TIENWOGIKAL 147:2 - BUKUIT NE TILIIL Sireet ne Dutero Kanon

² Teechei `Kamuktaindet ne Toroor Jerusalem; iyumi ineendet che ki kioon che po Israel.

Bukuit Ne Tilil

² Teechei `Kamuktaindet ne Toroor Jerusalem; iyumi ineendet che ki kioon che po Israel.

BUKUIT NE TILIL

² Teechei Jehovah Jerusalem; Iyumi inendet che kigion che bo Israel.

TIENWOGIKAL 147:2 ပူးပေါင်းရင်းမြစ်များ

NEEMIA 6:15

Ki kigees anyun irimeet eng' peetuutap tiptem ak muut ne po arawetap Elul. Ki ek peetuusyek tugul konom ak aeng'.

NEEMIA 6:16

Kingo kas puunikyok tugul, koiyweis pororyosyek tugul che kigayiemech ak kosaskei amu ki nai kole poisyoni kogiyaei Kamuktaindennyo.

NEEMIA 7:4

Ki tebees anyun nganaseet ak ko paraa, ago king'ering' piik che ki mi oriit, ak ki tomo keteech kooriik.

TIENWOGIKAL 102:17

Kagogas saaetap kibananiat, ama sas saaennywa.

TIENWOGIKAL 51:18

Yachi ne myee Zion ko uu ye ichame; teech kogeny irimoigap Jerusalem.

ISAIAH 14:32

Kiwoljin nee anyun piik che kiyooktoi, che po pororyet? Kele, “Kagolumda Kamuktaindet ne Toroor Zion, ak komwechi olooto piikyik che ki kius.”

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

ISAIAH 56:8

Mwaei Kiptaiyat Kamuktaindet ne Toroor ne iyumi che kigetimda che po Israel, kole, ta ayumjini alak ineendet, che siirei chechiik che ki kiyum.

ISAIAH 62:7

amogoochini ineendet komuuny, agoi kogimit Jerusalem ak koyai koek kalasunet eng' ng'wony.

JEREMIA 31:10

Ogas ng'olyootap Kamuktaindet ne Toroor, ee okweek pororyosyek, ak omwaite niito eng' ngeguusyek che looen, ole, ineendet ne ki iyeesta Israel, koyumi ak koriip, ko uu ye riibei mestowot akweennyi.

JEREMIA 31:4

Ateechin kogeny ak iteegoksei, ee pergeiyatap Israel! Kilelesonin kogeny ak kobooto sugutisyeguk che mengeechen, ak iwe iurerenote kobooto icheek che igasegei.

JEREMIA 32:37

Ogeero, ayumi icheek komong' eng' emotinwek tugul che kigaonji icheek amu nereegekyuk, ak eng' nereegekyuk che ng'woneen, ak eng' nereegek che eecheen, ak amutu icheek kogeny kobwa olito, ak agoochi komeny eng' chametapkei.

EZEKIEL 38:8

Kibwonjinin ko kagosiirto peetuusyek che chaang': iite eng' kenyiisyek che po let emet ne ki kiweegune rotwetap chok, ne ki kiweech eng' pororyosyek che chaang', eng' tuloonoogap Israel, ne kiga koguber peetuusyek che chaang': ago ki kiweech komong' eng' pororyosyek ak komeng'iis tugul eng' chametapkei.

MIKAH 4:6

Mwaei Kamuktaindet ne Toroor kole, ayumunoti eng' peetuunooto ineendet ne ing'wali kobooto ineendet ne kigeon, ak ineendet ne ki anyaliil;

SEKARIA 8:7

Mwaei Kamuktaindet ne Toroor ne po lugoosyek kole: Ogeero, asaru piikyuk eng' emet ne po kong'asiis ak eng' emet ne po cherongo;

MATAYO 16:18

Amwaun anee ale ii Petero, ak eng' rwandani ateeche kanisennyu, ak ma neneti kimnatosyegap ye mi che ki kobek.

NG'ATUTIK 30:3

kowal anyun Kamuktaindet ne Toroor Kamuktaindeng'ung' luuleet ne ki kiluulin ak korirenen ak koweek koyumin eng' pororyosyek tugul ole ki iyestoochin Kamuktaindet ne Toroor Kamuktaindeng'ung'.