TIENWOGIKAL 109:14 - BUKUIT NE TILIIL Sireet ne Dutero Kanon

¹⁴ Ingobwaatak tengektap kwanisyekyik eng' Kamuktaindet ne Toroor; amat kibukto tengektap kamet.

Bukuit Ne Tilil

¹⁴ Ingobwaatak tengektap kwanisyekyik eng' Kamuktaindet ne Toroor; amat kibukto tengektap kamet.

BUKUIT NE TILIL

¹⁴ Ingobwatak tengektab kwanisiekyik eng’ Jehovah; Amat kibukto tengektab kamet.

TIENWOGIKAL 109:14 ပူးပေါင်းရင်းမြစ်များ

2 SAMUEL 21:1

Ki piit rubeet eng' peetuusyegap Daudi, eng' kenyiisyek somok che ki isubegei. Kingo cheeng' `Daudi togetap Kamuktaindet ne Toroor kole Kamuktaindet ne Toroor “Po Saulo ak koonnyi ne po korotiik ng'olyoondoni, amu ki par Gibeonik.”

2 SAMUEL 3:29

Ingotebee metitap Joab ak kotebee kootap kwandanyi tugul. Amat kobet eng' kootap Joab chii ne tinyei kusereet anan ne tinyei mogondos anan ne tebenoti kirokto anan ne kibarei eng' rotwetap chok anan ko ne ma tinyei amitwogik.”

2 LAITORINIK 11:1

Kingo keer Athaliah kametap Ahasia kole kagome weeriinnyi, kong'eet ak kobar anyun iyoteet tugul ne po kaplaitoryat.

2 LAITORINIK 8:27

Kiwendote ortinwegap kootap Ahab, ak koyai yaityet eng' taitap Kamuktaindet ne Toroor, ko uu ye kiga yai kootap Ahab, amu kisandetap kap Ahab.

2 LAITORINIK 9:27

Kingo keer Ahasia laitoryatap Judah kioto, komwei kobun ooreet ne wendi koot ne mi mbar (Beth-hagan). Ki oon Jehu ineendet ak kole, “Obar ineendet agine eng' chepkichutit!” Ki kibar ineendet eng' ole kitogostoe eng' Gur ye neegitee Ibleam. Kimwechi Megiddo ak komechi yooto.

NEEMIA 4:5

Amat ketuch tengektonywa, amat kibukto ng'oogistonywa eng' taing'ung' amu ki kotachin eng' taitap teegik.

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

KOMONG'U 34:7

ne italachingei eliphuusyek, ne nyochin kaat piik tengekto ak pistoet ak chalwokto, ma pagaaktoi kiptengekyot age tugul. Igeerchin lagok tengektap kwanisyekwak ak eng' lagogap lagokwak agoi ibindap somok ak ne po ang'wan.”

ISAIAH 43:25

Anee, ee aneendet ne aistoi pistaosyeguk, amu kainennyu; amabwaati tengekwogiguk.

JEREMIA 18:23

Ago, ingen inyee Kamuktaindet ne Toroor, kirwoogennywa ne irwoochi kole kobara; menyochi kaat tengektonywa, amebukte chalwoktanywa eng' taing'ung': ago ingeriich eng' taing'ung'; yachi ko uu nooto eng' peetuutap nereegeguk.

ATEPTAP LAWIK 26:39

Ak ichuchui che ng'etu eng' okweek eng' tengekwogikwak eng' emotinwegap puunikwok; ak kogeny amu tengekwogigap kwanisyekwak kochuchui ko uu icheek.