TIENWOGIKAL 138:3 - BUKUIT NE TILIIL Sireet ne Dutero Kanon

³ Ki iwolwoo eng' peetuut ne ki aguurin, ki igimita eng' kimnateet eng' saboondanyu.

Bukuit Ne Tilil

³ Ki iwolwoo eng' peetuut ne ki aguurin, ki igimita eng' kimnateet eng' saboondanyu.

BUKUIT NE TILIL

³ Kiiwolwa eng’ betut ne kiaguurin, Kiigimita eng’ kimnatet eng’ sobondanyu.

TIENWOGIKAL 138:3 ပူးပေါင်းရင်းမြစ်များ

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

TIENWOGIKAL 18:6

Eng' pichiindanyu ko ki aguur Kamuktaindet ne Toroor, ki ariirchi Kamuktaindennyu ale kotoreta. Ki kas kutinnyu eng' hekalunnyi, ak kiit itiikyik riirekyuk.

SEKARIA 10:12

Agimiiti icheek eng' Kamuktaindet ne Toroor; ak kobendatee kainennyi, mwaei Kamuktaindet ne Toroor.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

PILIPIK 4:13

Amuuchi ayai tuguuk tugul eng' ineendet ne igimita.

TIENWOGIKAL 27:14

Igen Kamuktaindet ne Toroor! Kimitu ak ingonyiganit muguleldang'ung'! Ee, igen Kamuktaindet ne Toroor!

KOLOSAIK 1:11

kigimitok eng' kamuktaet tugul, ko uu kamugetap toroornatennyi, agoi muitaet tugul ak talasyet eng' poiboiyet,

EPESOEK 6:10

Ne po let anyun, oegu che kiimeen eng' Kiptaiyat, ak eng' kimnateetap kamugennyi.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

TIENWOGIKAL 29:11

Igoochin `Kamuktaindet ne Toroor piikyik kimnateet! Ingoberuuri `Kamuktaindet ne Toroor piikyik eng' kaalyeet!

EPESOEK 3:16

si kobiit kogoonok, ko uu mogornatosyegap toroornatennyi, ogimegitu eng' kamuktaet eng' Kabuusennyi eng' chiito ne po oriit;

TIENWOGIKAL 63:8

Isubotin saboondanyu miising'; nama eung'ung' ne po tai.

TIENWOGIKAL 28:7

Kamuktaindet ne Toroor ko kimnateennyu ak long'ennyu; imang'u muguleldanyu ineendet. Kigetoreta ak igasegei muguleldanyu miising'; alasu ineendet eng' tyendanyu.

ISAIAH 65:24

Ak ye tomo koguurso, awolu; ak ye ta kong'alaali, agas.

1 SAMUEL 30:6

Ki iimgei miising' `Daudi, amu ki mwa piik kole kilache ineendet eng' koik, amu ki aragenso saboonwegap piik tugul ak ki aragen chii age tugul agobo weeriikyik ak tiibiikyik, ago ki igimitkei Daudi eng' Kamuktaindet ne Toroor Kamuktaindennyi.

TIENWOGIKAL 34:7

Menyei malaikaiyatap Kamuktaindet ne Toroor komoswek tugul che po icheeget che iywei Kamuktaindet ne Toroor, ak kosaru icheek.

RIREKAB JEREMIA 3:57

Ki iriigu eng' peetuut ne ki aguurin: ki imwa ile, “Meiywei!”