TAUNET 37:29 - BUKUIT NE TILIIL Sireet ne Dutero Kanon

²⁹ Ye kingo weigei Reuben kwo ole mi keriinget, ak kogeer kole ki ma komi Joseph keriinget, kogereer ngoroikyik.

Bukuit Ne Tilil

²⁹ Ye kingo weigei Reuben kwo ole mi keriinget, ak kogeer kole ki ma komi Joseph keriinget, kogereer ngoroikyik.

BUKUIT NE TILIL

²⁹ Ak kiweeigei Reuben kwo ole mi keringet; ak ogeero, kima komi Josep keringet; ak kigerer ngoroikyik.

TAUNET 37:29 ပူးပေါင်းရင်းမြစ်များ

TAUNET 34:13

Amu kiga ng'em tupchennywa Dina, kogiwolji eng' ng'aalseet `weeriigap Jakobo Shekem kobooto kwandanyi Hamor,

TAUNET 37:34

Yeityo kogereer Jakobo ngoroikyik, ak kogermenegei kuniet, ak ki riirchi weeriinnyi peetuusyek che chaang'.

TAUNET 44:13

Kigereer anyun ngoroikwak, ak kiratyi chii tugul tuguukyik sigiryennyi ak koweektagei koba nganaseet.

2 SAMUEL 1:11

Ki nam anyun `Daudi ngoroikyik kogereer. Ki yai ko uu nooto piik tugul che ki mi ak ineendet yooto.

2 SAMUEL 13:19

Ki inde Tamar oreek metinnyi ak kogereer ngoryennyi ne kooi ne ki ilaachi. Kinamatkei met ak kwo koriiroti eng' kutit ne oo.

2 LAITORINIK 11:14

Ak ki keer, kitononi laitoryat eng' ye neegitee toloita, ko uu ye ki piteet, ak kimi kiptainik ak piik che kuutei iryagook ole neegitee laitoryat. Kiboiboitu piik tugul che po emet ak koguut iryagook. Kogereer anyun Athaliah ngoroikyik ak kowaach kole, “Chaamset! Chaamset!”

2 LAITORINIK 19:1

Ak kingo kas Laitoryat Hezekiah, kogereer ngoroikyik, kotugegei kuniok ak kwo kootap Kamuktaindet ne Toroor.

2 LAITORINIK 5:7

Kingo kagosoman parwaanooto laitoryatap Israel, kogereer ngoroikyik ak kole, “Tos aa Kamuktaindet, ne abare ak asoobi, si koyookwo chiichi chiito konyo asoop eng' mogondosaikyik? Ago asoomin ale ibwaat ak igeer ole cheeng'doi suryet eng' anee!”

Kitabuutap JOB 1:20

Ki ng'eet anyun Job ak kobet ngoryennyi ne po parak ak kocher metinnyi yeityo kobutyi ng'wony kosa.

JEREMIA 36:24

Ma iyweis, ama peet ngoroikwak, laitoryat, anan age eng' otwogikyik ne kigasei ng'aleechooto tugul.

JOEL 2:13

ak ogereer mugulelwekwok, amogereer ngoroikwok, ak oweekyigei Kamuktaindet ne Toroor Kamuktaindeng'wong': amu tinyei myeeindo ineendet ak ko nyiitaat rireenet, ma sip konereechi, ak tinyei rireenet ne oo, ak kowalei kabwaatutikyik eng' yaityet.

KAITOSYEK 14:6

Ki pet ngoroikwak Joshua weeriitap Nun ak Kaleb weeriitap Jepune; chuuto tuwai ko ki mi kobooto icheek che kigaba kosegei emet,

POISYONIGAP CHE KIYOKTOI 14:14

Ago ye kingo kas agobo nooto che kiyooktoi Barnaba ak Paulo kogereer ngoroikwak ak korwai koba kwenutap tuiyet, koboldos koleen,

KIRUOGIK 11:35

Kingo keer ineendet, kobet ngoroikyik ak kole, “Pwo! Cheptonyu! Kegoono anyeratit, ak ii age eng' che inyalila amu koang'aang'ji Kamuktaindet ne Toroor kutinnyu, ama aweechigei let.”