TIENWOGIKAL 119:2 - BUKUIT NE TILIIL Sireet ne Dutero Kanon

² Poiboen icheek che riibei paornatosyekyik, che cheeng'ei ineendet eng' muguleldo komugul,

Bukuit Ne Tilil

² Poiboen icheek che riibei paornatosyekyik, che cheeng'ei ineendet eng' muguleldo komugul,

BUKUIT NE TILIL

² Boiboen ichek che ribei baornatosiekyik, Che cheng’ei inendet eng’ muguleldo komugul.

TIENWOGIKAL 119:2 ပူးပေါင်းရင်းမြစ်များ

1 LAITORINIK 2:3

Riip kayomisetap Kamuktaindet ne Toroor Kamuktaindeng'ung', iwendote ortinwekyik, iriip kaneetisyosyekyik, ng'atuutikyik, kirwoogutikyik ak paornatosyekyik, ko uu chooto ki kisir eng' Ng'atuutyetap Musa, si kiberuurin eng' tugul che iyae, eng' oldo tugul ole iwendi,

1 ATEPTAP PEETUUSYEK 22:19

Ara anyun, ochop mugulelwekwok ak saboonwekwok, ocheeng' Kamuktaindet ne Toroor Kamuktaindeng'wong'. Ong'eetyee anyun, oteech ole-tiliil ne po Kamuktaindet ne Toroor Kamuktaindeng'wong', si oibu moingetap arorutyetap Kamuktaindet ne Toroor ak tuguuk che tiliileen che po Kamuktaindet, kobwa koot ne kiteekyin kainetap Kamuktaindet ne Toroor.”

2 ATEPTAP PEETUUSYEK 31:21

Ak eng' poisyet age tugul ne ki toi koyai eng' otisyetap kootap Kamuktaindet, ak eng' ko uu ng'atuutik ak eng' kayomisutik, kocheeng' Kamuktaindennyi, kogiyai eng' muguleldanyi komugul, ak kibor.

TIENWOGIKAL 105:45

si kobiit koriip kaneetisyosyekyik, ak koosup ng'atuutikyik. Olasu Kamuktaindet ne Toroor.

TIENWOGIKAL 119:10

Ki acheeng'in eng' muguleldanyu tugul; amegoono alooitune ng'atuutiguk.

TIENWOGIKAL 119:101

Ki aistoe keelyekyuk ooreet age tugul ne ya, si kobiit asup ng'olyoondeng'ung'.

TIENWOGIKAL 119:115

Oba eng' ole ami, okweek yaigap yaityo; si kobiit ariip ng'atuutigap Kamuktaindennyu.

TIENWOGIKAL 119:146

Ki aguurin; sarwo anyun, si asup paornatosyeguk.

TIENWOGIKAL 119:17

Yachi kiboityondeng'ung' eng' aiyebindo, si kobiit asap ak ariip ng'olyoondeng'ung'.

TIENWOGIKAL 119:22

Istoena chotisyet ak sasisyet; amu ki ariip paornatosyeguk.

TIENWOGIKAL 119:33

Ineeta, ee Kamuktaindet ne Toroor, ooreetap ng'atuutiguk; ak asup agoi kagesunet.

TIENWOGIKAL 119:34

Koono kaguiyet, si kobiit ariip ng'atuutyeng'ung', si asup eng' muguleldanyu komugul.

TIENWOGIKAL 119:57

Kamuktaindet ne Toroor kebebertanyu; ki amwa ale asubi ng'aleeguk.

TIENWOGIKAL 119:69

Kogochop menotik lembechek agobo anee, ariibe kaneetisyosyeguk eng' muguleldanyu komugul.

TIENWOGIKAL 119:88

Isooba eng' chamyeng'ung' ne tala; si asup anyun paornateetap kuting'ung'.

TIENWOGIKAL 25:10

Chamyet ne tala ortinwek tugul che po Kamuktaindet ne Toroor ak ko po imanit, eng' icheek che riibei kayomisennyi ak paornatosyekyik.

KALEWANAIK 23:26

Weeriinnyu, koono muguleldang'ung', ingobaibaitune konyeguk ortinwekyuk.

JEREMIA 29:13

Ak ocheeng'a, ak onyoorwo, ye ocheeng'a eng' mugulelwekwok tugul.

EZEKIEL 36:27

Ak andeok Kabuusennyu, ak agoonok obendate ng'atuutikyuk, ak oriip kirwoogutikyuk ak oyai.

JOHANA 14:23

Kowolji Jeso koleenji, “Ngo chama chii, koriip ng'olyoondennyu: ak kocham Abba ineendet ak kebwonji ineendet, ak kemeny kobooto ineendet.

NG'ATUTIK 4:29

Ago ngo cheeng' eng' olooto Kamuktaindet ne Toroor Kamuktaindeng'ung', onyooru ineendet ngo cheeng' eng' muguleldang'wong' tugul ak eng' saboondang'wong' tugul.

NG'ATUTIK 6:17

Oriip eng' kagiiletapkei ng'atuutik, paornatosyek, ak kaneetisyosyegap Kamuktaindet ne Toroor Kamuktaindeng'wong' che king'atin.

NG'ATUTIK 6:5

ak cham Kamuktaindet ne Toroor Kamuktaindeng'ung' eng' muguleldang'ung' tugul, eng' saboondang'ung' tugul ak eng' kimnateng'ung' tugul.

1 JOHANA 3:20

eng' kiy tugul ne irwogunenech mugulelwekyok; amu oo Kamuktaindet kosiir mugulelwekyok, ak kongen tuguuk tugul.