TIENWOGIKAL 104:30 - BUKUIT NE TILIIL Sireet ne Dutero Kanon

³⁰ Iyooktoi Kabuuseng'ung' ne Tiliil, si keyai kobiit, kosapcho; ak ichobe itoondap emet koleelit kogeny.

Bukuit Ne Tilil

³⁰ Iyooktoi Kabuuseng'ung' ne Tiliil, si keyai kobiit, kosapcho; ak ichobe itoondap emet koleelit kogeny.

BUKUIT NE TILIL

³⁰ Iyoktoi tamirmirieng’ung’, si keyai kobiit, kosopcho; Ak ichobe itondab emet koleelit kogeny.

TIENWOGIKAL 104:30 ပူးပေါင်းရင်းမြစ်များ

Kitabuutap JOB 12:10

Mi eunnyi saboondap kiy age tugul ne sabei, ak kabuusetap piik tugul.

Kitabuutap JOB 26:13

Ki lelesonjine kipsengwet kabuusennyi; kotoor eunnyi ereneet ne chepchep.

Kitabuutap JOB 33:4

Ki koyaa kabuuset ne po Kamuktaindet, koono asap kabuusetap Ineendet Ne po Kamuktaet.

TIENWOGIKAL 33:6

Ki kiyai kipsengwet eng' ng'olyootap Kamuktaindet ne Toroor, ak chaang'indonywa tugul eng' kabuusetap kutinnyi.

ISAIAH 65:17

Ogeero, atau ayae kipsengwet che leelach ak ng'wonyut ne leel: ama kibwaati tuguuk che po tai, ama kochutei metit.

ISAIAH 66:22

Amu ko uu ye tebee tainnyu kipsengwet che leelach ak ng'wonyut ne leel, che ta ayae, ko uu nooto tebyei iyoteng'wong' ak kaineng'wong' eng' tainnyu, mwaei Kamuktaindet ne Toroor.

EZEKIEL 37:5

Mwachin anyun Kiptaiyat Kamuktaindet ne Toroor kowechu koleenjin: Ogeero, andeok kabuuset, si osapche.

EZEKIEL 37:6

Andeok inoik ak alaakwok panyeek ak atugenok iriryot, yeityo andeok kabuuset, si osapche; si onai ole aa Kamuktaindet ne Toroor.

EZEKIEL 37:9

Koleenjo anyun, Maotenji usoonet, maoten, ee, weeriitap chii, ak ileenji usoonet, Mwaei Kiptaiyat Kamuktaindet ne Toroor kole: Nyoo eng' usoonaik ang'wan, ee kabuuset, ak ibuusyi chu kigebar, si kobiit kosapcho.

EPESOEK 2:1

Ak kigosabok okweek, ye ki oo pegunotin eng' yaitwogikwok ak tengekwogikwok,

TITO 3:5

kosarwech, ma eng' poisyonigap imanda che ki kiyai acheeget, ago ko uu ole teptoi rireenennyi pogei, eng' kaunetap sigeet ne leel ak kaleelitetap Kabuuset ne Tiliil,

NG'ANG'UTYET 21:5

Ak ki mwa ineendet ne tebee ng'echereetap laitornatet kole, “Ogeero, ayae tuguuk tugul koleelagitu.” Ak ki le, “Sir, amu ng'aleechu ko che kiyani ak ko po iman.”