TIENWOGIKAL 27:4 - BUKUIT NE TILIIL Sireet ne Dutero Kanon

⁴ Ki amage kiit agenge Kamuktaindet ne Toroor, nooto ne acheeng'e: ale atebee kootap Kamuktaindet ne Toroor peetuusyek tugul kotee asabe, si ageer karaaranindap Kamuktaindet ne Toroor, ak abwaati eng' hekalunnyi.

Bukuit Ne Tilil

⁴ Ki amage kiit agenge Kamuktaindet ne Toroor, nooto ne acheeng'e: ale atebee kootap Kamuktaindet ne Toroor peetuusyek tugul kotee asabe, si ageer karaaranindap Kamuktaindet ne Toroor, ak abwaati eng' hekalunnyi.

BUKUIT NE TILIL

⁴ Kiamage kit agenge Jehovah, noto ne acheng’e; Ale atebe gotab Jehovah eng’ betusiek tugul kote asobe, Si ageer kororonindab Jehovah, ak abwati eng’ hekalunnyi.

TIENWOGIKAL 27:4 ပူးပေါင်းရင်းမြစ်များ

2 SAMUEL 21:1

Ki piit rubeet eng' peetuusyegap Daudi, eng' kenyiisyek somok che ki isubegei. Kingo cheeng' `Daudi togetap Kamuktaindet ne Toroor kole Kamuktaindet ne Toroor “Po Saulo ak koonnyi ne po korotiik ng'olyoondoni, amu ki par Gibeonik.”

TIENWOGIKAL 23:6

Isubota iman myeeindo ak chamyet ne tala peetuusyek tugul kotee asabe, ak atebee kootap Kamuktaindet ne Toroor koigeny.

TIENWOGIKAL 26:6

Auni eunekyuk amu ma tiinya lelutyo, si amuut kaptisisyeng'ung', ee Kamuktaindet ne Toroor,

TIENWOGIKAL 26:8

Ee Kamuktaindet ne Toroor, achame meng'ootetap koong'ung', ole menyei teegistang'ung'.

TIENWOGIKAL 27:8

Ye ki le muguleldanyu, “Ocheeng' togeennyu!” Acheeng'e togeng'ung', ee Kamuktaindet ne Toroor.

TIENWOGIKAL 50:2

Eng' Zion, komi korooronindo ne ititaat, kamong' Kamuktaindet kooluu.

TIENWOGIKAL 65:4

Paibai miising' chiito ne ileweni, ak imuti koriikyin, Si kobiit komeny seremusyeguk: Ak kebiye myeeindap koong'ung', Ole tiliil eng' hekalung'ung'.

TIENWOGIKAL 84:10

Myee peetuut agenge ne atebee seremusyeguk kosiir eliphuut. Achame ariip kurgeetap kootap Kamuktaindennyu, Kosiir ameny emaisyegap kiptengeginik.

TIENWOGIKAL 84:4

Poiboen icheek che menyei koong'ung': Ilasun kotugul.

TIENWOGIKAL 90:17

Ak ingotebenech karaaranindap Kamuktaindet ne Toroor, Kamuktaindennyo: Ak igimitwech poisyonigap eunekyok; Ee, igimit poisyonigap eunekyok.

JEREMIA 29:13

Ak ocheeng'a, ak onyoorwo, ye ocheeng'a eng' mugulelwekwok tugul.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

MATAYO 6:33

Ago ocheeng' korook laitornatennyi, (ne po Kamuktaindet) ak imandanyi; si keteswook tuguuchu tugul.

LUKA 10:42

ago kiit agenge ne kemachei: amu kagolewen Maria kebeberta ne myee, ne ma kirebe.”

LUKA 13:24

Ogiilgei obun kurgeet ne mariich: amu amwaiwok ale, cheeng'ei tuun che chaang' kobun yooto, ago ma tuun imuuchi.

LUKA 18:1

Ki mwachi anyun kalewenet kole, Kanyool kosa peetuusyek tugul, amat chorirenso;

LUKA 2:37

Ak ki tebi ko kwony ne ki kosiirtoe manong'otyot kenyiisyek tamanwogik sisiit ak ang'wan), koma mandoi eng' Hekaluut, ak kolasu, kobooto karugutetapkei, ak soomutik, kemoi ak peet.

2 KORINTOEK 3:18

Ago acheek tugul koboortoi toroornatetap Kiptaiyat ko uu ki oit eng' togoochikyok che ma tugootiin, kewalech eng' itoonooto kobunu toroornatet agoi toroornatet, ko uu ye punu Kiptaiyat ne Kabuuset ne Tiliil.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

PILIPIK 3:13

Che kitupche, ma iiti anee ale kaanam: ago ayae kiit agenge, autye tuguuk che mi let eng' anee, ayogoochinigei tuguuk che mi tai.

1 TIMOTEO 5:5

Ak ineendet ne mosoget iman, ne tebyei ineegei, kotinyei kamang'unennyi eng' Kamuktaindet, ak kotepto soomutik ak saautik kemoi ak peet.

HEBRANIK 11:6

ak ngo ma mi kayaneet koma imugaksei kibaibai ineendet: amu ineendet ne riikyin Kamuktaindet konyaaljin koyan kole mi ineendet, ak kole igoochin melekto icheeget che cheeng'ei ineendet.

1 SAMUEL 1:11

Ki yai kayasyoet kole, “Ee Kamuktaindet ne Toroor ne po lugoosyek, ngot igeer nyalildap cheptong'ung' ne otwoget ak ibwaata ak ko meutye cheptong'ung' ne otwoget, ak igoochi weeriit, agoochini anyun weeroto Kamuktaindet ne Toroor eng' peetuusyekyik tugul kotee kosabei, ama kicheru suumeekyik.”

1 SAMUEL 22:10

Kiteepsechi Ahimelek eng' Kamuktaindet ne Toroor agobo ineendet yeityo kogoochi amitwogik ak rotwetap chok ne ki po Goliat Philistindet.”

1 SAMUEL 30:8

Kingo ip koteebe `Daudi Kamuktaindet ne Toroor koleenji, “Tos ngot asup lugoni, aname?” Kowolji Kamuktaindet ne Toroor koleenji, “Isup, amu iname iman, ak ne matiny isaru tuguuk tugul.”