TIENWOGIKAL 128:3 - BUKUIT NE TILIIL Sireet ne Dutero Kanon

³ Igeitu osotyondeng'ung' keetit ne yiei ne po sabibuk, eng' koong'ung' oriit; igeitu lagoguk keetiik che mengeechen che po mseituni che yiemei meseng'ung'.

Bukuit Ne Tilil

³ Igeitu osotyondeng'ung' keetit ne yiei ne po sabibuk, eng' koong'ung' oriit; igeitu lagoguk keetiik che mengeechen che po mseituni che yiemei meseng'ung'.

BUKUIT NE TILIL

³ Igeitu osotiondeng’ung’ ketit ne yiei ne bo sabibuk, eng’ gong’ung’ orit: Igeitu lagoguk ketik che mengechen che bo emitik che yiemei meseng’ung’.

TIENWOGIKAL 128:3 ပူးပေါင်းရင်းမြစ်များ

TAUNET 49:22

Josep ko keetit ne yiei kot, ne yiei kot ne mi ye neegitee kondap peek; iwaktoi mooriik kosiirei inaatut.

1 ATEPTAP PEETUUSYEK 8:40

Weeriigap Ulam ko ki piik che kiimeen che nyigoonen ak ki mwogik. Ki tinyei weeriik che chaang', ak weeriigap weeriik, tugul ko ki pogol ak konom. Chuuto tugul ko ki po weeriigap Benjamin.

TIENWOGIKAL 127:3

Lagok ko poroteet ne punu Kamuktaindet ne Toroor; ak konunennyi iyoteetap moet.

TIENWOGIKAL 127:5

Paibai chii ne nyiitaat motyennyi. Ma nyooru kalilanet, ye ng'alaaldos ak puunikwak eng' ormariich.

TIENWOGIKAL 144:12

Ngo kergeit weeriikyok che ta ko neran ak keetiik che piitos; ak kogergeit tiibiikyok ak koigap luuita che ki kiwai ko uu che po kootap laitoryat.

TIENWOGIKAL 52:8

Ago anee, agergeitu ak mseituni ne tuon ne piitei eng' kootap Kamuktaindet. Amang'u rireenetap Kamuktaindet koigeny ak koigeny.

JEREMIA 11:16

Kiguure Kamuktaindet ne Toroor kaineng'ung', Emdit ne tuon, ne karaaran ak kotinyei logoek che myach. Ki ilaal maat eng' yooto eng' polatetap wasetapkei ne oo ak kagoilyo mooriikyik.

EZEKIEL 19:10

Ki uu kamenng'ung' keetitap sabibuk eng' mbareetap sabibuk eng' korotiguk, ne ki kiminji ole neegitee peek che chaang'; kiyiei miising' ak ko nyiitaat mooriik amu peek che chaang'.

ROMANIK 11:24

Amu ngo kigetilin eng' mseituni ne po timiin eng' piteennyi, ak ki kinamnyenen mseituni ne myee ne ki ma ko po timiin eng' piteennyi: ko siirei anyun ne tya kinamnye mooriik che ki po ye kinye emdinnywa!