TIENWOGIKAL 18:13 - BUKUIT NE TILIIL Sireet ne Dutero Kanon

¹³ Kitul Kamuktaindet ne Toroor eng' kipsengwet, ak kitwek Ineendet Ne Toroor Miising', kobiit koigap ropta ak ng'etetyot.

Bukuit Ne Tilil

¹³ Kitul Kamuktaindet ne Toroor eng' kipsengwet, ak kitwek Ineendet Ne Toroor Miising', kobiit koigap ropta ak ng'etetyot.

BUKUIT NE TILIL

¹³ Kitul Jehovah eng’ kipsengwetisiek, Ak kitwek Inendet ne Toror Mising’; Koikab ropta ak ng’etetiot.

TIENWOGIKAL 18:13 ပူးပေါင်းရင်းမြစ်များ

Kitabuutap JOB 40:9

Anan itinye euut ne uu ne po Kamuktaindet? Ak imuuchi itul eng' tuugeet ko uu ineendet?

TIENWOGIKAL 104:7

Ki mweiso icheek eng' kereng'ung' po kong', ki chaakta eng' cheetap tuleeng'ung'.

TIENWOGIKAL 11:6

Robonjin `inee kiptengeginik ng'etetyotap maat ak tuguuk che laldos; egu `usoonet ne peelsei kebebertap kigombennywa.

TIENWOGIKAL 140:10

Ingobutyi icheek ng'etetyot! ingewiirchi icheek rirosyek, si mata kong'eetyo kogeny.

TIENWOGIKAL 78:48

Ak kibiree koiyat tuukwak, Ak ki am ilet akweennywa po keechiir.

KOMONG'U 20:18

Ye kingo keer piik tugul kalyelosyek ak tulweet ne ki iyeni, ak kogas tuleetap ilotik ak cheetap iryageet, kobotanso eng' arageneet ak kotononso eng' ole loo.

KOMONG'U 9:24

Ki piit anyun koigap ropta kobooto maat ne ki ilyeli eng' kimnateet ne oo kot, ne ki tomo kobiitu eng' emetap Misiri komugul kong'etee ngo ek poror.

EZEKIEL 10:5

Ak ki kigasei kirgirenetap kebebaigap kerubik agoi seremut ne po saang', ko uu kutitap Kamuktaindet Ne po Kamuktaet ye ng'alaali.

HABAKUK 3:5

Ki indoe ineendet koroito, Ak ki mang'une keelyekyik kalyeleet ne uu maat.

JOHANA 12:29

Ki mwa anyun tuiyet ne kitononi eng' olooto kogasei, kole, katul. Kole alak, “Kang'alaalji malaikaiyat.”

NG'ATUTIK 32:24

Sagitos eng' rubeet, Kibeelei eng' maat ne koroom, ak ng'emisyet ne ng'waan. Ayookyini kelegap tyong'ik, kobooto ng'wonetap che ichuutegei ng'wony che po temburyek.

JOSHUA 10:11

Ye ki mwee eng' taitap Israel, ye kichoortaegei Beth-horon, kowiir `Kamuktaindet ne Toroor icheek eng' koik che eecheen che punu kipsengwet kot koit Aseka, ak ki pek icheek; ki chaang' che ki pek eng' koigap ropta kosiir che ki par piigap Israel eng' rotwetap chok.

NG'ANG'UTYET 19:6

Ak ki agas kiit ne uu kutitap tuiyet ne oo, ak ko uu cheetap peek che chaang', ak ko uu cheetap tuloosyek che kiimeen, kole, “Haleluya! Amu laitorani Kiptaiyat Kamuktaindennyo Ne po Kamuktaet.

NG'ANG'UTYET 4:5

Ak mang'une ng'echeranooto kalyeleet ak kutusweek ak tuloosyek. Ak kilaldos taisyek tisabu che po mastinwek eng' taitap ng'echeranooto po laitornatet, chooto ko saboonwek tisap che po Kamuktaindet.

NG'ANG'UTYET 8:5

Ak ki ip malaikaiyat teronooto ak konde maatap kapkoros konyi, ak kowiirchi ng'wony; ak ki piit tuloosyek, ak kutusweek ak kalyelosyek, ak potaneetap ng'wony.

1 SAMUEL 7:10

Ye kingo ta kogoitoi Samuel kagoochinet ne kibeelei, koriik Philistiik kobwa kobargei ak Israel. Ago kitulji `Kamuktaindet ne Toroor Philistiik eng' tuleet ne oo peetuunooto ak konyaliil icheek ak ki kibar eng' taitap Israel.