TIENWOGIKAL 146:6 - BUKUIT NE TILIIL Sireet ne Dutero Kanon

⁶ ne ki yai kipsengwet ak ng'wony, nyanjet, ak tugul che mi olooto; ne riibei imanda koigeny;

Bukuit Ne Tilil

⁶ ne ki yai kipsengwet ak ng'wony, nyanjet, ak tugul che mi olooto; ne riibei imanda koigeny;

BUKUIT NE TILIL

⁶ Ne kiyai kipsengwet ak ng’ony, Nyanjet, ak tugul che mi oloto; Ne ribei imanda koigeny:

TIENWOGIKAL 146:6 ပူးပေါင်းရင်းမြစ်များ

TAUNET 1:1

Eng' taunet, ko ki toi Kamuktaindet koyai kipsengwet ak ng'wony.

TIENWOGIKAL 100:5

Amu myee Kamuktaindet ne Toroor; tebyei rireenennyi koigeny, ak imandanyi eng' ibinwek tugul.

TIENWOGIKAL 115:15

Oberuurotin eng' Kamuktaindet ne Toroor, ne ki yai kipsengwet ak ng'wony.

TIENWOGIKAL 117:2

Amu oo rireenennyi eng' acheek; ak tebyei koigeny imandap Kamuktaindet ne Toroor. Olasu Kamuktaindet ne Toroor!

TIENWOGIKAL 33:6

Ki kiyai kipsengwet eng' ng'olyootap Kamuktaindet ne Toroor, ak chaang'indonywa tugul eng' kabuusetap kutinnyi.

TIENWOGIKAL 89:2

Amu ki ale, Teegoksei koigeny rireenetapkei. Igimiit imandang'ung' eng' kipsengwet.

TIENWOGIKAL 89:33

Ago ma istoi rireenennyu kot kogestagei eng' ineendet, Amayae koek puch imandanyu.

TIENWOGIKAL 95:5

Nenyi nyanjet, ineendet ne kiyaei; Ak kiyaei eunekyik emet ne yaamaat.

TIENWOGIKAL 98:3

Kigobwaat rireenennyi ak imandanyi eng' kootap Israel: Ki kogeer tabanwek tugul che po ng'wony yetunetap Kamuktaindennyo.

KOMONG'U 20:11

Amu ki yai Kamuktaindet ne Toroor kipsengwet ak ng'wony, nyanjet ak tuguuk tugul che mi oriitinnywa eng' peetuusyek lo ak komuuny eng' peetuutap tisap. Ki iberuur anyun Kamuktaindet ne Toroor peetuutap sabato amu nooto ak kotabaan.

JEREMIA 32:17

Ee Kiptaiyat Kamuktaindet ne Toroor! Keero, ki iyai kipsengwet ak eng' kimnateng'ung' ne oo ak eng' eung'ung' ne chuulaat; ma mi kiy age tugul ne temeneen,

MIKAH 7:20

Iyachini Jakobo imanit, ak iyachi Abraham rireenet, che kigeyosyechi kwanisyekyok eng' peetuusyek che po keny.

JOHANA 1:3

Ki kiyai tuguuk tugul eng' ineendet; ak ma mi kiy agot agenge ne ki piit ama eng' ineendet. Kiy ne ki yaak

JOHANA 10:34

Kowolji `Jeso pichooto, koleenji, “Tos ma siraat eng' Ng'atuutyeng'wong' keele, ‘Ki amwa ale, oo kamuktaik?’

POISYONIGAP CHE KIYOKTOI 14:15

“Choronochu, kalya si oyai tuguuchu? Ki piik agacheek che kergei ak okweek, ak kagiibwok logoiywek che myach, si kobiit oweeige omete tuguuchu ma tilei kiy ak obwonji Kamuktaindet ne sabei, ne kiyaei kipsengwet ak ng'wony ak araraita ak tugul che mi olooto.

NG'ATUTIK 7:9

Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.

KOLOSAIK 1:16

amu ki kitoi keyai tuguuk tugul eng' ineendet, che mi kipsengwet ak che mi ng'wony, tuguuk che taagu ak tuguuk che ma taagu, anan laitornatosyek, anan kiptainatosyek, anan pounatosyek anan kimnatosyek; ki kitoi keyai tuguuk tugul eng' ineendet ak ko po ineendet;

TITO 1:2

eng' kamang'unet ne po saboondap koigeny, ne ki iyomis Kamuktaindet, ne ma imuuchi kolembechaan, kobooch kenyiisyek che po koigeny;

HEBRANIK 6:18

si eng' tuguuk aeng' che ma walaksei, che ma imugaksei eng' Kamuktaindet komwa lembech eng' chooto, kimuuch anyun kenyooru kagaigaet ne kiim, acheek che kigemwechi toreteet si kenam kamang'unet ne ki kinde tainnyo;

NG'ANG'UTYET 14:7

ak komwaei eng' kutit ne oo, kole, “Oiywei Kamuktaindet, ak ogoochi toroornatet; amu kagoit saitap kirwoogennyi; ak olasu ineendet ne ki yai kipsengwet ak ng'wony ak nyanjet ak kondametusyegap peek.”