TIENWOGIKAL 146:9 - BUKUIT NE TILIIL Sireet ne Dutero Kanon

⁹ Riibei Kamuktaindet ne Toroor toek; tiiei ne ma tinyei sigiik ak mosoget; ago igabui `inee ooreetap kiptengekyot.

Bukuit Ne Tilil

⁹ Riibei Kamuktaindet ne Toroor toek; tiiei ne ma tinyei sigiik ak mosoget; ago igabui `inee ooreetap kiptengekyot.

BUKUIT NE TILIL

⁹ Ribei Jehovah toek; Tiiei ne matinyei kwanda ak mosoget; Ago igabui oretab kiptengekyot.

TIENWOGIKAL 146:9 ပူးပေါင်းရင်းမြစ်များ

2 SAMUEL 15:31

Ak ki kimwachi Daudi keleenji, “Mi Ahitopel kobooto njaamigap Absalom.” Ak ki sa Daudi kole, “Ee Kamuktaindet ne Toroor, asoomin ale, wal kirwoogetap Ahitopel koek perberyo.”

2 SAMUEL 17:23

Kingo keer Ahitopel kole mata koosup chii kirwoogennyi, koiito sigiryennyi ak kong'eet kwo kaa, kot koit nganasennyi. Kirarchi keet piigap koonnyi yeityo kwo kogeetkei, ak kime. Ara ki kitupchi poortanyi kereritap kwandanyi.

TIENWOGIKAL 10:14

Ago igeertoi inyee; igeere inyee mastaet ak tagisyet, si ibou eng' eung'ung'. Tienengei ne nyeraat; ki iegu toretindetap ne ma tinyei sigiik.

TIENWOGIKAL 145:20

Riibei Kamuktaindet ne Toroor tugul che chamei ineendet; a, o ng'emei kiptengeginik.

TIENWOGIKAL 147:6

Tiiei Kamuktaindet ne Toroor che iming'inegei; ago chooru kiptengeginik kobwa ng'wony.

TIENWOGIKAL 18:26

Eng' che tiliileen ibartoige ile ii tiliil, ak eng' che mastoi, obortosi.

TIENWOGIKAL 68:5

Kwandap che ma tinyei sigiik, ak ne tononjin mosoogik, Ko Kamuktaindet eng' koonnyi ne tiliil.

KALEWANAIK 15:25

Itutu `Kamuktaindet ne Toroor kootap menotik, ago igimiti kiwotetap mosoget.

KALEWANAIK 4:19

Ooreetap kiptengeginik ko uu mesundeito; ma naei kiit ne riichei icheek.

JEREMIA 49:11

Pagakte lagoguk che ma tinyei kwanisyek, si ariip kosapcho; ak ingomang'wa mosogiguk.

HOSEA 14:3

Ma sarwech Ashur; ma kilaanye paraisisyek: ama keleenjini kogeny poisyonigap eunekyok, Oo kamuktaikyok: amu nyoorunenen rireenet icheek che ma tinyei kwanisyek.

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

1 KORINTOEK 3:19

Amu ng'omnateet ne po ng'wonyuni ko perberyo eng' Kamuktaindet. Amu ki kisir keele, “Ineendet ne namei che utaatiin eng' ng'aalseennywa;”

NG'ATUTIK 16:11

Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

JAKOBO 1:27

Kayaneet ne tiliil ne ma tinyei murwoonindo eng' taitap Kamuktaindet Kwanda, ko ni: kowendi kogeerei che ma tinyei sigiikwak ak mosoogik eng' nyalildanywa, ak koriipkei ineendet eng' ng'wony koek ne ma tinyei tisya.