TIENWOGIKAL 119:10 - BUKUIT NE TILIIL Sireet ne Dutero Kanon

¹⁰ Ki acheeng'in eng' muguleldanyu tugul; amegoono alooitune ng'atuutiguk.

Bukuit Ne Tilil

¹⁰ Ki acheeng'in eng' muguleldanyu tugul; amegoono alooitune ng'atuutiguk.

BUKUIT NE TILIL

¹⁰ Kiacheng’in eng’ muguleldanyu tugul: Amegona alooitune ng’atutiguk.

TIENWOGIKAL 119:10 ပူးပေါင်းရင်းမြစ်များ

2 ATEPTAP PEETUUSYEK 15:15

Kiboiboitu Judah tugul amu kayasyonooto; amu kigayosyo eng' mugulelwekwak tugul, ak kocheeng' ineendet eng' magennywa tugul, ak kinyoor ineendet. Ki igoochi anyun `Kamuktaindet ne Toroor icheek kamuung'et eng' tabanwekwak tugul.

TIENWOGIKAL 119:118

Ki iwal koek puch icheek tugul che istoegei ng'atuutiguk; amu lembech ng'aalseennywa.

TIENWOGIKAL 119:133

Igimiit tyegutikyuk eng' ng'olyoondeng'ung'; amat koboiywa tengek age tugul.

TIENWOGIKAL 119:176

Ki abetote ko uu keechiiryet ne petoot; cheeng' kiboityondeng'ung'; amu ma utye ng'atuutiguk.

TIENWOGIKAL 119:2

Poiboen icheek che riibei paornatosyekyik, che cheeng'ei ineendet eng' muguleldo komugul,

TIENWOGIKAL 119:21

Ki iger kong' menotik che chubootiin, che looitune ng'atuutiguk.

TIENWOGIKAL 119:34

Koono kaguiyet, si kobiit ariip ng'atuutyeng'ung', si asup eng' muguleldanyu komugul.

TIENWOGIKAL 119:58

Ki ariirchi chamyeng'ung' eng' muguleldanyu komugul; rirena ko uu ng'olyoondeng'ung'.

TIENWOGIKAL 119:69

Kogochop menotik lembechek agobo anee, ariibe kaneetisyosyeguk eng' muguleldanyu komugul.

TIENWOGIKAL 125:5

Ago icheek che mastoi kosubi ortinwekwak che kunuuren, koonei `Kamuktaindet ne Toroor icheek kobooto yaigap tengekto. Ingotebee `kaalyeet Israel!

TIENWOGIKAL 23:3

isoobi saboondanyu. Indoiywa abun ortinwegap imanda agobo kainennyi.

TIENWOGIKAL 78:37

Amu ki ma ko lititen mugulelwekwak eng' ineendet, Ak ki ma ek che kiyani agobo kayomisennyi.

KALEWANAIK 2:13

che laaktoi ortinwegap lititindo si kobendatee ortinwegap mesundeito,

KALEWANAIK 21:16

Imuunyi eng' tuiyetap che ki kobek chiito ne mastoi eng' ooreetap kaguiyet.

ISAIAH 35:8

Ak kobiit ooreet ne oo eng' olooto, ak kiguure oranooto Ooreetap Tiliilindo. Ma punei oranooto che ma tiliileen ama tyechei oranooto agot che perber.

JEREMIA 3:10

Ak eng' chu tugul, ko chepkamennyi Judah kaberberindet, koma weekyagei eng' muguleldo komugul, ago eng' ng'aalseet, mwaei Kamuktaindet ne Toroor.

EZEKIEL 34:6

Ki ombenioti keechiirekyuk eng' tuloonook tugul, ak eng' tulweet age tugul ne kooi: ee, kiyesta keechiirekyuk koyom ng'wony tugul; ak ki ma komi chii ne ki cheeng'at anan kosubot icheek.

HOSEA 10:2

Pcheat muguleldanywa; tinyei ng'oogisto: putei Kamuktaindet ne Toroor kapkorosusyekwak, ng'emei tolochikwak.

MATAYO 6:24

Ma mi chii ne imuuchi koot kiptainik aeng'; amu imuuch kowech age ak kocham age, anan konamgei ak age ak kosas age. Momuuchi oot Kamuktaindet ak mogornatosyek.

KOLOSAIK 3:22

Otwogichu, ogas iit eng' tuguuk tugul icheek che kiptainikwok eng' poorwek; ama eng' otwoknateet ne kigeerei, ko uu che iboiboi piik, ago eng' muguleldo tugul, oiywei Kiptaiyat:

1 JOHANA 2:15

Amocham ng'wony, anan tuguuk che mi ng'wony. Ngot kocham chii ng'wony koma mi chamyetap Kwanda eng' ineendet.

1 SAMUEL 7:3

Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”