TIENWOGIKAL 107:14 - BUKUIT NE TILIIL Sireet ne Dutero Kanon

¹⁴ Ki imoong'une mesundeito ak urwetap meet, ak kong'eti tuguukwak che ki kirate.

Bukuit Ne Tilil

¹⁴ Ki imoong'une mesundeito ak urwetap meet, ak kong'eti tuguukwak che ki kirate.

BUKUIT NE TILIL

¹⁴ Kiimoong’une mesundeito ak uruetab meet, Ak kong’eti tugukwak che kigirate.

TIENWOGIKAL 107:14 ပူးပေါင်းရင်းမြစ်များ

ISAIAH 42:16

Ak amutune kipkoratinik ooreet ne ma naei; andochini eng' ortinwek che ma naei: awale mesundeito koek lapkeiyet eng' tainnywa, ak alitit komoswek che kunuuren. Ayae tuguuchuuto, amabagaaktoi.

TIENWOGIKAL 116:16

Ee Kamuktaindet ne Toroor, aa kiboityondeng'ung' iman; aa kiboityondeng'ung', aa weeriitap otwogeng'ung' ne tye; ki ityaach ratuutikyuk.

EPESOEK 5:8

amu ki oo mesundeito eng' peetuusyek alak, ago oo lapkeiyet nguno eng' Kiptaiyat: obendate ko uu lagogap lapkeiyet

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

TIENWOGIKAL 107:10

Icheek che kitebee mesundeito ak urwetap meet, ko ratotiin eng' nyalilda ak kariik;

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

POISYONIGAP CHE KIYOKTOI 5:25

Ak ki nyo chii ak koleenji, “Ogeero, pichoo kogotoorchi korgoreet, kotonondos eng' Hekaluut ak koneeti piik!”

POISYONIGAP CHE KIYOKTOI 5:19

Ago ki yaat malaikaiyatap Kiptaiyat kurgotigap korgoreet kemoi ak komut icheek komong' saang', ak koleenji,

LUKA 13:16

Ak kobogoryondoni, ne cheptap Abraham, ne ki korat Setani kenyisyechu taman ak sisiit, tos manyol kityaach eng' ratuutyoni eng' peetuutap sabato?”

TIENWOGIKAL 102:20

si kogas tigenetap kimonjororyot; si kotyach icheek che kigechopchi meet;

TIENWOGIKAL 68:6

Igoochin Kamuktaindet che mi icheegei komeng'jin ak alak: Imutyin kimonjororinik poroteet: Ago menyei pistoik emet ne yaamaat.

Kitabuutap JOB 36:8

Ak ngot keerat eng' mugurek, ak keeratee poroonigap nyalilda,

ISAIAH 49:9

koleenjin icheek che ratotiin, Omande; ak koleenjin che mi mesundeito, Obartegei. Amisyoti eng' ortinwek, ak egu komoswek che torooreen ole churat, ole ki agete.

TIENWOGIKAL 146:7

ne irwooksechinechin che kiusei: ne igoochin amitwogik che amei rubeet. Ityachi Kamuktaindet ne Toroor che ratotiin;

Kitabuutap JOB 33:30

si koweech saboondanyi komang'une Keriinget, si kobiit kogeer lapkeiyetap saboondo.

Kitabuutap JOB 3:5

Ingonam peetuunooto `mesundeito ak imenindo kobunji. Ingotebee `pooldet peetuunooto, ingomu peetuunooto `imenindap peetuut tugul.

Kitabuutap JOB 19:8

Kago ng'oot ooreennyu kot koma muuchi abun, ak kagonde mesundeito ortinwekyuk.

Kitabuutap JOB 15:30

Ma istoegei mesundeito; iyami liplibenetap maat mooriikyik, ak wendi ineendet eng' kabuusetap kutinnyi.

Kitabuutap JOB 15:22

Ma iyani kole weeksei eng' mesundeito, ak igeni rotwetap chok ineendet.