TIENWOGIKAL 147:10 - BUKUIT NE TILIIL Sireet ne Dutero Kanon

¹⁰ Ma paibai ineendet eng' kimnateetap paraisiit, ama paibai eng' labatindet;

Bukuit Ne Tilil

¹⁰ Ma paibai ineendet eng' kimnateetap paraisiit, ama paibai eng' labatindet;

BUKUIT NE TILIL

¹⁰ Mabaibai inendet eng’ kimnatetab mbartanyit: Ama baibai eng’ kelyekab chito.

TIENWOGIKAL 147:10 ပူးပေါင်းရင်းမြစ်များ

2 SAMUEL 1:23

Ki korooron Saulo ak Jonathan, ak ki chamaatiin eng' saboonwekwak, Ak ma pesyo eng' sabeennywa anan eng' meennywa; Ki chepcheben kosiir kipsichinik, Ki kiimeen kosiir ng'etuunyik.

Kitabuutap JOB 39:11

Tos imang'u ineendet, amu oo kimnateennyi? Anan tos ibagakyi poisyeng'ung'?

TIENWOGIKAL 20:7

Imang'u alak kariisyegap lugeet ak alak paraisisyek; ago kibwaati acheek kainetap Kamuktaindet ne Toroor, Kamuktaindennyo.

KALEWANAIK 21:31

Choboksei paraisiit agobo peetuutap lugeet, ago po katerteeret Kamuktaindet ne Toroor.

AMDOINDET 9:11

Ki aweege ak ageer eng' kurereetap asiista, ale, ma po kabeletapkei che chepchep, ama po lugeet che kiimeen, ama po amitwogik che utaatiin, ama po mogornatosyek piigap naet, ama chamaatiin piik che utaatiin; ago ityin icheek tugul sainnywa ak peetuunywa.

ISAIAH 31:1

Pwo eng' icheek che choorchingei Misiri kocheeng'ei toreteet, ak kotiegei paraisisyek; ak komang'u kariisyek, amu chaang', ak komang'u piik che ketei paraisisyek amu kiimeen kot; ago ma inyali Ineendet ne Tiliil ne po Israel, ama cheeng'ei Kamuktaindet ne Toroor!

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”