TIENWOGIKAL 25:2 - BUKUIT NE TILIIL Sireet ne Dutero Kanon

² Ee Kamuktaindennyu, ki amang'un; amegoono alilan; amegoochi puunikyuk kogasenagei.

Bukuit Ne Tilil

² Ee Kamuktaindennyu, ki amang'un; amegoono alilan; amegoochi puunikyuk kogasenagei.

BUKUIT NE TILIL

² Ee Kamuktaindennyu; kiamang’un. Amegona alilan; Amegochi bunikyuk kogasenagei.

TIENWOGIKAL 25:2 ပူးပေါင်းရင်းမြစ်များ

2 ATEPTAP PEETUUSYEK 13:18

Ki kiming'in ko uu nooto piigap Israel eng' peetuusyechooto, ak ki iterteeris lagogap Judah amu kitiegei Kamuktaindet ne Toroor, Kamuktaindetap kwanisyekwak.

TIENWOGIKAL 13:5

Ago ki amang'u rireeneng'ung'; igaseegei muguleldanyu yetuneng'ung'.

TIENWOGIKAL 142:6

Epchi iit riirekyuk, amu kinyerata miising'; sarwo eng' usiikyuk, amu kiimeen kosiiro.

TIENWOGIKAL 18:2

Kamuktaindet ne Toroor ko rwandennyu, irimennyu ak saruunindennyu; Kamuktaindennyu, rwandennyu ne kiim, amang'u ineendet; long'ennyu, kuinetap yetunennyu ak teeksennyu ne kooi.

TIENWOGIKAL 22:1

Kamuktaindennyu, Kamuktaindennyu, amu nee si ibagaakta? Amu nee si ilooena, ametoreta, amu nee si ilooitune ng'aleegap tigenennyu?

TIENWOGIKAL 22:5

Ki riirchin ak kinyoor saruunet; ki imang'un ak ki ma ililanso.

TIENWOGIKAL 22:8

tiegei Kamuktaindet ne Toroor; si kosaruun; ingosar ineendet, ko uu ye paibai Kamuktaindet ne Toroor eng' ineendet.

TIENWOGIKAL 31:1

Amang'un inyee, ee Kamuktaindet ne Toroor, ameng' alilan agoi; sarwo eng' imandang'ung'.

TIENWOGIKAL 31:15

Miitei peetuusyekyuk eung'ung'; sarwo eng' eunegap puunikyuk, ak eng' icheek che onwo.

TIENWOGIKAL 31:2

Epcha iit, sarwo chokyi! Egu rwandet ne kiim eng' anee, irimet ne kiim ne sarwo.

TIENWOGIKAL 34:8

Ochamcham anyun si onai ole myee Kamuktaindet ne Toroor. Paibai miising' chiito ne imang'u ineendet!

TIENWOGIKAL 37:40

Toreti `Kamuktaindet ne Toroor icheek ak kosaru; saru icheek eng' kiptengeginik, ak koeetei, amu kimwechi ineendet.

TIENWOGIKAL 41:11

Kaanai eng' ni ale iboiboitunena, amu ma orenena punyondennyu.

TIENWOGIKAL 56:1

Rireena, ee Kamuktaindet, amu ibookya piik; inyalila, kousa peet komugul.

TIENWOGIKAL 7:1

Ee Kamuktaindet ne Toroor, Kamuktaindennyu, inyee ne amang'un; sarwo eng' icheek tugul che onwo, ak ieta.

TIENWOGIKAL 71:1

Amang'un, ee Kamuktaindet ne Toroor, amegoono alilan agoi.

TIENWOGIKAL 91:2

Amwae agobo Kamuktaindet ne Toroor ale, Ineendet ole amwechini ak ko irimennyu; Kamuktaindennyu ne amang'u.

TIENWOGIKAL 94:3

Ee Kamuktaindet ne Toroor, tyanitu, Iterteerisyei kiptengeginik kot kotyanit?

ISAIAH 26:3

Iriibe ineendet kotebee kaalyeet ne ititaat, ineendet ne tienengei kabwautuikyik, amu imang'un.

ISAIAH 28:16

mwaei anyun Kiptaiyat Kamuktaindet ne Toroor kole, Ogeero, andoi Zion koita koek lumeiywot, koita ne kigetyem, koita ne po kamanuutyet ne oo ne po luuita, lumeiywot ne kiim; ma igirgiri ne iyani.

ISAIAH 37:10

omwachini Hezekiah, laitoryatap Judah, oleenjini, Amengoberberin Kamuktaindeng'ung' ne imang'u, koleenjin, Ma kigoitoi Jerusalem kwo eutap laitoryatap Assyria.

ISAIAH 37:20

Ara anyun, ee Kamuktaindet ne Toroor, Kamuktaindennyo, sarwech eng' eunnyi, si konai laitornatosyek tugul che po ng'wony kole ii Kamuktaindet ne Toroor, inyee inyegei.

ISAIAH 37:35

Amu ariibe nganasani, asaru, agobo anee, ak agobo Daudi otwogindennyu.

ISAIAH 41:16

Iruri, si koip usoonet, ak koyesta kipchurchuryet: ak ibaibaitu eng' Kamuktaindet ne Toroor, ilasunegei Ineendet ne Tiliil ne po Israel.

ISAIAH 49:23

Ak koek laitorinik kwanisyeguk che iguin, ak koek osotigap laitorinik kametwogiguk che iguin: kutung'jinin icheek kot koit togoochikwak ng'wony, ak komel temburyek che mi keelyeguk; ak inai ile aa Kamuktaindet ne Toroor, ma ililandos icheek che igeno.

JEREMIA 17:18

Ingolilanso che usa, ago megoono alilan; ingoaragenso icheek, ago megoono aaragen: ipchi icheek peetuutap yaityet, ak ing'eme icheek ng'emisyet konyil aeng'.

ROMANIK 10:11

Amu mwaei sireet kole, “Age tugul ne iyani ineendet koma kigoochin kolilaan.”

ROMANIK 5:5

ma koonu kamang'unet kililan; amu kigerong'ji chamyetap Kamuktaindet mugulelwekyok eng' Kabuuset ne Tiliil ne kigegoonech.

1 PETERO 2:6

Amu mi eng' sireet kole, Ogeero, kande Zion koita, koita ne po luuita ne lewenot ak ne chamat miising': Ak ineendet ne iyani, koma ililani.