TIENWOGIKAL 103:17 - BUKUIT NE TILIIL Sireet ne Dutero Kanon

¹⁷ Ago tebyei rireenetap Kamuktaindet ne Toroor koigeny ak koigeny eng' icheek che iywei ineendet, ak imandanyi eng' lagogap lagok,

Bukuit Ne Tilil

¹⁷ Ago tebyei rireenetap Kamuktaindet ne Toroor koigeny ak koigeny eng' icheek che iywei ineendet, ak imandanyi eng' lagogap lagok,

BUKUIT NE TILIL

¹⁷ Ago tebyei rirenetab Jehovah koigeny ak koigeny eng’ ichek che iywei inendet, Ak imandanyi eng’ lagokab lagok;

TIENWOGIKAL 103:17 ပူးပေါင်းရင်းမြစ်များ

TIENWOGIKAL 100:5

Amu myee Kamuktaindet ne Toroor; tebyei rireenennyi koigeny, ak imandanyi eng' ibinwek tugul.

TIENWOGIKAL 111:3

Poisyennyi ko teegisto ak etunateet; ak tebyei imandanyi koigeny.

TIENWOGIKAL 118:1

Omwachi Kamuktaindet ne Toroor kongoi; amu myee ineendet; amu tebyei rireenennyi koigeny.

TIENWOGIKAL 22:31

pwoonei kobartoi imandanyi eng' piik che tuun kisichei, keele, ineendet ne ki yai.

TIENWOGIKAL 25:6

Ee Kamuktaindet ne Toroor, ibwaat rireenosyeguk ak chamyeng'ung' ne tala; amu ki mi kobooch keny.

TIENWOGIKAL 90:16

Ingotook poisyoniguk eng' kiboitiniguk, Ak telunateng'ung' eng' lagokwak.

KOMONG'U 20:6

Ago ariiree eliphuusyek eng' icheek che chama ak kosubi ng'atuutikyuk.

ISAIAH 41:8

Ago inyee Israel, otwogindennyu, Jakobo ne ki alewen, iyoteetap chorwennyu Abraham;

ISAIAH 46:13

Aibu imandanyu koriik, malooitu, ama igaegei yetunennyu: ak ande Zion yetunet agobo Israel ne toroornatennyu.

ISAIAH 51:6

Onyal kipsengwet, ak ogeer ng'wony: amu petos kipsengwet ko uu iyeto, ak ositu ng'wony ko uu ngoryeet, ak pegu ko uu nooto icheek che menyei olooto: ago punjin koigeny yetunennyu, ama kigeesu imandanyu.

JEREMIA 31:3

Kimong'jo Kamuktaindet ne Toroor koloo, koleenjo, Ee, ki achamin eng' chamyet ne po koigeny; ak ki atestai achamin eng' konyit.

MIKAH 6:5

Ee piikyuk, obwaat ne ki soom Balak laitoryatap Moab, ak kiit ne ki wolji Balaam weeriitap Beor ineendet; obwaat kobooch Shitim agoi Gilgal, si kobiit onai poisyonigap iman che po Kamuktaindet ne Toroor.

ROMANIK 1:17

King'aanyei eng' niito imandap Kamuktaindet kobun kayaneet agoi kayaneet; ko uu ye siraat kole, “Ineendet ne po imanda ko sabei eng' kayaneet.”

ROMANIK 15:8

Amu amwae anyun ale ki keyai Kristo koek kiboityotap kamuratanet agobo imanitap Kamuktaindet, si kobiit kogimit arorutik che ki kigoochi kwanisyek,

NG'ATUTIK 10:15

Ago ki paibait Kamuktaindet ne Toroor eng' kwanisyeguk ki cham icheek ak kolewen iyotennywa ne piitu let, ne chooto ko okweek eng' piik tugul, ko uu rani.

2 TIMOTEO 1:9

ne kisarwech ak koguurech eng' kuurseet ne tiliil, ma ko uu poisyonikyok, ago ko uu magennyi ak myeeindonyi, ne ki kigoonech eng' Kristo Jeso kobooch kenyiisyegap koigeny,

2 PETERO 1:1

Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo: