TIENWOGIKAL 17:3 - BUKUIT NE TILIIL Sireet ne Dutero Kanon

³ Ki ityem muguleldanyu; ki inyoonjo kemoi, ki isyacha, ama inyoorcha kiy; ki abekyi ale ma mwaei kutinnyu pistoet.

Bukuit Ne Tilil

³ Ki ityem muguleldanyu; ki inyoonjo kemoi, ki isyacha, ama inyoorcha kiy; ki abekyi ale ma mwaei kutinnyu pistoet.

BUKUIT NE TILIL

³ Kiitiem muguleldanyu; kiinyonja kemoi; Kiisiacha, ama inyorja kiy; Kiabekyi ale mamwaei kutinnyu bistoet.

TIENWOGIKAL 17:3 ပူးပေါင်းရင်းမြစ်များ

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

1 ATEPTAP PEETUUSYEK 29:17

Angen, ee Kamuktaindennyu ale, ityeme muguleldo, ak ibaibai eng' ne po iman. Ki agoonin tuguuchuuto tugul eng' chamyet ak lititindap muguleldanyu. Ak kaageer nguno eng' poiboiyet piiguk che mi yu kogoonin eng' chamyet.

Kitabuutap JOB 23:10

Ago ingen ineendet ooreet ne abune, ye kagotyema, among'u aige thahabu.

Kitabuutap JOB 24:14

Ng'eetei rumiindet ko kaeech kobar kibananook ak che ma tinyei kiy, ak uu ineendet choorindet kemoi.

TIENWOGIKAL 11:5

Tyemei Kamuktaindet ne Toroor chiitap imanda; ak wechei saboondanyi kiptengekyot ak ineendet ne chamei koroomnateet.

TIENWOGIKAL 119:106

Ki ayosye ak ki agimiit nooto, ale asup kirwoogutiguk che po iman.

TIENWOGIKAL 139:1

Ee Kamuktaindet ne Toroor, ki isyacha ak ki inaa.

TIENWOGIKAL 139:23

Isyacha, ee Kamuktaindet, ak inai muguleldanyu; tyema, ak inai kabwaatutikyuk.

TIENWOGIKAL 16:7

Alasu Kamuktaindet ne Toroor ne ki ing'omita; ee, ineeta muguleldanyu agot kemoi.

TIENWOGIKAL 26:2

Isyacha, ee Kamuktaindet ne Toroor, ak ityema; tyem kabwaatutikyuk ak muguleldanyu.

TIENWOGIKAL 39:1

Ki amwa ale, ariibe ortinwekyuk, si ma mwa `ng'elyeptanyu tengek. Ageree kutinnyu `karnet, ye ta komi tainnyu kiptengeginik.

TIENWOGIKAL 66:10

Ee Kamuktaindet, kiityemech inyee: Ki ityemech, ko uu ye kityeme maat fedha.

TIENWOGIKAL 7:4

ngo ki ayaakyi yaityo ne ki kimi tuwai eng' kaalyeet, anan ki arebee kiy punyondennyu ko mangen,

KALEWANAIK 13:3

Riibei saboondanyi ne riibei kutinnyi, ago nyooru ng'emisyet ne yaatei kutinnyi miising'.

JEREMIA 12:3

Ago ingeno, ee Kamuktaindet ne Toroor, Igeera ak ityeme muguleldanyu kotokyingei. Ichuutu kobwa ko uu keechiirek che kienyei, ye ibata itabaanji icheek peetuutap eng'seet.

JEREMIA 50:20

Ki cheeng'ei tengektap Israel eng' peetuusyechooto ak eng' kenyisyechooto, mwaei Kamuktaindet ne Toroor, ama kinyooru; ak ki cheeng'ei tengekwogigap Judah, ama kinyooru: amu anyochini kaat icheek che abagaaktoi kong'et.

HOSEA 7:6

Amu Ki kochop mugulelwekwak koigei kapkoima, kota kosaptoi icheek: ruei peelindetap magatiinik kemout komugul; lalei karon ko uu maat ne liplibeni.

MIKAH 2:1

Pwo eng' icheek che chobei tengekto ak kotilei eng' itogusyekwak ole yaitoi yaityet! Ye kagoeech koyaei, amu tinyei kimnateet koyai.

SEKARIA 13:9

Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.

MALAKI 3:2

Ago ng'oo ne imuuchi komuita eng' peetuutap nyonunennyi? Ak ng'oo ne tononi ye katook? Uu ineendet maat ne ki tiliilisye, ak ko uu sabunitap mwetiik;

POISYONIGAP CHE KIYOKTOI 11:23

Kingo it ineendet ak kogeer myeeindap Kamuktaindet, kobaibait, ak kogiil icheek tugul konamgei ak Kiptaiyat eng' mugulelwek che pekyinotin.

POISYONIGAP CHE KIYOKTOI 16:9

Ki nyoonji anyun ng'ang'utyet Paulo kemoi; ki mi chiitap Makedonia ne kitononi, kogoigoi ineendet koleen, “Long'u Makedonia, nyoo toretech.”

1 KORINTOEK 4:4

Amu mangenjigei kiy: ago ma kiityina imanda eng' nooto: ago ineendet ne kina ko Kiptaiyat.

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

JAKOBO 3:2

Amu kibutosi acheek tugul eng' tuguuk che chaang'. Ngot koma ibut chii age tugul eng' ng'olyoo, kogesunotkei chiichooto, ak komuuchi koriip poorto komugul agine.

1 PETERO 1:7

si kenyoor eng' kalasunet ak toroornatet ak teegisto, tyemet ne chamaksei ne po kayaneng'wong', ne tinyei kamanuutyet ne oo kosiir ne po thahabu che petos nganda kityemei eng' maat, eng' ng'ang'et ne po Jeso Kristo:

1 SAMUEL 24:10

Kaigeer eng' konyeguk rani ile kaindein Kamuktaindet ne Toroor eunnyu eng' kebeneet. Kamwaiwo piik alage kole abariin, ago karirenen, ak kamwa ale, machuule eunnyu abare kiptaiyandennyu, amu ineendet ko ne iilaat ne po Kamuktaindet ne Toroor.

1 SAMUEL 24:12

Ingooiyech Kamuktaindet ne Toroor, ak ingoyooktoiwo Kamuktaindet ne Toroor mugetuut eng' inyee, ago ma parin eunnyu.

1 SAMUEL 26:11

Ingolooit eng' anee eng' Kamuktaindet ne Toroor si ma chuul eunnyu abar ne iilaat ne po Kamuktaindet ne Toroor. Ago asoomin ale ip ng'otit ne mi ye neegitee metinnyi kobooto soteetap peek yeityo keebe.”

1 SAMUEL 26:23

Yaakyin `Kamuktaindet ne Toroor chii age tugul imandanyi ak myeeindonyi; amu kagondein `ineendet eunnyu rani ago ma acham achuul eunnyu abar ne iilaat ne po Kamuktaindet ne Toroor.