TIENWOGIKAL 105:1 - BUKUIT NE TILIIL Sireet ne Dutero Kanon

¹ Oweekyi kongoi Kamuktaindet ne Toroor, oguur kainennyi; ongonaak poisyonikyik eng' piik.

Bukuit Ne Tilil

¹ Oweekyi kongoi Kamuktaindet ne Toroor, oguur kainennyi; ongonaak poisyonikyik eng' piik.

BUKUIT NE TILIL

¹ Oweekyi kongoi Jehovah, oguur kainennyi; Ongonaak boisionikyik eng’ bik.

TIENWOGIKAL 105:1 ပူးပေါင်းရင်းမြစ်များ

1 ATEPTAP PEETUUSYEK 16:34

Oweekyi Kamuktaindet ne Toroor kongoi, amu myee ineendet; amu tebyei rireenennyi koigeny.

1 ATEPTAP PEETUUSYEK 25:3

Ki sich Jeduthun weeriik chooto ko: Gedalia, Seri, Jesaia, Shimei, Hasabia, ak Matitia, lo; che ki indochin kwandanywa Jeduthun kobutei ketubet, che ki maoteni, kimwaei kongoi ak kolasu Kamuktaindet ne Toroor.

1 ATEPTAP PEETUUSYEK 29:13

Ara anyun, Kamuktaindennyo, kimwaun kongoi, ak kilasu kaineng'ung' ne po toroornatet.

1 ATEPTAP PEETUUSYEK 29:20

Yeityo koleenji `Daudi tuiyet tugul, “Olasu Kamuktaindet ne Toroor Kamuktaindeng'wong'.” Ak ki ilas tuiyet komugul Kamuktaindet ne Toroor, Kamuktaindetap kwanisyekwak, ki ing'uruuk ak kogutung'ji Kamuktaindet ne Toroor, ak laitoryat.

TIENWOGIKAL 106:1

Olasu Kamuktaindet ne Toroor! Ee, oweekyi Kamuktaindet ne Toroor kongoi; amu myee ineendet; amu tebyei rireenennyi koigeny.

TIENWOGIKAL 89:1

Atyeni agobo rireenetapkei ne po Kamuktaindet ne Toroor agoi koigeny: Aboortoi eng' kutinnyu imandang'ung' eng' ibinwek tugul.

TIENWOGIKAL 96:3

Omwaite toroornatennyi eng' pororyosyek, Ak poisyonikyik che kikwong'ee eng' piik tugul.

TIENWOGIKAL 99:6

Musa ak Aron eng' tisiikyik, Ak Samuel kobooto icheeget che kuurei kainennyi; Ki kuur icheek Kamuktaindet ne Toroor ak ki wolji.

ISAIAH 12:4

Omwae eng' peetuunooto ole: “Oweekyi Kamuktaindet ne Toroor kongoi, oguur kainennyi, omwaite poisyonikyik eng' pororyosyek, omwa ole kagotororit kainennyi.

ISAIAH 51:10

Tos ma inyee ne ki iteeny nyanjet, peegap rireet ne oo; ne ki iyai rireetap nyanjet koek ooreet ne landoe icheek che ki kityaach?

JOEL 2:32

Ak tuun kisaru age tugul ne kuurei kainetap Kamuktaindet ne Toroor: amu tuun miitei che chilildos eng' tulweetap Zion ak Jerusalem, ko uu ye ki komwa Kamuktaindet ne Toroor, ak tuun kuurei Kamuktaindet ne Toroor alak eng' icheek che ki ng'et.

KAITOSYEK 23:23

Ma mi iman pondit ne kimuuchi kebane Jakobo, ama mi ng'oorset ne kimuuchi keng'ore Israel. Kimwaei nguno agobo Jakobo ak Israel, keele, ‘Ki yai ne tya Kamuktaindet!’

POISYONIGAP CHE KIYOKTOI 9:14

ak tinyei eng' yuto kimnateet ne punu tisiik che eecheen si korat tugul che kuurei kaineng'ung'.”

ROMANIK 10:13

Amu age tugul ne kuurei kainetap Kiptaiyat, kesaru.

1 KORINTOEK 1:2

kisirchini kanisetap Kamuktaindet ne miitei Korinto, icheek che ki kitabaan eng' Kristo Jeso, che ki kiguur koek che tiliileen, kobooto tugul che kuurei kainetap Kiptaiyandennyo Jeso Kristo eng' komosta age tugul, Kiptaiyannyo ak ko nenywa.