TIENWOGIKAL 24:5 - BUKUIT NE TILIIL Sireet ne Dutero Kanon

⁵ Taachei ineendet kaberuret eng' Kamuktaindet ne Toroor, ak imanda eng' Kamuktaindetap yetunennyi.

Bukuit Ne Tilil

⁵ Taachei ineendet kaberuret eng' Kamuktaindet ne Toroor, ak imanda eng' Kamuktaindetap yetunennyi.

BUKUIT NE TILIL

⁵ Taachei inendet kaberuret eng’ Jehovah, Ak imanda eng’ Kamuktaindetab yetunennyi.

TIENWOGIKAL 24:5 ပူးပေါင်းရင်းမြစ်များ

TIENWOGIKAL 50:23

Age tugul ne igoitoi korosyotap kongoi ko nooto ne iloswa; ak ineendet ne chobei atebeennyi komyee aboorchini yetunetap Kamuktaindet.”

TIENWOGIKAL 68:19

Iberuurot Kiptaiyat, ne ibei peetuut age tugul milennyo, Kamuktaindet ineendet ko yetunennyo.

TIENWOGIKAL 72:17

Tebyei kainennyi koigeny; Tebyei kainennyi kota komi asiista: Ak kiberuuri piik eng' ineendet; Ak kuure pororyosyek tugul ne paibai.

TIENWOGIKAL 88:1

Ee Kamuktaindet ne Toroor, Kamuktaindetap yetunennyu, Kaariir eng' taing'ung' peet ak kemoi:

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 45:17

Ago saru Kamuktaindet ne Toroor Israel eng' yetunet ne po koigeny: molilandosi anan otoptobense koigeny ak koigeny.

ISAIAH 46:13

Aibu imandanyu koriik, malooitu, ama igaegei yetunennyu: ak ande Zion yetunet agobo Israel ne toroornatennyu.

ISAIAH 51:8

Amu amei icheek kiptorotyot ko uu ngoryeet, ak koamei icheek kutyet ko uu koroorik: ago punjin koigeny imandanyu, ak kobunjiin ibinwek tugul yetunennyu.

ISAIAH 54:17

Ma kiberuuri karnet age tugul ne kiyaei si kogirinden; ak igikyini ng'elyepta age tugul ne kirindoin eng' kirwooget. Niito poroteetap otwogigap Kamuktaindet ne Toroor, ak imandanywa ne punwa, mwaei Kamuktaindet ne Toroor.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

JOHANA 7:17

Ngo machei chii age tugul koyai mageennyi, konai kaneetisyoni, ngo po Kamuktaindet, anan ngamwae aneege.

ROMANIK 3:22

agot imandap Kamuktaindet ne mi eng' kayaneet eng' Jeso Kristo eng' icheeget tugul che iyani; amu ma mi kabesyet;

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

GALATYEK 3:14

si kobiit konyonji Pororyosyek kaberuretap Abraham eng' Kristo Jeso; si kobiit ketaach arorutyetap Kabuuset ne Tiliil eng' kayaneet.

GALATYEK 3:9

Nooto anyun, kiberuuri icheeget che po kayaneet kobooto Abraham ne iyanaat.

GALATYEK 5:5

Amu kigeni kamang'unet ne po imanda eng' Kabuuset ne Tiliil eng' kayaneet.

EPESOEK 1:3

Iberuurot Kamuktaindet Kwandap Kiptaiyandennyo Jeso Kristo, ineendet ne ki koberuurech eng' konunotyot age tugul ne po Kabuuset eng' kipsengwet eng' Kristo:

PILIPIK 3:9

ak kenyoorwo eng' ineendet, koma tinye imandanyu, nooto ne po Ng'atuutyet, ago nooto ne punu kayaneet eng' Kristo, imanda ne po Kamuktaindet eng' kayaneet:

1 PETERO 3:9

che mayaaktoi yaityo eng' yaityo, anan ko ng'emetap kuut eng' ng'emetap kuut; ago oegu che iberuurisyei; amu ki kiguurchok niito, si onam kaberuret.