TIENWOGIKAL 132:11 - BUKUIT NE TILIIL Sireet ne Dutero Kanon

¹¹ Ki iyasyechi Kamuktaindet ne Toroor Daudi eng' iman; ma weechegei let: Andoi age ne punu poortang'ung' kotebee ng'echereeng'ung' ne po pounatet.

Bukuit Ne Tilil

¹¹ Ki iyasyechi Kamuktaindet ne Toroor Daudi eng' iman; ma weechegei let: Andoi age ne punu poortang'ung' kotebee ng'echereeng'ung' ne po pounatet.

BUKUIT NE TILIL

¹¹ Kiiyosiechi Jehovah Daudi eng’ iman; Maweechegei let: Andoi ng’echereng’ung’ ne bo bounateng’ung’ age ne bunu bortang’ung’.

TIENWOGIKAL 132:11 ပူးပေါင်းရင်းမြစ်များ

2 SAMUEL 7:12

Ye igeskei peetuusyeguk ak oruiye ak kwanisyeguk, ang'eet iyoteng'ung' ne piitu let ne punu poortang'ung', ak agimiit laitornatennyi.

2 SAMUEL 7:14

Aegu kwandanyi ak koek weeriinnyu. Ngot koyai inee tengek, atigoone kirokto ne po piik ak pirutigap lagogap piik.

2 SAMUEL 7:16

Ki kimiiti koong'ung' ak laitornateng'ung' koigeny eng' taing'ung'. Ki kimiiti ng'echereetap laitornateng'ung' agoi koigeny.’ ”

1 LAITORINIK 1:48

Ak kogeny, ko kamwa laitoryat kole, ‘Iberuurot Kamuktaindet ne Toroor, Kamuktaindetap Israel, ne kagonde chiito kotebee ng'echerennyu ne po laitornatet eng' peetuuni kogeerei konyekyuk.’ ”

1 LAITORINIK 8:25

Ara anyun, ee Kamuktaindet ne Toroor, Kamuktaindetap Israel, isuldochi otwogindeng'ung' abba Daudi kiit ne ki iyomisyi, ileenji, ‘Ma petenen chiito ne tebee ng'echereetap laitornatet ne po Israel eng' tainnyu; ngot koriip lagoguk ortinwekwak, kobendatee tainnyu ko uu ye ki iwendote tainnyu.’

2 ATEPTAP PEETUUSYEK 6:16

Ara anyun, ee Kamuktaindet ne Toroor, Kamuktaindetap Israel, isuldochi otwogindeng'ung' abba Daudi kiit ne ki iyomisyi, ileenji, ‘Ma petenen chiito ne tebee ng'echereetap laitornatet ne po Israel eng' tainnyu, ngot koriip lagoguk ortinwekwak, kobendatee ng'atuutyennyu, ko uu ye ki iwendote tainnyu.’

2 ATEPTAP PEETUUSYEK 7:18

agimiit anyun ng'echereetap laitornatet ne po pounateng'ung', ko uu ye ki ayai arorutyet ak Daudi kwandang'ung' aleenji, ‘Ma petenen chiito ne egu pounindet eng' Israel.’

TIENWOGIKAL 110:4

Ki koyosyo Kamuktaindet ne Toroor, ama walei, kole, “Ii tisiindet koigeny ko uu kiit ne ki uu Melkisedek.”

TIENWOGIKAL 89:33

Ago ma istoi rireenennyu kot kogestagei eng' ineendet, Amayae koek puch imandanyu.

TIENWOGIKAL 89:35

Ki ayosye konyil agenge eng' tiliilindanyu; Ale, Ma perberi Daudi;

TIENWOGIKAL 89:37

Ki kimiti koigeny ko uu arawet, Ak ko uu paornateet ne po iman ne mi parak.

TIENWOGIKAL 89:5

Ilasu kipsengwet kwang'utiguk, ee Kamuktaindet ne Toroor; Ak ilasu agine imandang'ung' eng' tuiyetap che tiliileen.

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

LUKA 1:32

Egu ne oo ineendet ak tuun kiguuree Weeriitap Ineendet Ne Toroor Miising'; ak kogoochin `Kiptaiyat Kamuktaindet ng'echereetap laitornatet ne po kwandanyi Daudi:

POISYONIGAP CHE KIYOKTOI 2:30

Ak amu kimaotyo, ak ki ingen kole kiga koyasyechi `Kamuktaindet ineendet kole, indoi Kamuktaindet ng'echerennyi chiito ne tuun punu iyotennyi.

HEBRANIK 6:18

si eng' tuguuk aeng' che ma walaksei, che ma imugaksei eng' Kamuktaindet komwa lembech eng' chooto, kimuuch anyun kenyooru kagaigaet ne kiim, acheek che kigemwechi toreteet si kenam kamang'unet ne ki kinde tainnyo;

1 SAMUEL 15:29

Ma mwaei lembech Kimnateetap Israel ama sigu; amu ineendet koma chiito si kowalak.”