TIENWOGIKAL 17:15 - BUKUIT NE TILIIL Sireet ne Dutero Kanon

¹⁵ Ago ageere anee togeng'ung' eng' imanda; abiyonyi itoondong'ung' ye ang'eete.

Bukuit Ne Tilil

¹⁵ Ago ageere anee togeng'ung' eng' imanda; abiyonyi itoondong'ung' ye ang'eete.

BUKUIT NE TILIL

¹⁵ Ago ageere ane togeng’ung’ eng’ imanda: Abiyonyi itondang’ung’ ye ang’eete.

TIENWOGIKAL 17:15 ပူးပေါင်းရင်းမြစ်များ

Kitabuutap JOB 14:12

ko uu nooto anyun, ruei chii, ama kong'eetei; agoi koma komi kipsengwet, koma ng'etos, ama king'eeti kong'eetyo eng' rwondanywa.

TIENWOGIKAL 11:7

Po imanda Kamuktaindet ne Toroor ak chamei imanda; keerei `che po iman togeennyi.

TIENWOGIKAL 119:111

Koanam paornatosyeguk koek poroteet ne po koigeny; amu chooto poiboiyetap muguleldanyu.

TIENWOGIKAL 16:11

Iboorwo ooreetap saboondo; mi kagasetapkei taing'ung' ne nyiitaat, mi eung'ung' ne po tai che kechamei agoi koigeny.

TIENWOGIKAL 49:14

Ki kichopchi icheek ye mi meet ko uu keechiirek; egu `meet mestowonnywa. Tetoi icheek kochute kererit; nunei itoondanywa eng' olooto, ak punjin icheeget ye mi meet.

TIENWOGIKAL 5:7

Ago anee, eng' chaang'indap rireeng'ung' pogei, anyoone koong'ung'; eng' kaiyweisyeng'ung' agutunyi atokyinige hekalung'ung' ne tiliil.

TIENWOGIKAL 65:4

Paibai miising' chiito ne ileweni, ak imuti koriikyin, Si kobiit komeny seremusyeguk: Ak kebiye myeeindap koong'ung', Ole tiliil eng' hekalung'ung'.

ISAIAH 26:19

Tuun saptos cheguuk che ki kobek; ng'eetos muuswekyuk. Ong'eetyee ak otyen, okweek che omenye ng'ung'unyek! Amu uu rewondeng'ung' rewootap ingweek, ak koonu ng'wony che ki kobek.

JEREMIA 31:26

Ki agosu anyun, ak ageer; ak ki anyiny rwondanyu.

KAITOSYEK 12:8

Ki ng'alaaljindos ak ineendet kimni, ma eng' kalewenaik; ak kogeerei ineendet itoondap Kamuktaindet ne Toroor. Kilya anyun si moiywei ochaam kiboityondennyu Musa?”

MATAYO 5:6

Poiboen che amei rubo ak melelda agobo imanda, amu tuun piyang'dos.

2 KORINTOEK 3:18

Ago acheek tugul koboortoi toroornatetap Kiptaiyat ko uu ki oit eng' togoochikyok che ma tugootiin, kewalech eng' itoonooto kobunu toroornatet agoi toroornatet, ko uu ye punu Kiptaiyat ne Kabuuset ne Tiliil.

PILIPIK 3:21

ne tuun walei kileelit poortanyo ne po nyeraatyet, si kobiit kogergeit ak poortanyi ne po liilindo, eng' kamugonooto imuuchi koyai tuguuk tugul kogas iit ineendet.

JOSHUA 24:15

Ago ngot ogeere ko ya oboisyechini Kamuktaindet ne Toroor, olewen rani ne oboisyechini; ngo kanamonik che kiotei kwanisyekwok eng' aineet pitoniin anan kanamonigap Amorik che omenye emennywa; ago aboisyechini anee ak koonnyu Kamuktaindet ne Toroor.”

NG'ANG'UTYET 21:23

Ak ma machei nganaseet asiista, anan arawet, koluuchi: amu iluuchin liilindap Kamuktaindet, ak tainnyi ko Aarwet.