TIENWOGIKAL 18:14 - BUKUIT NE TILIIL Sireet ne Dutero Kanon

¹⁴ Ki iyookto kipchabonikyik, ak koiyesta; ki ilyelyo kalyelosyek ng'iisyat, ak konyaliil icheek.

Bukuit Ne Tilil

¹⁴ Ki iyookto kipchabonikyik, ak koiyesta; ki ilyelyo kalyelosyek ng'iisyat, ak konyaliil icheek.

BUKUIT NE TILIL

¹⁴ Ak kiiyokto kipchabonikyik, ak koiyesta; Ee, kalyelosiek ng’isiat, ak konyalil.

TIENWOGIKAL 18:14 ပူးပေါင်းရင်းမြစ်များ

Kitabuutap JOB 37:4

Ye ibata kotugul; kotul eng' tuugeetap etunatennyi, ak magerei `ineendet icheek ye kagigas tuugeennyi.

Kitabuutap JOB 37:5

Tulei Kamuktaindet eng' tuugeennyi eng' kwong'eet; Yaei tuguuk che eecheen, che ma kimuuchi kiguiye.

Kitabuutap JOB 38:35

Tos imuuchi iyookte kalyelosyek si koba, Ak koleenjin, ‘Ki mi yu?’

Kitabuutap JOB 6:4

Mi oriitinnyu kipchabonigap ineendet Ne po Kamuktaet, kae saboondanyu ng'wanindanywa; katetkei kamuisosyegap Kamuktaindet agobo anee.

TIENWOGIKAL 144:6

Iyookte kalyeleet, ak iyeste icheek; mwokte kipchaboniguk, ak inyaliil icheek.

TIENWOGIKAL 21:12

Amu iweechi icheek kotuktochin patai, igeresach kipchaboniguk si itokyi icheek.

TIENWOGIKAL 29:3

Miitei tweguunetap Kamuktaindet ne Toroor nyanjosyek; tulei Kamuktaindetap teegisto, nooto Kamuktaindet ne Toroor, ne mi paragutap peek che chaang'.

TIENWOGIKAL 29:7

Petei tweguunetap Kamuktaindet ne Toroor laletap maat.

TIENWOGIKAL 77:17

Kirong' poolik peek; Kibiitune cheet parak: Ak ki iyeesta kipchaboniguk.

TIENWOGIKAL 77:18

Ki mi tuugeetap tuleeng'ung' kipchurchuryet; ki ikweny ng'wony `kalyelosyek: ki potan ng'wony ak kotumdumgei.

ISAIAH 30:30

Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta.

JOEL 2:11

Ak kotwek Kamuktaindet ne Toroor eng' taitap lugeennyi; amu oo kabuureitanyi; amu kiim ineendet ne yaei ng'olyoondennyi kosulda; amu oo peetuutap Kamuktaindet ne Toroor ak komuisei miising'; ng'oo ne imuuchi komuita?

HABAKUK 3:11

Kitononso asiista ak arawet eng' meng'ootennywa, eng' lapkeiyetap kipchaboniguk kobendi, eng' kaluunetap ng'oting'ung' ne ilyeli.

KAITOSYEK 24:8

Ki imutu Kamuktaindet komong' eng' Misiri, tinyei kimnateet ne uu ne po soet. Lugui pororyosyek che puunikyik, tonatoni kawekwak komengegitu, ak mwogei icheek kosore eng' kipchabonikyik.

NG'ATUTIK 32:23

Atesyini yaitwogik; Ak amwoge icheek kipchabonikyuk:

NG'ATUTIK 32:42

Agoochini kipchabonikyuk kobogite korotiik, ak koam panyeek rotwennyu ne po chok; kobooto korotiigap che ki kibar ak che ki kiluul, eng' metowegap kandoigap puunik.’ ”

JOSHUA 10:10

Ki iyeesta `Kamuktaindet ne Toroor icheek eng' taitap Israel ak kobar icheek eng' pareet ne oo eng' Gibeon. Ak koon icheek kobun ooreet ne togostoi Beth-horon ak kobarat kot koit Aseka ak Makeda.

1 SAMUEL 2:10

Ki ng'emei che ibeligei ak Kamuktaindet ne Toroor; tuljin icheek ko uu ilat ne ng'eete kipsengwet. Irwookyin Kamuktaindet ne Toroor ng'wony komugul; igoochin kimnateet laitoryandennyi, ak kogoochi kabelisyet nenyi ne iilaat.”