TIENWOGIKAL 145:9 - BUKUIT NE TILIIL Sireet ne Dutero Kanon

⁹ Myee Kamuktaindet ne Toroor eng' piik tugul; ak pou rireenosyekyik che talaen poisyonikyik tugul.

Bukuit Ne Tilil

⁹ Myee Kamuktaindet ne Toroor eng' piik tugul; ak pou rireenosyekyik che talaen poisyonikyik tugul.

BUKUIT NE TILIL

⁹ Mie Jehovah eng’ bik tugul; Ak bou rirenosiekyik che taloen boisionikyik tugul.

TIENWOGIKAL 145:9 ပူးပေါင်းရင်းမြစ်များ

TAUNET 9:10

ak kobooto kiy age tugul ne sabei ne mi kobootok; eng' toriitik, eng' kiyagiik ak eng' tyong'ik alak tugul che po ng'wony, ko uu ole kimang'undo eng' moinget.

TIENWOGIKAL 100:5

Amu myee Kamuktaindet ne Toroor; tebyei rireenennyi koigeny, ak imandanyi eng' ibinwek tugul.

TIENWOGIKAL 104:27

Igenin chuuto tugul, si igoochi amitwogikwak eng' peetuusyekwak.

TIENWOGIKAL 25:8

Kamuktaindet ne Toroor ko myee ak ko po iman, eng' nooto anyun ineeti ineendet kiptengeginik eng' ooreet.

TIENWOGIKAL 86:5

Amu ii myee inyee Kiptaiyat, ak ii choboot inyochi kaat, Ak itinye chaang'indap rireenetapkei eng' icheek che kuurin.

JONAH 4:11

Tos ma nyoljino ariiree Nineveh, nganasanooto oo; ole mi piik che siirei eliphuusyek pogol ak tiptem che ma ibestos eunnywa ne po tai ak eunnywa ne po kaataam; ak komi kogeny tyong'ik che chaang'?”

NAHUM 1:7

Myee Kamuktaindet ne Toroor, irimeet eng' peetuutap nyalilda; ak kongen icheeget che imang'u ineendet.

MATAYO 5:45

si oegu weeriigap Kwandang'wong' ne mi kipsengwet; amu igoochin asiistanyi kochorchi che yaach ak che myach, ak iyookyin ropta che po imanda ak che ma po imanda.

POISYONIGAP CHE KIYOKTOI 14:17

Ago ki ma tebi puch ineendet ama tinyei paorya, amu ki yai ne myee, ak kogoonok ropta ne punu kipsengwet ak peetuusyegap rurateet, kogoochin kobiyong'so mugulelwekwok eng' amitwogik ak kaagaasetapkei.”

POISYONIGAP CHE KIYOKTOI 17:25

Ama kiboisyechin eng' eunegap piik, ko uu ne panani kiy, amu ineendet ne igoochin tugul saboondo ak kabuuset, ak tuguuk tugul.