliil.

TIENWOGIKAL 33:21

Ee poiboitu mugulelwekyok eng' ineendet, amu ki kimang'u kainennyi ne tiliil.

TIENWOGIKAL 37:39

Punu Kamuktaindet ne Toroor yetunetap che po imanda; ineendet irimennywa eng' peetuutap nyalilda.

TIENWOGIKAL 40:3

Kagonde kutinnyu tyendo ne leel, nooto kalasunet eng' Kamuktaindennyo. Keerei che chaang' ak koywei, ak komang' Kamuktaindet ne Toroor.

TIENWOGIKAL 43:2

Ii Kamuktaindet nooto ne amwechini; amu nee anyun si ibagaakta? Amu nee si awo ariiroti amu kanyaliiletap puunyoot?

TIENWOGIKAL 46:1

Kamuktaindet ole kemwechini ak kimnateennyo, toretindet ne neegit ye mi nyalilda.

TIENWOGIKAL 46:2

Ma kiyweisyei anyun amu nooto, agot nda walak ng'wony, agot nda pendi tuloonook kwenutap nyanjosyek;

TIENWOGIKAL 69:30

Alasu kainetap Kamuktaindet eng' tyendo, Ak amwae kongoi atoroori ineendet.

TIENWOGIKAL 84:11

Amu Kamuktaindet ne po Toroornatet ko uu asiista ak long'eet: Koonu Kamuktaindet ne Toroor myeeindo ak teegisto: Maete icheek che pendoti eng' imanda kiy age tugul ne myee.

TIENWOGIKAL 91:4

Tugenen koroorikyik, Ak inyooru ole imwechini eng' kebebaikyik: Imandanyi ko long'eet ak ne kiteektoegei.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 45:24

Leenjino age, Mi eng' Kamuktaindet ne Toroor ineegei imanda ak kimnateet: pwaanjin `piik ineendet ak kolilaandos icheek tugul che ki nereekyi ineendet.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

EPESOEK 6:10

Ne po let anyun, oegu che kiimeen eng' Kiptaiyat, ak eng' kimnateetap kamugennyi.

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.