TIENWOGIKAL 119:1 - BUKUIT NE TILIIL Sireet ne Dutero Kanon

¹ Poiboen che ititaatiin eng' ooreet, che pendote ng'atuutyetap Kamuktaindet ne Toroor.

Bukuit Ne Tilil

¹ Poiboen che ititaatiin eng' ooreet, che pendote ng'atuutyetap Kamuktaindet ne Toroor.

BUKUIT NE TILIL

¹ Boiboen che igesunotgei eng’ oret, Che bendote ng’atutietab Jehovah.

TIENWOGIKAL 119:1 ပူးပေါင်းရင်းမြစ်များ

2 SAMUEL 22:22

Amu ki ariip ortinwegap Kamuktaindet ne Toroor, ma abagaakte Kamuktaindennyu asup oor ne ya.

2 LAITORINIK 20:3

“Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

Kitabuutap JOB 1:1

Ki mi chii eng' emetap Us ne ki kiguure Job. Ki igeesunotkei ineendet ak ko po iman. Ki iywei Kamuktaindet ak koistoegei yaityo.

Kitabuutap JOB 1:8

Koleenji `Kamuktaindet ne Toroor Setani, “Tos ko igeer otwogindennyu Job, amu ma mi ne kergei ak ineendet eng' ng'wony? Ititaat ak ko po iman inee, iywei Kamuktaindet ak koistoegei yaityo.”

TIENWOGIKAL 101:2

Atebye komyee eng' ng'omnateet eng' ooreet ne ititaat. Ee, inyonjino au? Awendotee muguleldo ne ititaat eng' koonnyu.

TIENWOGIKAL 101:6

Keerei konyekyuk piik che po iman eng' emet, si komeny icheek kobooton; ineendet ne wendoti eng' ooreet ne ititaat, koboisyeiwo nooto.

TIENWOGIKAL 112:1

Olasu Kamuktaindet ne Toroor! Paibai chii ne iywei Kamuktaindet ne Toroor, ne poiboitune miising' ng'atuutikyik.

TIENWOGIKAL 128:1

Paibai age tugul ne iywei Kamuktaindet ne Toroor, ne wendote ortinwekyik.

KALEWANAIK 11:20

Wechei `Kamuktaindet ne Toroor icheeget che imaasotin mugulelwek, paibai ineendet eng' che ititaatiin eng' ooreenywa.

KALEWANAIK 13:6

Imanda koriibei ineendet ne litit eng' ooreet, ago igabui yaityet kiptengekyot.

KALEWANAIK 29:18

Petyoti piik eng' ole ma mi ng'ang'utyet, ago paibai ineendet ne riibei ng'atuutyet.

EZEKIEL 11:20

si kobendatee ng'atuutikyuk, ak koriip kayomisutikyuk, ak koyai: ak koek icheek piikyuk, ak aegu Kamuktaindennywa.

HOSEA 14:9

Ng'oo ne ng'oom, si koguiyo tuguuchuuto? Ng'oo ne utaat, si konai tuguuchooto? Amu lititen ortinwegap Kamuktaindet ne Toroor, ak pendotee che po iman ortinwechooto; ago ibutyin olooto pistoik.

LUKA 1:6

Ak ki po iman icheek tuwai eng' taitap Kamuktaindet, ak kibendotee ng'atuutik tugul ak karureiywek che po Kiptaiyat, ama tinyei leluut.

LUKA 11:28

Ago ki le ineendet, “Iberuurotin kosiir che kasei ng'olyootap Kamuktaindet, ak koriip.”

JOHANA 1:47

Kingo keer `Jeso Nathanael konyonei ole mi ineendet, ak komwa agobo ineendet kole, “Ogeero, Yahudyot iman, ne ma tinyei ng'aalseet!”

JOHANA 13:17

Ngo nai tuguuchu, ko oboiboi ngo yai.

POISYONIGAP CHE KIYOKTOI 24:16

Ak achobegei anyun agane eng' ng'olyoondoni atebee kotugul kabwaatet ne ma tinyei kanagut eng' taitap Kamuktaindet ak piik.

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

JAKOBO 1:25

Ago ineendet ne isyachi ng'atuutyet ne ititaat, ne po katyaknateet, ak koteptoi, amaek kasindet ne utye, ago yaindet ne poisyei, kiberuuri chiichito eng' poisyennyi.

NG'ANG'UTYET 22:14

Poiboen icheek che mwetei ngoroikwak, si kobiit komuuch kosich chamjinet koit ole mi keetitap saboondo ak kobun kurgotik kobendi nganaseet oriit.