TIENWOGIKAL 25:6 - BUKUIT NE TILIIL Sireet ne Dutero Kanon

⁶ Ee Kamuktaindet ne Toroor, ibwaat rireenosyeguk ak chamyeng'ung' ne tala; amu ki mi kobooch keny.

Bukuit Ne Tilil

⁶ Ee Kamuktaindet ne Toroor, ibwaat rireenosyeguk ak chamyeng'ung' ne tala; amu ki mi kobooch keny.

BUKUIT NE TILIL

⁶ Ibwat, ee Jehovah, rirenosieguk ak chamnyeng’ung’ ne tala; Amu kimi koboch keny.

TIENWOGIKAL 25:6 ပူးပေါင်းရင်းမြစ်များ

TAUNET 24:27

kole, “Iberuurot Kamuktaindet ne Toroor, Kamuktaindetap kiptaiyandennyu Abraham, ne ma etee kiptaiyandennyu rireenennyi po kei ak imaninnyi; Kamuktaindet ne Toroor ne ki imutwaa eng' ooreet agoi aitu kootap tupchosyegap kiptaiyandennyu.”

TAUNET 32:9

Ak ki le Jakobo, “Ee, Kamuktaindet ne po abba Abraham, ak Kamuktaindet ne po abba Isak, Ee Kamuktaindet ne Toroor ne ki imwaiwo ileenjo, ‘Iweekyigei emeng'ung', kaptilyonutiguk, ak ayaun ne myee,’

2 ATEPTAP PEETUUSYEK 6:42

Ee Kamuktaindet ne po Toroornatet, ameiste togeetap neng'ung' ne iilaat. Ibwaat rireenosyegap Daudi otwogindeng'ung'.”

NEEMIA 13:22

Ki ang'at Lawiik koanyinygei ak kobwa koriip ormariichok, kotabaan peetuutap sabato. “Ibwaata, ee Kamuktaindennyu, agobo ng'olyoondoniito agine, ak iriirena ko uu ooindap rireeneng'ung'.”

NEEMIA 9:19

koma imete icheek eng' surkwen amu rireenosyeguk che chaang'. Ma istoegei paragunnywa peet toloitap pooldet si kondochi icheek eng' ooreet. Ama istoegei icheek toloita ne po maat kemoi, si koboorchi icheek lapkeiyet ak ooreet ne kanyool kobun.

TIENWOGIKAL 103:17

Ago tebyei rireenetap Kamuktaindet ne Toroor koigeny ak koigeny eng' icheek che iywei ineendet, ak imandanyi eng' lagogap lagok,

TIENWOGIKAL 103:4

ineendet ne ityaachi saboondang'ung' eng' ye mi ng'emisyet; ak kolaagun kuutweetap chamyet ne tala ak rireenosyek,

TIENWOGIKAL 106:1

Olasu Kamuktaindet ne Toroor! Ee, oweekyi Kamuktaindet ne Toroor kongoi; amu myee ineendet; amu tebyei rireenennyi koigeny.

TIENWOGIKAL 106:45

Ak ki ibwaat kayomisennyi ne kigayomisyi icheek, ak ki riiree icheek ko uu chaang'indap rireenosyekyik.

TIENWOGIKAL 107:1

Oweekyi Kamuktaindet ne Toroor kongoi; amu myee ineendet: Amu tebyei rireenennyi koigeny.

TIENWOGIKAL 119:77

Ingobwanjo rireenosyeguk che po chamyet, si asap; amu poiboiyennyu ng'atuutyeng'ung'.

TIENWOGIKAL 40:11

Ee Kamuktaindet ne Toroor, amemelela rireenosyeguk che po chamyet. Ingoriibo chamyeng'ung' ne tala ak imaning'ung' peetuusyek tugul.

TIENWOGIKAL 69:13

Ago anee, asaain, ee Kamuktaindet ne Toroor, eng' peetuut ne chamaksei: Ee Kamuktaindet, eng' chaang'indap rireeneng'ung', Wolwo eng' imandap yetuneng'ung'.

TIENWOGIKAL 69:16

Wolwo Kamuktaindet ne Toroor, amu myee chamyeng'ung' ne tala: Iweekyage ko uu chaang'indap rireenosyeguk.

TIENWOGIKAL 98:3

Kigobwaat rireenennyi ak imandanyi eng' kootap Israel: Ki kogeer tabanwek tugul che po ng'wony yetunetap Kamuktaindennyo.

KOMONG'U 15:13

Ki indochi inyee eng' rireeneng'ung' piik che ki ityaach komanda; ki indochi icheek eng' kimnateng'ung' koba oldang'ung' ne tiliil.

KOMONG'U 34:6

Ki pun Kamuktaindet ne Toroor tainnyi ak komwaita kole, “Kamuktaindet ne Toroor, Kamuktaindet ne Toroor, Kamuktaindet ne nyiitaat rireenet ak myeeindo, ma sip konereechi ak nyiitaat talasyet ak imanit,

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

ISAIAH 63:15

Keer anyun ng'wony eng' kipsengwet, ak igeer eng' meng'ootetap tiliilindang'ung' ak ko po toroornateng'ung'. Mi ano kagiileng'ung' pogei ak poisyoniguk che po kamuktaet? Kaietena rireenetap muguleldang'ung' ak rireenosyeguk.

JEREMIA 31:20

Tos weeriitnnyu ne achame, Ephraim? Tos ineendet ko lakweet ne kiboiboitune? Amu ye ang'alaali kotugul areenye ineendet, abwaati ineendet miising' kora: iima moennyu amu ineendet; ariiree ineendet iman, mwaei Kamuktaindet ne Toroor.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

HABAKUK 3:2

Ee Kamuktaindet ne Toroor, ki agas ng'aleeguk, aiyweisyei: Ee Kamuktaindet ne Toroor, ing'eet poisyeng'ung' eng' kasariitanyo; Yai kotook eng' kasarinyo; Ibwaat rireenet nginereechi.

LUKA 1:50

Tebyei rireenennyi eng' ibinda agoi ibinda eng' icheeget che konyiti ineendet.

LUKA 1:54

Kagotoret otwogindennyi Israel, si kobwaat rireenetapkei,

LUKA 1:78

amu muguleldo ne rireegei ne po Kamuktaindet nenyo, si kochorchech lapkeiyet ne punu parak,

2 KORINTOEK 1:3

Iberuurot Kamuktaindet ne Kwandap Kiptaiyandennyo Jeso Kristo, Kwanda ne po rireenosyek ak Kamuktaindet ne po kagaigaet tugul;

PILIPIK 1:8

Amu Kamuktaindet paoryandennyu, ko uu ye ating'enok okweek tugul emosto eng' rireenosyegap Kristo Jeso.

PILIPIK 2:1

Ngo miitei anyun kagaigaet age tugul eng' Kristo, ngo mi saisaet age tugul ne po chamyet, ngo mi yamdaet age tugul ne po Kabuuset ne Tiliil, ngo mi rireenosyek ak riirge,

KOLOSAIK 3:12

Nooto anyun, amu oo lewenaigap Kamuktaindet che tiliileen ak ko oo chamanik, olaach muguleldo ne po rireenetapkei, talasyet, kaming'inetapkei, mutyonet, ak muitaet;

1 JOHANA 3:17

Ago chiito ne tinyei tuguugap ng'wonyuni, ak kogeerei ne tupcho kobanani, ak koger muguleldanyi, ama riiree ineendet, komeng'doi ano chamyetap Kamuktaindet ineendet?