TIENWOGIKAL 149:3 - BUKUIT NE TILIIL Sireet ne Dutero Kanon

³ Ingolas kainennyi ye urerendos, ingotyenji ineendet kalasunoik eng' sugutit ne ming'in ak ketubet.

Bukuit Ne Tilil

³ Ingolas kainennyi ye urerendos, ingotyenji ineendet kalasunoik eng' sugutit ne ming'in ak ketubet.

BUKUIT NE TILIL

³ Ingolos kainennyi ye urerendos: Ingotienji inendet kalosunoik eng’ sugutit ne ming’in ak ketubet.

TIENWOGIKAL 149:3 ပူးပေါင်းရင်းမြစ်များ

2 SAMUEL 6:14

Kogagermenegei `Daudi ephod ne po katanit, koureren eng' taitap Kamuktaindet ne Toroor eng' kimnateennyi tugul.

2 SAMUEL 6:16

Kingo it moingetap Kamuktaindet ne Toroor nganaseetap Daudi, koiit eng' tirisia Mikal cheptap Saulo. Kingo keer `ineendet Laitoryat Daudi kotwoltwoli ak kourereni eng' taitap Kamuktaindet ne Toroor, kosas ineendet eng' muguleldanyi.

1 ATEPTAP PEETUUSYEK 16:42

Ki mi kobooto icheek Herman ak Jeduthun che ki tinyei iryagook ak sanisyek che po sugunonik che kibirei, che po icheek che pirei kocheiyo miising', ak tuguuk che kibutei che po tyenwogigap Kamuktaindet. Ki tebee weeriigap Jeduthun ormariich.

1 ATEPTAP PEETUUSYEK 25:6

Ki pou chuuto tugul kwandanywa si kotyenso eng' kootap Kamuktaindet ne Toroor, kotinyei sanisyek che po sugunonik che kibirei, ak ketubosyek, agobo otisyetap kootap Kamuktaindet. King'atei laitoryat Asaph, Jeduthun ak Herman.

2 ATEPTAP PEETUUSYEK 20:28

Ki pwa Jerusalem kobutonu kibugandinik ak ketubosyek, ak koguutonu iryagook kot koit kootap Kamuktaindet ne Toroor.

2 ATEPTAP PEETUUSYEK 29:25

Ki inde Lawiik kootap Kamuktaindet ne Toroor, kotinyei sanisyegap sugunonik che kibirei, kibugandinik ak ketubosyek, ko uu ng'atuutyetap Daudi, ak ne po Gad keerindetap laitoryat, ak maotyot Nathan; amu ki punu ng'atuutyonooto Kamuktaindet ne Toroor eng' maotikyik.

EZRAH 3:10

Kingo lumda teegik lumeiywotap Hekaluutap Kamuktaindet ne Toroor, konam poisyennywa tisiik ak kolas Kamuktaindet ne Toroor kolaachi ngoroikwak che po tiseinateet ak kotinyei iryagook, kobooto Lawiik weeriigap Asaph che ki tinyei sanisyegap sugunonik che kibirei, ko uu ng'atuutyetap Daudi laitoryatap Israel.

TIENWOGIKAL 30:11

Ki iwal kateennyu koek ureryet; ki ireegunena kuniet, ak ilaakwa poiboiyet.

TIENWOGIKAL 33:2

Oweekyi Kamuktaindet ne Toroor kongoi eng' ketubet; otyenji kalasunoik eng' kibugandet ne tinyei inoik taman.

TIENWOGIKAL 81:2

Otyen tyendap kalasunet, ak obir sugutit ne ming'in, ketubet ne tinyei cheet ne rurei, ak kibugandet.

TIENWOGIKAL 81:3

Oguut iryageet ko kaleel arawet, ye kagoeet arawet, eng' peetuunnyo ne po igoorto ne oo.

TIENWOGIKAL 87:7

Mwaei icheek che tyeni ak icheeget che urerendos kole, Miitei oldang'ung' kong'iikyuk tugul che po peek.

KOMONG'U 15:20

Ki nam anyun Miriam kwondo ne maotyoo, chepkametap Aron, sugutit ne ming'in eng' eunnyi ak ki isup `ineendet kwonyiik tugul che ki ibei sugutisyek che mengeechen kotyenoti.

JEREMIA 31:13

Kobaibait anyun pergeiyat eng' ureryet, kobooto murenik ak poisyek ak icheek: amu awale riirekwak koek poiboiyet, ak agaigai icheek, ak agoochi koboiboitu kometo riirekwak.

JEREMIA 31:4

Ateechin kogeny ak iteegoksei, ee pergeiyatap Israel! Kilelesonin kogeny ak kobooto sugutisyeguk che mengeechen, ak iwe iurerenote kobooto icheek che igasegei.

KIRUOGIK 11:34

Ye ki nyo koweeksei Jephta koonnyi eng' Mispa, ogeero, ki mong' cheptonyi kotorook ineendet kotinyei sugutisyek che mengeechen kotyenonu. Ki lakweennyi nooto ne ineegei, amu ki ma kotinyei weeriit anan chepto age.