TIENWOGIKAL 106:5 - BUKUIT NE TILIIL Sireet ne Dutero Kanon

⁵ si ageer poroteetap cheguuk che kigelewen, si abaibait eng' kaagaasetapkei ne po pororyeng'ung', si aloske kobooto poroteng'ung'.

Bukuit Ne Tilil

⁵ si ageer poroteetap cheguuk che kigelewen, si abaibait eng' kaagaasetapkei ne po pororyeng'ung', si aloske kobooto poroteng'ung'.

BUKUIT NE TILIL

⁵ Si ageer borotetab cheguk che kigelewen, Si abaibait eng’ kagasetab ge ne bo bororieng’ung’, Si alosge koboto boroteng’ung’.

TIENWOGIKAL 106:5 ပူးပေါင်းရင်းမြစ်များ

2 SAMUEL 20:19

Aa po icheek che po kaalyeet ak che po iman eng' Israel. Icheeng'e ibar nganaseet ne kamet eng' Israel. Amu nee si imache ilugui poroteetap Kamuktaindet ne Toroor?”

TIENWOGIKAL 1:3

Kergeitu ineendet ak keetit ne ki kiminji ole neegitee ainoosyek, ne yiei logoekyik eng' peetuusyekyik, ama restos sogekyik. Iberuurokse kiy age tugul ne yaei.

TIENWOGIKAL 105:43

Ak ki imut piikyik komong' eng' poiboiyet, ak chechiik che kigelewen kotyenonu.

TIENWOGIKAL 105:6

ee okweek, kesweegap Abraham kiboityondennyi, okweek lagogap Jakobo, chechiik che kigelewen.

TIENWOGIKAL 118:15

Miitei emaisyegap che po iman kutitap poiboiyet ak yetunet: “Yaei eutap tai ne po Kamuktaindet ne Toroor tuguuk che kiimeen.

TIENWOGIKAL 14:7

Kita myee nda kiga pun yetunetap Israel Zion! Ye tuun iweechi `Kamuktaindet ne Toroor piikyik che ki kiluul, kogaskei anyun Jakobo ak koboiboitu Israel.

TIENWOGIKAL 48:11

Ingogaskei tulweetap Zion, ingoboiboitu piigap Judah, amu kirwoogutiguk.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

ISAIAH 45:25

Ki ityin imanda iyoteet tugul ne po Israel eng' Kamuktaindet ne Toroor, ak kolasunegei.

ISAIAH 66:10

Oboiboitu okweek kobooto Jerusalem, ogaaskei kobooto ineendet, okweek tugul che ochame ineendet: oboiboitu eng' poiboiyet kobooto ineendet, okweek tugul che oriirchini:

JOEL 2:23

Ogaaskei anyun, okweek lagogap Zion, ak oboiboitu eng' Kamuktaindet ne Toroor Kamuktaindeng'wong': amu koonok ropta ne po tai ko uu ye nyolu, ak koonu ropta korobonjok, ropta ne po tai ak ne po let, ko uu eng' tai.

SEPANIA 3:14

Tyen, ee cheptap Zion; waach, ee Israel! Igaskei ak ibaibaitu eng' muguleldang'ung' tugul, ee cheptap Jerusalem!

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

JOHANA 15:16

Ki ma olewena, ago ki alewenok, ak ki andeak, ale obe ak oii logoek, si kobiit kotebi logoekwok: si kobiit kogoonok Kwanda kiit age tugul ne osoome eng' kainennyu.

JOHANA 16:22

Nooto anyun otinye arageneet nguno: ago ta ageerok kogeny, ak poiboi mugulelwekwok, ama rebenok chii poiboiyeng'wong'.

POISYONIGAP CHE KIYOKTOI 9:15

Ago ki leenji Kiptaiyat, “Ui inyee, amu kinnyu ineendet ne aboisyee ne ki alewen, si koip kainennyu taitap Pororyosyek ak laitorinik, ak piigap Israel:

EPESOEK 1:18

ko kagokweng'ogis konyegap mugulelwekwok, si kobiit onai kiit ne uu kamang'unetap kuursennyi, ak mogornatosyegap toroornatet ne po porotennyi eng' che tiliileen,

EPESOEK 1:4

ko uu ye kilewenech eng' ineendet ye kitom kelumda, si keegu che tiliileen che ma tinyei leluut eng' tainnyi eng' chamyet:

NG'ATUTIK 32:9

Amu piikyik kebebertap Kamuktaindet ne Toroor; porotennyi Jakobo.

NG'ATUTIK 7:6

Ii pororyet ne itabaanat eng' Kamuktaindet ne Toroor Kamuktaindeng'ung'. Ki lewenin Kamuktaindet ne Toroor Kamuktaindeng'ung' eng' pororyosyek tugul che mi ng'wony iegu pororyet ne nenyi ineegei.

PILIPIK 3:3

amu ki kamuratanet acheek, che saaei eng' Kabuusetap Kamuktaindet, ak kilasuge eng' Kristo Jeso, ama ki tinyei kamang'unet eng' poorto:

2 THESSALONIKEK 2:13

Ago kanyool kemwachi Kamuktaindet kongoi kotugul agobo okweek, che kitupche che chamanigap Kiptaiyat, amu ki lewenjok Kamuktaindet yetunet kobooch taunet eng' katabaanetap Kabuuset ne Tiliil ak kayaneetap imanit:

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”