TIENWOGIKAL 102:26 - BUKUIT NE TILIIL Sireet ne Dutero Kanon

²⁶ Petos icheek, ago itebye inyee agoi; osegitu icheek tugul ko uu ngoryeet. Ak iwale icheek ko uu ngoryeet, ak kowalogis.

Bukuit Ne Tilil

²⁶ Petos icheek, ago itebye inyee agoi; osegitu icheek tugul ko uu ngoryeet. Ak iwale icheek ko uu ngoryeet, ak kowalogis.

BUKUIT NE TILIL

²⁶ Betos ichek; ago itebye inye agoi: Ee, osegitu ichek tugul ko u ngoriet; Ak iwale ichek ko u ngoriet, ak kowalogis:

TIENWOGIKAL 102:26 ပူးပေါင်းရင်းမြစ်များ

2 LAITORINIK 19:15

Ak ki sa Hezekiah eng' taitap Kamuktaindet ne Toroor kole, “Ee Kamuktaindet ne Toroor, Kamuktaindetap Israel, ne tebee kerubisyek, ii Kamuktaindet ne Toroor inyee inyegei, ne po laitornatosyek tugul che po ng'wony. Ki iyai kipsengwet ak ng'wony.

Kitabuutap JOB 38:4

Ki imi ano ye ki andoi lumeiywegap ng'wony? Mwau anyun, ngot iguitosi.

TIENWOGIKAL 102:12

Ago inyee, ee Kamuktaindet ne Toroor, ilaitorani koigeny; tebyei kabwaatetap kaineng'ung' agoi ibinwek tugul.

KOMONG'U 3:14

Koleenji `Kamuktaindet Musa; “ ‘Aa ne Aa,’ Mwachi piigap Israel ng'olyoondoni, leenji, Kagoyokwo anyoonjok.”

ISAIAH 34:4

Ak kochoot lugeet tugul ne po kipsengwet, ak kemaman kipsengwet ko uu kartasit. Ak kowandagei lugeennywa tugul, ko uu sogoot ne ibuti eng' keetitap sabibuk, ak ko uu sogoot ne ibuti eng' mogoywet.

ISAIAH 51:6

Onyal kipsengwet, ak ogeer ng'wony: amu petos kipsengwet ko uu iyeto, ak ositu ng'wony ko uu ngoryeet, ak pegu ko uu nooto icheek che menyei olooto: ago punjin koigeny yetunennyu, ama kigeesu imandanyu.

ISAIAH 65:17

Ogeero, atau ayae kipsengwet che leelach ak ng'wonyut ne leel: ama kibwaati tuguuk che po tai, ama kochutei metit.

ISAIAH 66:22

Amu ko uu ye tebee tainnyu kipsengwet che leelach ak ng'wonyut ne leel, che ta ayae, ko uu nooto tebyei iyoteng'wong' ak kaineng'wong' eng' tainnyu, mwaei Kamuktaindet ne Toroor.

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

LUKA 21:33

Siirtoi kipsengwet ak ng'wony: ago ma koi siirto ng'aleekyuk.

ROMANIK 8:20

Amu ki kigoochi yaeet tugul kogas iit kiit ne ma tilei kiy, ma ko uu ye machei, ago amu ineendet ne ki igoochi kogas iit ko uu nooto eng' kamang'unet,

NG'ANG'UTYET 20:11

Ki ageer ng'echereet ne oo ak ko leel ne po laitornatet, ak ineendet ne kitebee, ne kimwee togeennyi ng'wony ak kipsengwet; ama ki sikyi ole tebee.

NG'ANG'UTYET 21:1

Ak ki ageer kipsengwet ne leel ak ng'wony ne leel; amu ki kosiirto kipsengwet ne po tai ak ng'wonyut ne po tai; ama komi nyanjet kogeny.