TIENWOGIKAL 107:3 - BUKUIT NE TILIIL Sireet ne Dutero Kanon

³ ak ki iyum komong' eng' emotinwek, kobun kong'asiis ak cherongo, murot ne po kaataam ak murot tai.

Bukuit Ne Tilil

³ ak ki iyum komong' eng' emotinwek, kobun kong'asiis ak cherongo, murot ne po kaataam ak murot tai.

BUKUIT NE TILIL

³ Ak kiiyum komong’ eng’ emotinwek, Kobun kong’asis ak cherongo, Murot ne bo katam ak murot ne bo tai.

TIENWOGIKAL 107:3 ပူးပေါင်းရင်းမြစ်များ

TIENWOGIKAL 106:47

Sarwech, ee Kamuktaindet ne Toroor, Kamuktaindennyo, ak iyumech, kemang'une pororyosyek, si kobiit keeweekyi kongoi kaineng'ung' ne tiliil, ak kilasuge eng' kalasuneng'ung'.

ISAIAH 49:12

Ogeero, punu chu ole loo: ak ogeero, punu chu murot kaataam ak cherongo; ak punu chu emetap Sinim.

ISAIAH 54:7

Ki abagaakteen ne matya; ago ayumin eng' rireenet ne oo.

ISAIAH 56:8

Mwaei Kiptaiyat Kamuktaindet ne Toroor ne iyumi che kigetimda che po Israel, kole, ta ayumjini alak ineendet, che siirei chechiik che ki kiyum.

JEREMIA 29:14

Ak onyoorwo, mwaei Kamuktaindet ne Toroor, ak awal luuleng'wong', ak ayumak omang'une pororyosyek tugul, ak eng' komoswek tugul ole ki aoonjok, mwaei Kamuktaindet ne Toroor; ak amutwak kogeny obwa olito ki agoitoenok.

JEREMIA 31:10

Ogas ng'olyootap Kamuktaindet ne Toroor, ee okweek pororyosyek, ak omwaite niito eng' ngeguusyek che looen, ole, ineendet ne ki iyeesta Israel, koyumi ak koriip, ko uu ye riibei mestowot akweennyi.

JEREMIA 31:8

Keero, amutu icheek eng' emet ne po murot kaataam, ak ayum icheek eng' ole poochin ng'wony, kobooto ne koraat ak ne ing'wali, kobooto kwondo ne tamono, ak ineendet ne machei kosigiis: weeksei olito, ko tuiyet ne oo.

EZEKIEL 20:34

Ak amutwok omong'u eng' pororyosyek, ak ayumak eng' euut ne kiim, ak eng' euut ne chuulaat, ak eng' nereegek che ng'woneen che rong'ugei, omang'une emotinwek ole ki kiseerchok;

EZEKIEL 36:24

Amu amutwok omang'une pororyosyek, ak ayumak omong'u eng' emotinwek tugul, ak amutwak obwa emeng'wong'.

EZEKIEL 39:27

ye tuun kaamutu icheek kogeny komong' eng' pororyosyek, ak ayumu icheek komong' eng' emotinwegap puunikwak, ak kitabaana eng' taitap pororyosyek che chaang'.

NG'ATUTIK 30:3

kowal anyun Kamuktaindet ne Toroor Kamuktaindeng'ung' luuleet ne ki kiluulin ak korirenen ak koweek koyumin eng' pororyosyek tugul ole ki iyestoochin Kamuktaindet ne Toroor Kamuktaindeng'ung'.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.