TIENWOGIKAL 19:9 - BUKUIT NE TILIIL Sireet ne Dutero Kanon

⁹ Tiliil kaiyweisyet ne kiywei Kamuktaindet ne Toroor, ak kotebyei koigeny. Po iman kirwoogutigap Kamuktaindet ne Toroor, ak tinyei imanda tugul.

Bukuit Ne Tilil

⁹ Tiliil kaiyweisyet ne kiywei Kamuktaindet ne Toroor, ak kotebyei koigeny. Po iman kirwoogutigap Kamuktaindet ne Toroor, ak tinyei imanda tugul.

BUKUIT NE TILIL

⁹ Tilil kaiyweisiet ne kiywei Jehovah, ak kotebyei koigeny: Bo iman kiruogutikab Jehovah, ak tinyei imanda tugul.

TIENWOGIKAL 19:9 ပူးပေါင်းရင်းမြစ်များ

TAUNET 22:12

Koleenji, “Ametwaa lakweet, ameyachi kiy tugul, amu kaanai nguno ale igonyiti Kamuktaindet, amu ma ieteno weeriing'ung', ne weeriing'ung' ne ineegei.”

TAUNET 42:18

Eng' peetuutap somok koleenji `Joseph icheek, “Oyai ko uu ni si osapche, amu aiywei Kamuktaindet:

1 LAITORINIK 18:12

Ye awe eng' yu imi, komutin Kabuusetap Kamuktaindet ne Toroor ole mangen. Ye awe amwachi Ahab, amanyo konyoorun, kobara. Ago anee otwogindeng'ung', aiywei Kamuktaindet ne Toroor kobooch ko aa ming'in.

NEEMIA 5:15

Ago ki igoochi mileet piik pounik che po tai che ki indounena, ak ki ibe icheek magatiinik ak divaik, koma pooto shekelisyek artam che po fedha; ee, kiboi agot otwogikwak piik: ago ki ma ayai anyun ko uu nooto, amu kaiyweisyet ne aiywei Kamuktaindet.

TIENWOGIKAL 10:5

Ortinwekyik ko poorei kotugul; mi parak kirwoogutiguk, ma ityin kogeer; ak sasei `ineendet puunikyik tugul.

TIENWOGIKAL 111:10

Kaiyweisyet ne kiywei Kamuktaindet ne Toroor ko taunetap utaatyet; tinyei kaguiyet ne myee icheek tugul che yaei chooto. Tebyei koigeny kalasunennyi.

TIENWOGIKAL 115:13

Iberuuri icheek che iywei Kamuktaindet ne Toroor, che mengech ak che eech.

TIENWOGIKAL 119:1

Poiboen che ititaatiin eng' ooreet, che pendote ng'atuutyetap Kamuktaindet ne Toroor.

TIENWOGIKAL 119:106

Ki ayosye ak ki agimiit nooto, ale asup kirwoogutiguk che po iman.

TIENWOGIKAL 119:111

Koanam paornatosyeguk koek poroteet ne po koigeny; amu chooto poiboiyetap muguleldanyu.

TIENWOGIKAL 119:142

Imandang'ung' ko imanda ne wendi agoi koigeny; ak imanda ng'atuutyeng'ung'.

TIENWOGIKAL 119:39

Istoena rosyinet ne aiywei; amu myachen kirwoogutiguk.

TIENWOGIKAL 119:62

Ang'eete kemoi kween amwaun kongoi amu kirwoogutiguk che po iman.

TIENWOGIKAL 119:7

Amwaun kongoi eng' lititindap muguleldo, ye aneetigei kirogutiguk che po iman.

TIENWOGIKAL 119:75

Angen, ee Kamuktaindet ne Toroor, ale po iman kirwoogutiguk, ak ki ibira eng' imandang'ung'.

TIENWOGIKAL 12:7

Riibech, ee Kamuktaindet ne Toroor, riibech acheek eng' ibini agoi koigeny.

TIENWOGIKAL 147:19

Iboorchin Jakobo ng'olyoondennyi, iboorchin Israel ng'atuutikyik ak kirwoogutikyik.

TIENWOGIKAL 36:1

Ng'alaaljin `yaityet pistoindet eng' muguleldanyi, kole ma mi kaiyweisyetap Kamuktaindet eng' konyekyik.

TIENWOGIKAL 36:6

Kergei imandang'ung' ak tuloonoogap Kamuktaindet; kergei kirwoogutiguk ak rireet ne oo; ee Kamuktaindet ne Toroor, inyee ne iriibe chii ak tyony.

KOMONG'U 21:1

Chu anyun ng'atuutik che indechini tainnywa:

KALEWANAIK 8:13

Kaiyweisyet ne kiywei Kamuktaindet ne Toroor ko kewech yaityo. Aweche menoteet, kaeetetapkei ak ooreet ne ya, ak kutit ne imaasat.

ISAIAH 26:8

Eng' ooreetap kirwoogutiguk; Ee, Kamuktaindet ne Toroor, ki kigenin, makyingei saboonwekyok kaineng'ung' ak kabwaateng'ung'.

ISAIAH 45:19

Tom ang'alaal eng' ung'oot, eng' komostap emet ne po mesundeito; ma aleenji iyoteetap Jakobo, Ocheeng'a puch; amwae anee Kamuktaindet ne Toroor imanda, amwae tuguuk che litit.

POISYONIGAP CHE KIYOKTOI 10:22

Ak ki le, “Ki iboorchi komyee Kamuktaindet Korneli, eng' malaikaiyat ne tiliil, koyook piik kobwa koguurin iwe koonnyi ne ineendet ko kiptaiyatap pogol, chiito ne po imanda ak koywei Kamuktaindet, ak paoryanjin pororyet tugul ne po Yahudik kole myee ineendet, kole si kogasenen ng'aleek.”

ROMANIK 11:22

Keer anyuno myeeindo ak koroomnatetap Kamuktaindet: eng' icheek che kibutyo, ko koroomnateet; ago eng' inyee, ko myeeindap Kamuktaindet, ngitebi eng' myeeindonyi: ngo ma uu nooto ketilin aginye.

ROMANIK 2:2

Ak kingen keele namegei kirwoogetap Kamuktaindet ak imanit agobo icheek che yaei tuguuk che uu chooto.

NG'ATUTIK 4:8

Ak tos ngoro pororyet ne oo ne tinyei etanutik ak kirwoogutik che po imanda ko uu ng'atuutichu tugul che kande taing'wong' peetuuni?

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.

NG'ANG'UTYET 16:7

Ak ki agas kaptisisyet komwa kole, “Uu nooto, ee, Kiptaiyat Kamuktaindet, Ne po Kamuktaet, po iman ak ko po imanda kirwoogutiguk.”

NG'ANG'UTYET 19:2

amu po iman ak ko po imanda kirwoogutikyik; amu kagorwookyi chepkugoniot ne oo, ne ki imurwon ng'wony eng' soksennyi, ak kagoyaakta mugetuut ne po korotiigap otwogikyik eng' eutap kwonyooto.”

1 SAMUEL 12:24

Ne siirei tugul, ko oiywei Kamuktaindet ne Toroor kityo ak oot ineendet eng' imanit, eng' mugulelwekwok tugul, ak obwaat olete tuguuk che eecheen che ki koyaiywok.