TIENWOGIKAL 19:8 - BUKUIT NE TILIIL Sireet ne Dutero Kanon

⁸ Lititen kaneetisyosyegap Kamuktaindet ne Toroor, iboiboi muguleldo. Tiliil ng'atuutyetap Kamuktaindet ne Toroor, indoi lapkeiyet koonyek.

Bukuit Ne Tilil

⁸ Lititen kaneetisyosyegap Kamuktaindet ne Toroor, iboiboi muguleldo. Tiliil ng'atuutyetap Kamuktaindet ne Toroor, indoi lapkeiyet koonyek.

BUKUIT NE TILIL

⁸ Lititen konetisiosiekab Jehovah, iboiboi muguleldo: Tilil ng’atutietab Jehovah, indoi lapkeiyet konyek.

TIENWOGIKAL 19:8 ပူးပေါင်းရင်းမြစ်များ

TAUNET 26:5

amu ki kas iit kutinnyu Abraham, ak ki nam katigonutikyuk ak koriip karureiywekyuk, etanutikyuk ak ng'atuutikyuk.”

2 LAITORINIK 17:37

Oriip oyai eng' peetuusyek tugul agoi, kaneetisyosyek ak katigonutik, ng'atuutyet ak kayomiset, che kisirwak. Amat oiywei kanamonik.

NEEMIA 8:12

Ki pa piik tugul koamis, koeiso ak koyookto kebeberwek ak koboiboitu miising' amu kiga koguiyo ng'aleek che kiga kimwachi icheek.

NEEMIA 9:13

Ki ichoorchigei kogeny tulweetap Sinai, ak ing'alaalji icheek imi kipsengwet, ak igoochi icheek kirwoogutik che lititen, ng'atuutik che po iman, katigonutik che myach ak kayomisutik.

TIENWOGIKAL 105:45

si kobiit koriip kaneetisyosyekyik, ak koosup ng'atuutikyik. Olasu Kamuktaindet ne Toroor.

TIENWOGIKAL 111:7

Poisyonigap eunekyik ko imanda ak kirwooget; isuldootiin kaneetisyosyekyik tugul.

TIENWOGIKAL 119:105

Taitap keelyekyuk ng'olyoondeng'ung', ak lapkeiyetap ooreennyu.

TIENWOGIKAL 119:12

Iberuurot inyee, ee Kamuktaindet ne Toroor; ineeta ng'atuutiguk.

TIENWOGIKAL 119:121

Ki ayai kirwooget ak imanda; amebagaakyo usiikyuk.

TIENWOGIKAL 119:128

Eng' nooto anyun aiiti ale lititen kaneetisyosyeguk tugul agobo tuguuk tugul; ak aweche ooreet age tugul ne po lembech.

TIENWOGIKAL 119:130

Igoitoi lapkeiyet ng'ang'utyetap ng'aleeguk; igoochi kaguiyet che matinyei kiy.

TIENWOGIKAL 119:14

Ki abaibaitune ooreetap paornatosyeguk, ko uu ye abaibai eng' mogornatosyek tugul.

TIENWOGIKAL 119:143

Kanama nyalilda ak pichiindo, ago poiboindanyu ng'atuutiguk.

TIENWOGIKAL 119:16

Abaibaitu eng' ng'atuutiguk; ma utye ng'olyoondeng'ung'.

TIENWOGIKAL 119:171

Ingotwek kutinnyu komwa kalasunet; amu ineeta ng'atuutiguk.

TIENWOGIKAL 119:24

Poiboiyennyu paornatosyeguk ak che ing'omita.

TIENWOGIKAL 119:40

Keero, kigoama emo agobo kaneetisyosyeguk; isooba eng' imandang'ung'.

TIENWOGIKAL 119:54

Ki koek ng'atuutiguk tyenwogikyuk eng' kootap rutoitanyu.

TIENWOGIKAL 119:80

Ingoek ne ititaat muguleldanyu eng' ng'atuutiguk; si ma lilan.

TIENWOGIKAL 119:92

Nda ki ma ek poiboiyennyu ng'atuutyeng'ung', ta ki abet eng' nyalildanyu.

TIENWOGIKAL 12:6

Tiliileen ng'aleegap Kamuktaindet ne Toroor; ko uu fedha ne kityemei eng' maat ne oo, ne kitiliili konyil tisap.

TIENWOGIKAL 13:3

Ee Kamuktaindet ne Toroor, Kamuktaindennyu, keer si iwolwoo. Ikweny konyekyuk, si ma ru rwondap meet;

TIENWOGIKAL 40:8

Abaibai ayai mageng'ung', ee Kamuktaindennyu, miitei ng'atuutyeng'ung' muguleldanyu.”

TIENWOGIKAL 93:5

Lumdootin paornatosyeguk: Nyoljin koong'ung' tiliilindo, Ee Kamuktaindet ne Toroor, agoi koigeny.

KOMONG'U 18:16

Ye tinyei ng'olyoo kobwonjino, ak abesyechini chii tugul ak chiitap kokwennyi. Aneeti icheek konai kaneetisyosyegap Kamuktaindet ne Toroor ak ng'atuutikyik.”

KALEWANAIK 2:6

Amu igoitoi `Kamuktaindet ne Toroor utaatyet, mang'une kutinnyi naet ak kaguiyet.

KALEWANAIK 30:5

Tiliil ng'olyootap age tugul ne po Kamuktaindet; inee ko long'eetap icheek che imang'u ineendet.

KALEWANAIK 6:23

Amu kayomisutyet ko tait, ak ng'atuutyet ko lapkeiyet, ak kereetap kong' ne po katigonet ko ooreetap saboondo.

ISAIAH 64:5

Otuitosi ak ineendet ne paibai ak koyaei imanda, icheeget che ibwaatin eng' ortinweguk: keero, ki inereech, ak ki kiyai tengekto: ki keyai chooto peetuusyek che chaang', ak tos kisarwech?

JEREMIA 15:16

Kingo piit ng'aleeguk, aam, ak ki ek ng'aleeguk eng' anee poiboiyet ak kagasetapkei ne po muguleldanyu. Amu kimwaitoena kaineng'ung', ee Kamuktaindet ne po Toroornatet ne po lugoosyek.

EZEKIEL 36:27

Ak andeok Kabuusennyu, ak agoonok obendate ng'atuutikyuk, ak oriip kirwoogutikyuk ak oyai.

ROMANIK 3:20

amu ma mi chii ne kiityin imanda eng' tainnyi eng' poisyonigap Ng'atuutyet: amu punu naetap tengekto Ng'atuutyet.

ROMANIK 7:22

Amu abaibai eng' Ng'atuutyetap Kamuktaindet eng' chiito ne po oriit:

ROMANIK 7:7

Kimwae nee anyun? Tos tengek Ng'atuutyet? Achicha, ma uu nooto. Ago ki ma kota anae tengek nda ki ma ko eng' Ng'atuutyet: amu ki ma kota anai kasetap myat nda ki ma mwa Ng'atuutyet kole, “Amegase myat.”

GALATYEK 2:19

Amu anee, ko ki amechi Ng'atuutyet eng' Ng'atuutyet, si kobiit asap eng' Kamuktaindet.

GALATYEK 3:21

Tos kirindoi Ng'atuutyet arorutigap Kamuktaindet? Achicha, ma uu nooto: amu nda kiga kigon Ng'atuutyet ne imuuchi kosoop, ta kibunjin imanda Ng'atuutyet.

NG'ATUTIK 16:11

Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

NG'ATUTIK 16:14

Paibaitu eng' igoortang'ung', inyee ak weeriing'ung' ak cheptong'ung', otwogeng'ung' ne muren ak ne tye, Lawindet, toondet, ne ma tinyei sigiik ak mosoget che mi nganasooguk.